ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທົ່ວໂລກມີຜູ້ຕິດເຊື້ອພະຍາດໂຄວິດ19 ເກືອບ 10ລ້ານຄົນ

ດຣ. ລັດສະໝີ ວົງຄໍາຊາວ, ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ຄະນະສະເພາະກິດ ຄວບຄຸມໂຄວິດ19 ຖະແຫລງ ໃນຕອນເຊົ້າວັນທີ 26 ມິຖຸນານີ້ ເຖິງສະພາບການຄວບຄຸມ ໂຄວິດ19ວ່າ: ວັນທີ 26 ມິຖຸນາ 2020, ທົ່ວໂລກມີການລາຍງານການລະບາດ ທັງໝົດ 213 ປະເທດ , ມີຜູ້ຕິດເຊື້ອພະຍາດ COVID-19 ທັງໝົດ 9,686,673 ຄົນ, ເສຍຊິວິດ 488,932 ຄົນ , ປີ່ນປົວດີ 5,249,782 ຄົນ. ຢູ່ຂົງເຂດອາຊີ ແມ່ນປະເທດອິນເດຍ ມີຜູ້ຕິດເຊື້ອມື້ດຽວສູງເຖິງ 18,185 ຄົນ.

ມື້ຜ່ານມາ ທົ່ວປະເທດມີຜູ້ເດີນທາງເຂົ້າມາ ສປປ ລາວ ທັງໝົດ 1,599 ຄົນ,  ໃນນັ້ນຈຸດຜ່ານດ່ານລາວ-ໄທ 1,160 ຄົນ, ຜ່ານດ່ານລາວ – ຈີນ 5 ຄົນ , ຜ່ານດ່ານລາວ – ຫວຽດນາມ 434 ຄົນ, ທຸກຄົນໄດ້ແທກອຸນຫະພູມຮ່າງກາຍ ແລະ ເກັບຕົວຢ່າງໄປກວດວິເຄາະຫາເຊື້ອ ແລ້ວສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ. ຜ່ານການກວດວິເຄາະຫາເຊື້ອ  75 ມື້ແລ້ວທີ່ ສປປ ລາວ ບໍ່ພົບຜູ້ຕິດເຊື້ອໃໝ່.

ດຣ ລັດສະໝີ ວົງຄໍາຊາວ ໄດ້ຮຽກຮ້ອງເຖິງປະຊາຊົນ ທຸກພາກສ່ວນໃນສັງຄົມຈົ່ງສືບຕໍ່ປະຕິບັດຕາມແຈ້ງການ ແລະ ຄຳແນະນຳຂອງຂະແໜງການຕ່າງໆ ດ້ວຍຄວາມຮັບຜິດຊອບສູງ ຈົນກວ່າຈະມີການປ່ຽນແປງໃໝ່ ແລະຂໍໃຫ້ຕິດຕາມຂ່າວ ຈາກພາກປົກກະຕິຂອງວິທະຍຸກະຈາຍສຽງ , ໂທລະພາບ, ໜັງສືພິມ ແລະ ສື່ຕ່າງໆ.ຫລືຕິດຕາມຂໍ້ມູນທີ່ເປັນທາງການ, ໄດ້ຈາກເວັບໄຊ້ www.covid19.gov.la ແລະ ເຟດບຸກຂອງສູນສື່​ສານ​ເພື່ອ​ສຸ​ຂະ​ພາບ ແລະ ສຸຂະສຶກສາ.