ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທົ່ວໂລກມີຜູ້ຕິດເຊື້ອພະຍາດໂຄວິດ19 ທັງໝົດ 36.751.502 ຄົນ

ຮອດເວລາ 10ໂມງ 30 ນາທີ ວັນທີ 9 ຕຸລາ 2020 ທົ່ວໂລກມີຜູ້ຕິດເຊື້ອພະຍາດໂຄວິກ19 ທັງໝົດ 36.751.502 ຄົນ,ເພີ່ມຂຶ້ນ 331.774 ຄົນ, ເສຍຊີວິດ 1.066.819 ຄົນ, ໃນນັ້ນສະຫະລັດອາເມຣິກາເປັນອັນດັບໜຶ່ງ ມີຜູ້ຕິດເຊື້ອ 7.833.763 ຄົນ, ເພີ່ມຂຶ້ນ 53.815ຄົນ, ເສຍຊີວິດ 216.814 ຄົນ, ອັນດັບສອງ ແມ່ນອິນເດຍ ມີຜູ້ຕິດເຊື້ອ 6.903.812 ຄົນ, ເພີ່ມຂຶ້ນ 68.151 ຄົນ, ເສຍຊີວິດ 106.554 ຄົນ, ອັນດັບສາມ ແມ່ນ ເບຼຊິນ ຜູ້ຕິດເຊື້ອ 5.029.539 ຄົນ, ເພີ່ມຂຶ້ນ 27.182 ຄົນ, ເສຍຊີວິດ 149.04ຄົນ, ສ່ວນ ສປປ ລາວ ຢູ່ອັນດັບທີ 206 ຂອງໂລກ ມີຜູ້ຕິດເຊື້ອສະສົມ 23ຄົນ ປົວດີແລ້ວ 22ຄົນ, ພວມປິ່ນປົວຢູ່ໂຮງໝໍມິດຕະພາບ1ຄົນ.
ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດ COVID-19 ໃຫ້ສໍາພາດຕໍ່ສື່ມວນຊົນຕອນເຊົ້າວັນທີ 9ຕຸລາ 2020 ເຖິງວຽກງານເຝົ້າລະວັງ COVID-19 ຢູ່ ສປປ ລາວ ວ່າ: ຮອດເວລາ 17ໂມງ ວັນທີ 08 ຕຸລາ 2020 ທົ່ວປະເທດມີຜູ້ເດີນທາງເຂົ້າມາລາວທັງໝົດ 1,894 ຄົນ: ໃນນັ້ນຈຸດຜ່ານດ່ານ ລາວ-ໄທ 1,353 ຄົນ ມີແຮງງານລາວກັບມາແຕ່ໄທ 177 ຄົນ; ຈຸດຜ່ານດ່ານ ລາວ – ຈີນ 203 ຄົນ, ໃນນັ້ນ ມີແຮງງານລາວ 2 ຄົນ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ; ຈຸດຜ່ານດ່ານ ລາວ – ຫວຽດນາມ 338 ຄົນ, ໃນນັ້ນ ມີຄົນລາວ 3 ຄົນ, ແຮງງານຫວຽດນາມ 6 ຄົນ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ ທຸກຄົນແມ່ນໄດ້ແທກອຸນຫະພູມຮ່າງກາຍ, ແລະ ໄດ້ເກັບຕົວຢ່າງມາກວດ ແລ້ວນຳສົ່ງໄປຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.
ດຣ. ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ, ໃຫ້ຮູ້ເຖິງການຕິດຕາມຜູ້ຖືກຈຳກັດບໍລິເວນຢູ່ໃນສະຖານທີ່ ທີ່ກຳນົດໄວ້ໃນຂອບເຂດທົ່ວປະເທດວ່າ: ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ຍັງໃຫ້ບໍລິການ ທັງໝົດ 42 ສູນ, ມີຜູ້ຖືກຈຳກັດບໍລິເວນຢູ່ສູນ 3,147 ຄົນ. ໃນວັນທີ 08 ຕຸລາ 2020, ໄດ້ເກັບຕົວຢ່າງມາກວດວິເຄາະທັງໝົດ 377 ຄົນ, ໃນນັ້ນ ມີ ແຮງງານລາວມາແຕ່ໄທ 165 ຕົວຢ່າງ, ແຮງງານຈີນ 120 ຕົວຢ່າງ, ແຮງງານ ຫວຽດນາມ 69 ຕົວຢ່າງ, ແຮງງານລາວມາແຕ່ຫວຽດນາມ 3 ຕົວຢ່າງ, ບຸກຄົນທົ່ວໄປທີ່ມີອາການ 6 ຕົວຢ່າງ ແລະ ບຸກຄົນທົ່ວໄປທີ່ບໍ່ມີອາການ 14 ຕົວຢ່າງ; ຜົນກວດວິເຄາະທັງໝົດແມ່ນ ບໍ່ພົບເຊື້ອ, ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 8 ຕຸລາ 2020 ໄດ້ເກັບຕົວຢ່າງມາກວດທັງໝົດ 56,923 ຕົວຢ່າງ, ກວດພົບເຊື້ອສະສົມ 23 ຄົນ. ສ່ວນຄົນເຈັບຕິດເຊື້ອພະຍາດໂຄວິດ ກໍລະນີທີ 23 ຍັງສືບຕໍ່ປີ່ນປົວ ຢູ່ໂຮງໝໍມິດຕະພາບ ແລະ ບໍ່ມີອາການຜິດປົກກະຕິຫຍັງ.