ຕອນເຊົ້າວັນທີ 4 ກັນຍານີ້, ທ່ານນາງ ເຜິງລີ້ຢວນ ພັນລະຍາຂອງທ່ານ ສີຈິ້ນຜິງ ປະທານປະເທດຈີນ ແລະ ທ່ານນາງ ມາຣີ ພັນລະຍາຂອງປະທານາທິບໍດີປະເທດເຊເນການ ໄດ້ເຂົ້າຮ່ວມງານລ້ຽງນ້ຳຊາ ທີ່ຈັດຂຶ້ນຢູ່ນະຄອນຫຼວງປັກກິ່ງຂອງຈີນ.
ທ່ານນາງ ເຜິງລີ້ຢວນ ກ່າວວ່າ: ຈີນ ແລະ ເຊເນການມີຄວາມເຊື່ອມສານກັນຫຼາຍບ່ອນໃນດ້ານວັດທະນະທຳທີ່ເປັນມູນເຊື້ອ ແລະອື່ນໆ, ຫວັງວ່າປະຊາຊົນສອງຊາດຈະລົງເລິກຄວາມເຂົ້າໃຈກັນ ແລະ ໄມຕີຈິດມິດຕະພາບໃນການແລກປ່ຽນດ້ານວັດທະນະທຳ. ຂ້າພະເຈົ້າຍິນດີຊົມໃຊ້ບົດຮຽນດ້ານການສຶກສາຂອງແມ່ຍິງ, ສຸຂະພາບ, ສາທາລະນະສຸກ ແລະອື່ນໆຮ່ວມກັບທ່ານນາງ ມາຣີ ເພື່ອຮ່ວມກັນຊຸກຍູ້ການພັດທະນາຂອງພາລະກິດແມ່ຍິງຈີນ-ອາຟຣິກາ.
ທ່ານນາງ ມາຣີ ໄດ້ຕີລາຄາສູງຕໍ່ ທ່ານນາງ ເຜິງລີ້ຢວນ ທີ່ໄດ້ເອົາໃຈໃສ່ແມ່ຍິງ ແລະ ເດັກນ້ອຍຂອງບັນດາປະເທດອາຟຣິກາ ເຊິ່ງລວມທັງເຊເນການ ກໍຄືປະເທດຈີນທີ່ໄດ້ໃຫ້ການສະໜັບສະໜູນ ແລະ ການຊ່ວຍເຫຼືອເພື່ອເພີ່ມຄວາມສຸກໃຫ້ແກ່ປະຊາຊົນເຊເນການ, ຍິນດີຮັດແໜ້ນການແລກປ່ຽນ ແລະ ການຮ່ວມມືລະຫວ່າງສອງປະເທດ ເພື່ອຊຸກຍູ້ພາລະກິດໄມຕີຈິດມິດຕະພາບ ລະຫວ່າງ ເຊເນການ ກັບ ຈີນ ໃຫ້ກ້າວໄປຂ້າງໜ້າຢ່າງບໍ່ຢຸດຢັ້ງ.
