ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທ່ານທູດສະຫະພາບເອີລົບ ປະຈໍາ ສປປ ລາວ ເຄື່ອນໄຫວເຮັດວຽກຢູ່ແຂວງ ອັດຕະປື

ໃນວັນທີ 11 ມີນາ 2020 ນີ້ທ່ານ ແລວຟາເບີ ທູດສະຫະພາບເອີລົບ ປະຈໍາ ສປປ ລາວ ໄດ້ເຂົ້າຢ້ຽມຄໍານັບການນໍາຂອງແຂວງອັດຕະປື ເຊິ່ງພິທີຕ້ອນຮັບໄດ້ຈັດຂຶ້ນທີ່ຫ້ອງຮັບແຂກຫ້ອງວ່າການປົກຄອງແຂວງອັດຕະປື ໃຫ້ກຽດຕ້ອນຮັບໂດຍທ່ານ ເລັດ ໄຊຍະພອນ ເຈົ້າແຂວງໆອັດຕະປື ພ້ອມດ້ວຍພາກສ່ວນກ່ຽວຂ້ອງຂອງແຂວງ

ໂອກາດດັ່ງກ່າວທ່ານ ເລັດ ໄຊຍະພອນ ເຈົ້າແຂວງໆອັດຕະປື ກໍ່ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການມາຢ້ຽມຢາມ ແລະ ເຮັດວຽກຢູ່ແຂວງອັດຕະປື ຂອງທ່ານທູດສະຫະພາບເອີລົບ ປະຈໍາ ສປປ ລາວ ເຊິ່ງເປັນບາດກ້າວສຳຄັນ ໃນການຮັດແໜ້ນ ແລະ ເສີມຂະຫຍາຍສາຍພົວພັນ ແລະ ການຮ່ວມມືລະຫວ່າງ ສປປ ລາວ ກັບ ສະຫະພາບເອີຣົບ ແລະ ຈາກນັ້ນທ່ານເຈົ້າແຂວງອັດຕະປື ຍັງໄດ້ລາຍງານສະພາບການພັດທະນາເສດຖະກິດ-ສັງຄົມຂອງແຂວງໂດຍຫຍໍ້,ລາຍງານການໄດ້ຮັບທຶນຊ່ວຍເຫຼືອຈາກ ສະຫະພາບເອີລົບ ຫຼື ອີຢູໃນໄລຍະຜ່ານມາ,ພ້ອມປຶກສາຫາລືຮ່ວມມືກັນໃນການພັດທະນາດ້ານເສດຖະກິດ-ສັງຄົມຢູ່ແຂວງອັດຕະປື, ໂດຍສະເພາະການຜະລິດສິນຄ້າ, ຜະລິດຕະພັນໄມ້ສໍາເລັດຮູບ ແລະຜະລິດຕະພັນສິນຄ້າອື່ນໆຂອງແຂວງ ເພື່ອສົ່ງເສີມການສົ່ງອອກໄປຍັງສະຫະພາບເອີຣົບໃຫ້ຫຼາຍຂື້ນ, ເຊິ່ງຜ່ານມາສິນຄ້າຂອງແຂວງອັດຕະປື ທີ່ໂດດເດັ່ນ ແລະໄດ້ສົ່ງອອກໄປຍັງສະຫະພາບເອີຣົບ ກໍ່ມີແຕ່ສິນຄ້າປະເພດນໍ້າຕານອໍແກນິກຂອງບໍລິສັດTTC ນໍ້າຕານອອ້ຍ ແຂວງອັດຕະປື.ນອກນັ້ນ, ຍັງປຶກສາຫາລືແຜນທີ່ອີຢູຈະໄດ້ໃຫ້ການຊ່ວຍເຫຼືອແຂວງອັດຕະປື ໃນຕໍ່ໜ້າໂດຍສະເພາະມີແຜນທີ່ຈະຊ່ວຍເຫຼືອການກໍ່ສ້າງພື້ນຖານໂຄງລ່າງ, ຕາໜ່າງດ້ານສຶກສາ ແລະສາທາລະນະສຸກ ໃນເຂດຊົນນະບົດ ເພື່ອໃຫ້ຊີວິດການເປັນຢູ່ຂອງປະຊາຊົນໃນເຂດອັດຕະປື ໄດ້ມີການປ່ຽນແປງທີ່ດີຂື້ນກວ່າເກົ່າ.ການເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອັດຕະປື ຂອງທ່ານ ແລວຟາເບີ ທູດສະຫະພາບເອີລົບ ປະຈໍາ ສປປ ລາວ ພ້ອມຄະນະຄັ້ງນີ້ ຍັງໄດ້ເຄື່ອນໄຫວຢ້ຽມຢາມບາງກິດຈະກໍາທີ່ທາງສະຫະພາບເອີລົບໃຫ້ການຊ່ວຍເຫຼືອແຂວງອັດຕະປື ໃນໄລຍະທີ່ຜ່ານມານໍາອີກ

ຂ່າວ: ໂບ້ ນັກຂ່າວຫ້ອງວ່າການແຂວງ