ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທ່ານນາຍົກລັດຖະມົນຕີ ແລະຄະນະ ຢ້ຽມຢາມ ເຮັດວຽກຢູ່ບໍລິສັດນະຄອນຫລວງອຸດສາຫະກໍາເຫລັກຈໍາກັດ VSI ແລະ ບໍລິສັດຜະລິດ ອາໄລ່ກ້ອງຖ່າຍຮູບ

ຕອນບ່າຍວັນທີ11 ກັນຍາ 2020 ທ່ານທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ເຄື່ອນໄຫວຢ້ຽມຢາມ ແລະເຮັດວຽກງານຢູ່ບໍລິສັດນະຄອນຫລວງອຸດສາຫະກໍາເຫລັກຈໍາກັດ VSI ບ້ານຊຽງຄວນ ເມືອງຫາດຊາຍຟອງ ນະຄອນຫລວງວຽງຈັນ ໂດຍການຕ້ອນຮັບ ຂອງທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ, ອົງການປົກຄອງເມືອງຫາດຊາຍຟອງ, ຄະນະບໍລິຫານ ພ້ອມດ້ວຍ ພະນັກງານບໍລິສັດນະຄອນຫລວງອຸດສາຫະກໍາເຫລັກຈໍາກັດ VSI.
ໂອກາດນີ້ ທ່ານຈັ່ນກົ່ວທວນ ປະທານ ບໍລິສັດນະຄອນຫລວງອຸດສາຫະກໍາເຫລັກຈໍາກັດ VSI ຕາງຫນ້າພະນັກງານພາຍໃນບໍລິສັດ VSI ສະແດງຄວາມຕ້ອນຮັບ ແລະ ຕີຄາຄາສູງຕໍ່ການມາ ຢ້ຽມຢາມແລະເຮັດວຽກງານຂອງນາຍົກລັດຖະມົນຕີ ພ້ອມດ້ວຍຄະນະໃນຄັ້ງນີ້ ເຊີ່ງມີຄວາມຫມາຍ ສໍາຄັນ ສະແດງໃຫ້ເຫັນເຖີງຄວາມເປັນຫ່ວງໃຍຈາກພັກແລະລັດຖະບານ ລວມເຖີງການຈັດຕັ້ງທຸກ ຂັ້ນຂອງລາວທີ່ ໃຫ້ການສະຫນັບສະຫນູນບໍລິສັດມາໂດຍຕະຫລອດ ເຮັດໃຫ້ສາມາດຕອບສະຫນອງ ເຫລັກແປຮູບທີ່ໄດ້ມາດຕະຖານອອກຮັບໃຊ້ສັງຄົມ, ທ່ານຍັງຖືໂອກາດນີ້ລາຍງານໂດຍຫຍໍ້ກ່ຽວກັບ ບໍລິສັດນະຄອນຫລວງອຸດສາຫະກໍາເຫລັກຈໍາກັດ VSI ດ້ຮັບອະນຸຍາດສ້າງຕັ້ງຂື້ນໃນເດືອນ ກັນຍາ1994ໂດຍນໍາໃຊ້ເຄື່ອງກົນຈັກທີ່ທັນສະໄຫມເຂົ້າໃນການຜະລິດເຫລັກເສັ້ນແປຮູບທີ່ໄດ້ມາດ ຕະຖານ ISO9001 ປີ2015 ດ້ວຍກໍາລັງການຜະລິດ 350.000ໂຕນຕໍ່ປີ ປະກອບມີເຫລັກເສັ້ນແປຮູບ ຊະນິດຕ່າງໆເພື່ອຕອບສະຫນອງວຽກງານກໍ່ສ້າງຕ່າງໆໂດຍສະເພາະຕຶກອາຄານ,ເຂື່ອນໄຟຟ້າ,ຖະຫນົນຫົນທາງ, ຂົວແລະອື່ນໆພ້ອມທັງສ້າງວຽງເຮັດງານທໍາໃຫ້ປະຊາຊົນຊາວນະຄອນຫລວງວຽງຈັນໃນ ຫລາຍຕໍາແຫນ່ງງານ.
ພາຍຫລັງໄດ້ຮັບຟັງການລາຍງານໂດຍຫຍໍ້ກ່ຽວກັບຫວັດຄວາມເປັນມາຂອງການສ້າງຕັ້ງບໍລິສັດ ແລະ ຂັ້ນຕອນການຜະລິດເຫລັກຮູບປະພັນຊະນິດຕ່າງໆຈາກປະທານບໍລິສັດນະຄອນຫລວງອຸດສາຫະກໍາ ເຫລັກຈໍາກັດແລ້ວ ທ່ານທອງລຸນສີສຸລິດ ນາຍົກລັດຖະມົນຕີ ໄດ້ມີຄໍາເຫັນສະແດງຄວາມຊົມເຊີຍ ຕໍ່ຜົນສໍາເລັດຂອງບໍລິສັດນະຄອນຫລວງອຸດສາຫະກໍາເຫລັກຈໍາກັດທີ່ຍາດມາໄດ້ໃນໄລຍະ ຜ່ານມາ ພ້ອມທັງເນັ້ນຫນັກໃຫ້ຄະນະບໍລິຫານງານບໍລິສັດສືບຕໍ່ເສີມຂະຫຍາຍຈຸດດີແກ້ໄຂຈຸດອ່ອນຂໍ້ຄົງຄ້າງ ທີ່ເຫັນວ່າເປັນຕົວກົດຫນ່ວງທ່ວງດືງການຜະລິດໃຫ້ນັບມື້ຫລຸດລົງແນໃສ່ເຮັດໃຫ້ການສະຫນອງຜະລິດຕະພັນເຫລັກແປຮູບທີ່ມີຄຸນນະພາບອອກຮັບໃຊ້ສັງຄົມ, ພ້ອມທັງ ສ້າງວຽກເຮັດງານທໍາ ແລະ ສ້າງລາຍຮັບທີ່ຫມັ້ນຄົງໃຫ້ພະນັກງານພາຍໃນບໍລິສັດນັບມື້ເພີ່ມຂື້ນ.
ພາຍຫລັງສໍາເລັດການຢ້ຽມຢາມ ແລະ ເຮັດວຽກຢູ່ບໍລິສັດນະຄອນຫລວງອຸດສາຫະກໍາເຫລັກຈໍາກັດ VSI ບ້ານຊຽງຄວນ ເມືອງຫາດຊາຍຟອງນະຄອນຫລວງວຽງຈັນແລ້ວ ທ່ານທອງລຸນ ສີສຸລິດ ນາຍົກ ລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ຢ້ຽມຢາມແລະເຮັດວຽກຢູ່ບໍລິສັດໂຕກຽວຄອຍຈໍາກັດ ເຊີ່ງເປັນ ບໍລິສັດຜະລິດ ອາໄລ່ກ້ອງຖ່າຍຮູບເຊີ່ງມີສໍານັກງານຕັ້ງຢູ່ບ້ານທ່າເດື່ອເມືອງຫາດຊາຍຟອງ ນະຄອນຫລວງວຽງຈັັນຕື່ມອີກ ໂດຍໄດ້ຮັບການຕ້ອນຮັບຢ່າງອົບອຸ່ນຈາກປະທານບໍລິສັດ ແລະພະນັກງານທີ່ເຮັດວຽກພາຍໃນບໍລິສັດ ຢ່າງພ້ອມພຽງ.
ໂດຍ:ເດດອາລຸນ ແກ້ວວິໄລ.