ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທົ່ວໂລກມີລາຍງານຜູ້ຕິດເຊື້ອພະຍາດໂຄວິດ19 ທັງໝົດ 9ລ້ານກວ່າຄົນ

ໂອກາດຖະແຫລງຂ່າວ ປະຈໍາວັນທີ 22 ມິຖຸນາ 2020 ດຣ. ຣັດຕະນະໄຊ ເພັດສຸວັນ, ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຄະນະສະເພາະກິດ ຄວບຄຸມໂຄວິດ19 ໃຫ້ຮູ້ວ່າ ມື້ຜ່ານມາມີຜູ້ເດີນທາງເຂົ້າມາ ສປປ ລາວທັງໝົດ 1.522 ຄົນໃນນັ້ນຜ່ານດ່ານລາວ-ໄທ 916 ຄົນ, ມີແຮງງານລາວກັບມາແຕ່ໄທ 180 ຄົນ , ແຮງງານຈີນ 3 ຄົນ ເຫຼືອນັ້ນແມ່ນຄົນຂັບລົດສົ່ງສິນຄ້າ, ຜ່ານດ່ານລາວ – ຈີນ 23 ຄົນ , ມີແຮງງານລາວກັບມາແຕ່ຈີນ 2​ ຄົນ ເຫຼືອນັ້ນ ແມ່ນຄົນຂັບລົດສົ່ງສິນຄ້າ, ຜ່ານດ່ານລາວ – ຫວຽດນາມ 516 ຄົນ, ມີນັກທຸລະກິດຫວຽດນາມ 1​ ຄົນ ແລະ ນັກທຸລະກິດລາວ 2 ຄົນ, ເຫຼືອນັ້ນແມ່ນຄົນຂັບລົດສົ່ງສິນຄ້າ, ຜ່ານສະໜາມບິນສາກົນວັດໄຕ 67 ຄົນ ເຊີ່ງແມ່ນພະສົງ 42 ອົງ ແລະ ນັກສະແຫວງບຸນ 27 ຄົນ ແລະ ຄົນຈີນ 1 ຄົນ. ທຸກຄົນໄດ້ແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກ​ໆຄົນມາກວດ ແລ້ວນຳສົ່ງໄປ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ວຽກງານວິເຄາະ ແລະລະບາດວິທະຍາໄດ້ເກັບຕົວຢ່າງມາກວດວິເຄາະທັງໝົດ 343 ຄົນ, ໃນນັ້ນແຮງງານລາວກັບມາແຕ່ໄທ 283 ຄົນ, ແຮງງານຈີນມາແຕ່ຈີນ 60 ຄົນ, ຜົນກວດທັງໝົດແມ່ນ ບໍ່ພົບເຊື້ອ .71 ມື້ແລ້ວ ສປປ ລາວບໍ່ພົບຜູ້ຕິດເຊື້ອໃໝ່.

ປະຈຸບັນທົ່ວປະເທດ ມີສູນຈໍາກັດບໍລິເວນ ທັງໝົດ 91 ສູນ, ມີຜູ້ຖືກຈຳກັດບໍລິເວນ 3,148 ຄົນ, ຮອດວັນທີ 22 ມິຖຸນາ 2020, ທົ່ວໂລກມີລາຍງານຜູ້ຕິດເຊື້ອພະຍາດໂຄວິດ19 ທັງໝົດ  9,031,796 ຄົນ, ເສຍຊິວິດ 469,526 ຄົນ .