ປີນີ້ແມ່ນປີທີ່ເວທີປຶກສາຫາລືອາຊີໂປອາວສ້າງຕັ້ງຂຶ້ນຄົບຮອບ 20 ປີ. ໃນການກ່າວຄຳປາໄສຕໍ່ກອງປະຊຸມປະຈຳປີຂອງເວທີປຶກສາຫາລືອາຊີໂປອາວປະຈຳປີ 2021ຜ່ານທາງວີດີໂອ, ທ່ານສີຈິ້ນຜິງໄດ້ຫວນຄືນເຖິງຂະບວນການພັດທະນາຂອງເວທີປຶກສາຫາລືໃນ 20 ປີທີ່ຜ່ານມາ, ທັງໄດ້ສະເໜີຄຳຖາມທີ່ເລິກເຊິ່ງ, ຄື: ສັງຄົມມະນຸດຄວນກ້າວເດີນໄປໃນທາງທິດໃດ? ພວກເຮົາຄວນສ້າງອະນາຄົດແບບໃດໃຫ້ແກ່ລູກຫຼານລຸ້ນຫຼັງ?
ກ່ຽວກັບຄຳຖາມນີ້, ທ່ານສີຈິ້ນຜິງໄດ້ສະເໜີຂໍ້ລິເລີ່ມ 4 ຂໍ້, ຄື:
1, ພວກເຮົາຕ້ອງປຶກສາຫາລືຢ່າງສະເໝີພາບກັນ, ເປີດອະນາຄົດທີ່ຕ່າງຝ່າຍຕ່າງໄດ້ຮັບຜົນປະໂຫຍດ ແລະ ຊົມໃຊ້ຮ່ວມກັນ;
2, ພວກເຮົາຕ້ອງເປີດປະຕູສູ່ພາຍນອກ ແລະ ປະດິດສ້າງໃໝ່, ເປີດອະນາຄົດທີ່ພັດທະນາ ແລະ ຈະເລີນຮຸ່ງເຮືອງ;
3, ພວກເຮົາຕ້ອງຮ່ວມແຮງຮ່ວມໃຈ, ເປີດອະນາຄົດທີ່ມີສຸຂະພາບເຂັ້ມແຂງ ແລະ ປອດໄພ;
4, ພວກເຮົາຕ້ອງຍຶດໝັ້ນຄວາມເປັນທຳ, ເປີດອະນາຄົດທີ່ເຄົາລົບ ແລະຖອດຖອນບົດຮຽນເຊິ່ງກັນແລະກັນ.
ຂໍ້ລິເລີ່ມ 4 ຂໍ້ດັ່ງກ່າວ, ໄດ້ເຊື່ອມໂຍງກັບຂໍ້ລິເລີ່ມ ການເຄື່ອນໄຫວ ແລະ ວິໄສທັດ, ເຊິ່ງແມ່ນ “ແຜນການແກ້ໄຂຂອງຈີນ”ຢ່າງເປັນລະບົບໃຫ້ແກ່ອາຊີ ແລະ ທົ່ວໂລກ.
Loading...