ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 31 ສິງຫາ 2023. ທ່ານ ໄພວີ ສີບົວລິພາ ກໍາມະການສູນກາງພັກ, ເລຂາຄະນະບໍລິຫານງານພັກກະຊວງ, ລັດຖະມົນຕີກະຊວງຍຸຕິທຳ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈໍາປາສັກ. ໃນໂອກາດລົງເຄື່ອນໄຫວວຽກງານໃນຄັ້ງນີ້ ທ່ານລັດຖະມົນຕີກະຊວງຍຸຕິທຳ ພ້ອມດ້ວຍຄະນະ ໄດ້ເຂົ້າພົບທ່ານ ສົມບູນ ເຮືອງວົງສາ ຄະນະປະຈໍາພັກແຂວງ ຮອງເຈົ້າແຂວງຈໍາປາສັກ ເພື່ອແຈ້ງຈຸດປະສົງໃນການ ເຄື່ອນໄຫວ ໂດຍສະເພາະ ແມ່ນການຊຸກຍູ້ການຈັດຕັ້ງປະຕິບັດວຽກງານຍຸຕິທໍາຮາກຖານປະຈໍາປີ 2023 ແລະ ການຈັດຕັ້ງປະຕິບັດຄໍາຕັດສິນຂອງສານ.
ຈາກນັ້ນ, ທ່ານລັດຖະມົນຕີກະຊວງຍຸຕິທຳ ພ້ອມດ້ວຍຄະນະ ກໍໄດ້ລົງເຄື່ອນໄຫວຕິດຕາມ, ຊຸກຍູ້ ແລະ ຊີ້ນໍາ ການຈັດຕັ້ງປະຕິບັດວຽກງານຍຸຕິທໍາຮາກຖານ ຢູ່ພະແນກຍຸຕິທໍາແຂວງຈໍາປາສັກ, ມີຫົວໜ້າພະແນກ, ຫົວໜ້າສະຖາບັນຍຸຕິທໍາແຫ່ງຊາດ ສາຂາຈໍາປາສັກ, ຮອງຫົວໜ້າພະແນກຍຸຕິທໍາແຂວງ, ຫົວໜ້າຂະແໜງ, ຮອງຂະແໜງ, ບັນດາຫົວໜ້າຫ້ອງການຍຸຕິທຳ 09 ເມືອງ, 01 ນະຄອນປາກເຊ ແລະ ຄະນະຈາກສູນກາງ ເຂົ້າຮ່ວມທັງໝົດຈໍານວນ 60 ຄົນ.
ໃນກອງປະຊຸມ ທ່ານ ບຸນຄົງ ພັນວົງສາ ກໍາມະການພັກແຂວງ ຫົວໜ້າພະແນກຍຸຕິທຳແຂວງຈໍາປາສັກ, ທ່ານ ໄຊຍາ ຈັນທະນາໄລ ຫົວໜ້າສະຖາບັນຍຸຕິທໍາແຫ່ງຊາດ ສາຂາຈໍາປາສັກ ໄດ້ລາຍງານສະພາບການເຄື່ອນໄຫວວຽກງານຍຸຕິທຳຮາກຖານໃນໄລຍະ 6 ເດືອນຕົ້ນປີ ແລະ ທິດທາງແຜນ ການ 6 ເດືອນທ້າຍປີ 2023. ເປັນຕົ້ນ ການເຮັດວຽກງານການເມືອງ-ແນວຄິດ, ວຽກງານຈັດຕັ້ງ ແລະ ພະນັກງານ, ວຽກງານສ້າງ ແລະ ປັບປຸງນິຕິກໍາ, ວຽກງານໂຄສະນາເຜີຍແຜ່ກົດໝາຍ, ວຽກງານການສ້າງບ້ານ ແລະ ຄອບຄົວແບບຢ່າງປະຕິບັດກົດໝາຍ, ວຽກກງານໄກ່ເກ່ຍຂໍ້ຂັດແຍ່ງຂັ້ນບ້ານ, ວຽກງານຍຸຕິທໍາເດັກ, ວຽກງານສ້າງບຸກຄະລາກອນທາງດ້ານກົດໝາຍ, ວຽກງານປະຕິບັດຄໍາຕັດສີນຂອງສານ ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ ແລະ ບັນດາຂໍ້ຄົງຄ້າງທີ່ຈະຕ້ອງໄດ້ເອົາໃຈໃສ່ປັບປຸງແກ້ໄຂໃນຕໍ່ໜ້າ. ຈາກນັ້ນ ທ່ານ ນະລົງລິດ ນໍລະສິງ ຫົວໜ້າຫ້ອງການ ກະຊວງຍຸຕິທຳ ພະນັກງານລົງກໍ່ສ້າງຮາກຖານ ປະຈຳຢູ່ພະແນກຍຸຕິທຳ ແຂວງສະຫວັນນະເຂດ ໄດ້ຂຶ້ນລາຍງານການເຄື່ອນໄຫວວຽກງານຂອງຕົນໃນໄລຍະລົງກໍ່ສ້າງຮາກຖານ 3 ເດືອນຜ່ານມາ ຊຶ່ງຍົກໃຫ້ຜົນສຳເລັດ, ຂໍ້ຄົງຄ້າງ ແລະ ທິດທາງແຜນການຂອງການຈັດຕັ້ງປະຕິບັດວຽກງານຍຸຕິທໍາຮາກຖານໃນຕໍ່ໜ້າ.
ໃນຕອນທ້າຍຂອງກອງປະຊຸມ ທ່ານ ໄພວີ ສີບົວລິພາ ກຳມະການສູນກາງພັກ, ເລຂາຄະນະບໍລິຫານພັກກະຊວງ, ລັດຖະມົນຕີກະຊວງຍຸຕິທຳ ກໍໄດ້ມີຄຳເຫັນໂອ້ລົມ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ພະແນກຍຸຕິທໍາແຂວງ, ສະຖາບັນຍຸຕິທໍາແຫ່ງຊາດ ສາຂາຈໍາປາສັກ ແລະ ຫ້ອງການຍຸຕິທໍາເມືອງ ຍາດມາໄດ້ໃນໄລຍະຜ່ານມາ. ພ້ອມນັ້ນ ທ່ານກໍໄດ້ເນັ້ນໜັກ ໃຫ້ຄະນະພັກ-ຄະນະນໍາຂອງພະແນກຍຸຕິທໍາ ເຊີດຊູບົດບາດການນໍາພາຂອງພັກ, ຄົ້ນຄວ້າ, ເຊື່ອມຊຶມ, ແນວທາງນະໂຍບາຍຂອງພັກ, ກົດໝາຍ ແລະ ລະບຽບການຂອງລັດ ໃນແຕ່ລະໄລຍະ. ໃຫ້ເປັນປົກກະຕິ, ເອົາໃຈໃສ່ເຄື່ອນໄຫວຈັດຕັ້ງປະຕິບັດຄຳແນະນໍາຂອງລັດຖະມົນຕີກ່ຽວກັບການ ຈັດຕັ້ງປະຕິບັດວຽກງານຍຸຕິທຳຮາກຖານ ປະຈຳປີ 2023 ຢ່າງແຂງແຮງ ແລະ ເປັນຂະບວນການຟົດຟື້ນ, ຍົກສູງຄວາມເປັນແບບຢ່າງນໍາໜ້າໃນການປະຕິບັດໜ້າທີ່ ທີ່ພັກ-ລັດ ແລະ ປະຊາຊົນມອບໝາຍໃຫ້ເປັນຢ່າງດີ ມີຜົນສຳເລັດໃໝ່ໃຫຍ່ຫຼວງກວ່າເກົ່າ.
ໃນໂອກາດລົງເຄື່ອນໄຫວຊຸກຍູ້ວຽກງານຍຸຕິທຳຮາກຖານໃນຄັ້ງນີ້ ທ່ານລັດຖະມົນຕີກະຊວງຍຸຕິທຳກໍໄດ້ມອບເງິນ ໃຫ້ພະແນກຍຸຕິທໍາແຂວງຈໍາປາສັກ ຈໍານວນ 15,000,000 ກີບ (ສິບຫ້າລ້ານກີບ) ແລະ ມອບໃຫ້ຫ້ອງການຍຸຕິທໍາ 09 ຕົວເມືອງ, 01 ນະຄອນປາກເຊ ເມືອງລະ 15,000,000 ກີບ (ສິບຫ້າລ້ານກີບ) ລວມທັງໝົດ 165,000,000 ກີບ (ໜຶ່ງຮ້ອຍຫົກສິບຫ້າລ້ານກີບ) ເພື່ອຊຸກຍູ້ໃນການເຄື່ອນໄຫວວຽກງານຍຸຕິທໍາຮາກຖານ.
ໃນຕອນບ່າຍຂອງວັນດຽວກັນ ທ່ານລັດຖະມົນຕີກະຊວງຍຸຕິທຳ ພ້ອມດ້ວຍຄະນະ ກໍໄດ້ລົງເຄື່ອນໄຫວພົບປະ ຊຸກຍູ້ວຽກງານຍຸຕິທໍາຮາກຖານ ຢູ່ຫ້ອງການຍຸຕິທໍາເມືອງຈໍາປາສັກ ໃຫ້ກຽດຕ້ອນຮັບໂດຍ ທ່ານ ສະຫວາດ ແກ້ວບັນດິດ ກໍາມະການພັກແຂວງ ເຈົ້າເມືອງຈໍາປາສັກ, ທ່ານ ດໍາລົງຍະເດດ ສູນທອນຫົວໜ້າຫ້ອງການຍຸຕິທໍາເມືອງຈໍາປາສັກ ພ້ອມດ້ວຍອົງການຈັດຕັ້ງອອ້ມຂ້າງເມືອງຈໍາປາສັກ. ໃນໂອກາດການລົງເຄື່ອນໄຫວພົບປະຊຸກຍູ້ວຽກງານຍຸຕິທໍາຮາກຖານໃນຄັ້ງນີ້ ທ່ານລັດຖະມົນຕີ ຍັງໄດ້ຮັບຟັງການລາຍງານກ່ຽວກັບການປະຕິບັດໜ້າທີ່ວຽກງານໃນໄລຍະຜ່ານມາ ຈາກຫ້ອງການຍຸຕິທໍາເມືອງຈໍາປາສັກ ຕື່ມອີກ ແລະ ຜູ້ເຂົ້າຮ່ວມກໍໄດ້ມີການສົນທະນາແລກປ່ຽນບົດຮຽນເຊິ່ງກັນ ແລະ ກັນ ດ້ວຍບັນຍາກາດຟົດຟື້ນ.
ຂ່າວ-ພາບ: ໄຊຍະສິດ ບັນຍາວົງ

Fatal error: Uncaught ErrorException: md5_file(/home/lnrorg/public_html/wp-content/litespeed/css/9793da815f3e9d1cab13a19d1c947acb.css.tmp): Failed to open stream: No such file or directory in /home/lnrorg/public_html/wp-content/plugins/litespeed-cache/src/optimizer.cls.php:130 Stack trace: #0 [internal function]: litespeed_exception_handler(2, 'md5_file(/home/...', '/home/lnrorg/pu...', 130) #1 /home/lnrorg/public_html/wp-content/plugins/litespeed-cache/src/optimizer.cls.php(130): md5_file('/home/lnrorg/pu...') #2 /home/lnrorg/public_html/wp-content/plugins/litespeed-cache/src/optimize.cls.php(837): LiteSpeed\Optimizer->serve('https://lnr.org...', 'css', true, Array) #3 /home/lnrorg/public_html/wp-content/plugins/litespeed-cache/src/optimize.cls.php(330): LiteSpeed\Optimize->_build_hash_url(Array) #4 /home/lnrorg/public_html/wp-content/plugins/litespeed-cache/src/optimize.cls.php(264): LiteSpeed\Optimize->_optimize() #5 /home/lnrorg/public_html/wp-includes/class-wp-hook.php(324): LiteSpeed\Optimize->finalize('<!DOCTYPE html>...') #6 /home/lnrorg/public_html/wp-includes/plugin.php(205): WP_Hook->apply_filters('<!DOCTYPE html>...', Array) #7 /home/lnrorg/public_html/wp-content/plugins/litespeed-cache/src/core.cls.php(477): apply_filters('litespeed_buffe...', '<!DOCTYPE html>...') #8 [internal function]: LiteSpeed\Core->send_headers_force('<!DOCTYPE html>...', 9) #9 /home/lnrorg/public_html/wp-includes/functions.php(5373): ob_end_flush() #10 /home/lnrorg/public_html/wp-includes/class-wp-hook.php(324): wp_ob_end_flush_all('') #11 /home/lnrorg/public_html/wp-includes/class-wp-hook.php(348): WP_Hook->apply_filters(NULL, Array) #12 /home/lnrorg/public_html/wp-includes/plugin.php(517): WP_Hook->do_action(Array) #13 /home/lnrorg/public_html/wp-includes/load.php(1260): do_action('shutdown') #14 [internal function]: shutdown_action_hook() #15 {main} thrown in /home/lnrorg/public_html/wp-content/plugins/litespeed-cache/src/optimizer.cls.php on line 130