ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທົ່ວໂລກມີຜູ້ຕິດເຊື້ອພະຍາດໂຄວິດ19 ເກືອບ 32 ລ້ານຄົນ

ສະພາບການລະບາດຂອງພະຍາດໂຄວິດ19 ຮອດ ເວລາ 14ໂມງ ວັນທີ 23 ກັນຍາ 2020 ທົ່ວໂລກມີທັງໝົດ 31,788,295ຄົນ- ເພີ່ມຂຶ້ນ 268.978ຄົນ. ເສຍຊິວິດ 973,632ຄົນ, ໃນນັ້ນອາເມຣິກາ ຍັງຄອງອັນດັບໜື່ງ ມີຜູ້ຕິດເຊື້ອທັງໝົດ 7.036.038ຄົນ, ເພີ່ມຂຶ້ນ 35.938ຄົນ, ເສຍຊີວິດ 204.676ຄົນ, ອິນເດຍອັນດັບສອງ 5.640.496ຄົນ, ເພີ່ມຂຶ້ນ 77.833ຄົນ, ເສຍຊີວິດ 90.021ຄົນ, ເບຼຊິນອັນດັບສາມ 4.595.335ຄົນ, ເພີ່ມຂຶ້ນ 35.252ຄົນ, ເສຍຊີວິດ 138.159ຄົນ. ສ່ວນ ສປປ ລາວ ຢູ່ອັນດັບ 205 ຜູ້ຕິດເຊື້ອສະສົມທັງໝົດ 23ຄົນ, ພວມປິ່ນປົວຢູ່ໂຮງໝໍ 1ຄົນ.
ທ່ານ ນາງດຣ. ພອນປະເສີດ ໄຊຍະມຸງຄຸນຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ.ຖະແຫລງຕໍ່ສື່ມວນຊົນ ຕອນເຊົ້າວັນທີ 23 ກັນຍາ 2020 ທີ່ກະຊວງສາທາລະນະສຸກ ເຖິງສະພາບການຄວບຄຸມໂຄວິດ19 ຂອງ ສປປ ລາວ ວ່າ: ຮອດເວລາ 17ໂມງ ວັນທີ 22ກັນຍາ 2020 ທົ່ວປະເທດມີຜູ້ເດີນທາງເຂົ້າມາລາວ ມີທັງໝົດ2,370ຄົນ: ໃນນັ້ນຈຸດຜ່ານດ່ານລາວ-ໄທ 1,640ຄົນ ມີແຮງງານລາວກັບມາແຕ່ໄທ 378ຄົນ; ຈຸດຜ່ານດ່ານລາວ-ຈີນ 37ຄົນ,ໃນນີ້ມີແຮງງານລາວ 5 ຄົນ ແລະ ແຮງງານຈີນ 9 ຄົນ, ເຫຼືອນັ້ນ ແມ່ນ ຄົນຂັບລົດສົ່ງສິນຄ້າ;
ຈຸດຜ່ານດ່ານ ລາວ-ຫວຽດນາມ 684ຄົນ, ມີນັກສຶກສາ 3ຄົນ, ນັກການທູດຫວຽດນາມ 2 ຄົນ, ແຮງງານຫວຽດນາມ 56 ຄົນ, ເຫຼືອນັ້ນແມ່ນຄົນຂັບລົດສົ່ງສິນຄ້າ, ເດີນທາງຜ່ານດ່ານ ລາວ-ມຽນມ້າ 9 ຄົນ ເປັນຄົນລາວຂັບເຮືອ ທຸກຄົນໄດ້ແທກອຸນຫະພູມຮ່າງກາຍ, ແລະເກັບຕົວຢ່າງມາກວດ ແລ້ວນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14ວັນ.
ວຽກງານວິເຄາະ ແລະ ຄົ້ນຫາຜູ້ຕິດເຊື້ອພະຍາດ: ວັນທີ 22 ກັນຍາ 2020, ໄດ້ເກັບຕົວຢ່າງມາກວດວິເຄາະທັງໝົດ 435ຄົນ,ໃນນັ້ນມີ ແຮງງານລາວມາແຕ່ໄທ 346ຕົວຢ່າງ, ແຮງງານຫວຽດນາມ 7 ຕົວຢ່າງ, ແຮງງານໄທ 16 ຕົວຢ່າງ,ບຸກຄົນທົ່ວໄປທີ່ບໍ່ມີອາການ64ຕົວຢ່າງ ແລະ ບຸກຄົນທົ່ວໄປທີ່ມີອາການ 2 ຕົວຢ່າງ; ຜົນກວດວິເຄາະທັງໝົດແມ່ນບໍ່ພົບເຊື້ອ.