ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ອົງການທ່ອງທ່ຽວມາເລເຊຍ ເປັນເຈົ້າພາບຈັດງານລ້ຽງ ຄ່ຳຄືນແຫ່ງມາເລເຊຍ ທີ່ໂຮງແຮມແລນມາກ ນະຄອນຫຼວງວຽງຈັນລາວ ໃນໂອກາດງານມະຫາກໍາທ່ອງທ່ຽວອາຊຽນ ຫລື ATF 2024 ແນໃສ່ເພື່ອດຶງດູດນັກທ່ອງທ່ຽວ ແລະ ສົ່ງເສີມທີ່ມາເລ ເຊຍຈະເປັນເຈົ້າພາບກອງປະຊຸມ ATF 2025 ແລະ ປະທານອາຊຽນ 2025 ເຊັ່ນດຽວກັບປີທ່ອງທ່ຽວມາເລເຊຍ2026.
ງານດັ່ງກ່າວພາຍໃຕ້ຫົວຂໍ້ “ລົດຊາດແຊບຊ້ອຍຂອງມາເລ ເຊຍ” ໄດ້ສະແດງສິລະປະວັດທະນະທຳຂອງມາເລເຊຍ ໂດຍຜ່ານຮູບແບບການເຕັ້ນ ແລະ ການສະ ແດງຂອງຊົນເຜົ່າຕ່າງໆໃນປະເທດມາເລເຊຍ ພິເສດແມ່ນການສະ ແດງໂດຍອິສຕານາ ບູດາຢາ (Istana Budaya) ແຂກຍັງໄດ້ຮັບການບໍລິການອາຫານມາເລເຊຍທີ່ປຸງແຕ່ງເປັນພິເສດໂດຍພໍ່ຄົວ ຟາຣິດ (Chef Farid) ຈາກໂຮງແຮມໄອບິສທີ່ຕັ້ງຢູ່ໃຈກາງຕົວເມືອງກົວລາລຳເປີ (IBIS Hotel Kuala Lumpur City Centre) ແລະພໍ່ຄົວ ອີຣວານ (Chef Irwan) ຈາກອາດາບີ (ADABI).
ງານຄັ້ງນີ້ຈັດຂຶ້ນໃນຕອນຄ່ຳຂອງວັນທີ 25 ມັງກອນ 2024 ທີ່ໂຮມແຮມແລນມາຣີເວີໄຊ ໂດຍມີ ທ່ານ ດາໂຕະ ສິຣິ ຕີອອງ ຄິງ ສິງ (Dato’ Sri Tiong King Sing) ລັດຖະມົນຕີກະຊວງທ່ອງທ່ຽວ ສິລະປະ ແລະ ວັດທະນະທຳ ມາເລເຊຍ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວວັດທະນະທຳ ແລະ ທ່ອງທ່ຽວ ພ້ອມແຂກຖືກເຊີນ ແລະ ພາກສ່ວນກ່ຽວຂ້ອງຮ່ວມ.
ຂອບໃຈຂໍ້ມູນຈາກວຽງຈັນໃຫມ່