ລະຫວ່າງວັນທີ 29 ພະຈິກ ຫາວັນທີ 1 ທັນວາ 2022 ນີ້, ທ່ານທອງລຸນ ສີສຸລິດເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງສາທາລະນະລັດປະຊາທິປະໄຕປະຊາຊົນລາວ ໄດ້ເດີນທາງໄປຢ້ຽມຢາມ ສາທາລະນະລັດປະຊາຊົນຈີນ ທາງລັດຖະກິດ. ໃນເວລາໃຫ້ສຳພາດຕໍ່ນັກຂາວ CMG ໃນກ່ອນໜ້ານີ້, ທ່ານ ທອງລຸນ ສີສຸລິດ ໄດ້ຫວນຄືນເລື່ອງມ່ວນຊື່ນເລື່ອງໜຶ່ງທີ່ໄດ້ພົວພັນກັບທ່ານ ສີຈິ້ນຜິງ ໃນໄລຍະຈັດງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດເມື່ອປີ 2018.
ວັນທີ 5 ພະຈິກປີ 2018, ທ່ານທອງລຸນ ສີສຸລິດ ໄດ້ໄປເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຢູ່ນະຄອນຊຽງໄຮຂອງຈີນ. ຕອນນັ້ນ, ທ່ານ ທອງລຸນ ສີສຸລິດ ກັບທ່ານສີຈິ້ນຜິງ ພ້ອມດ້ວຍຜູ້ນຳຫຼາຍທ່ານໄດ້ເຂົ້າຊົມຫໍວາງສະແດງຕ່າງໆ.ເມື່ອເຂົ້າຊົມຫໍວາງສະແດງລົດໄຟຄວາມໄວສູງ, ທ່ານທອງລຸນ ສີສຸລິດທີ່ເປັນນາຍົກລັດຖະມົນຕີ ສ.ປ.ປ ລາວ ໃນຕອນນັ້ນ ໄດ້ສະເໜີວ່າຢາກໄປນັ່ງຂັບລົດໄຟຂະບວນທີ່ວາງສະແດງຢູ່ທີ່ນັ້ນ, ເພາະວ່າອີກບໍ່ດົນ, ປະເທດລາວຈະເປີດນຳໃຊ້ເສັ້ນທາງລົດໄຟລາວ-ຈີນແລ້ວ. ທ່ານ ສີຈິ້ນຜິງຟັງແລ້ວຕອບວ່າ: “ເຊີນ! ເຊີນ!”
ທ່ານທອງລຸນ ສີສຸລິດ ມີຄວາມປະທັບໃຈຫຼາຍຕໍ່ງານວາງສະແດງຄັ້ງນັ້ນ. ທ່ານເວົ້າວ່າ: “ເຖິງວ່າລາວມີບຸສນ້ອຍໆ, ແຕ່ວ່າທ່ານ ສີຈິ້ນຜິງກໍໄດ້ຍ່າງໄປເບິ່ງໄປຊົມ.”ທ່ານໄດ້ເອົາຊາພັນປີທີ່ຜະລິດຢູ່ລາວໃຫ້ທ່ານສີຈິ້ນຜິງເບິ່ງ, ທ່ານ ສີຈິ້ນຜິງເວົ້າວ່າ: ໂອ! ຊານີ້ມີຄຸນນະພາບດີຫຼາຍ! ຫຼັງຈາກນັ້ນ, ບໍລິສັດທີ່ຜະລິດຊາພັນປີແຫ່ງນີ້ໄດ້ຂາຍດິບຂາຍດີ, ນີ້ສະແດງໃຫ້ເຫັນວ່າ: ທ່ານສີຈິ້ນຜິງ ຍ່າງໄປຮອດບ່ອນໃດ, ປະຊາຊົນກໍປະທັບໃຈແລະໃຫ້ຄວາມສົນໃຈຢ່າງສູງຢູ່ບ່ອນນັ້ນ.
ທ່ານທອງລຸນ ສີສຸລິດ ກ່າວວ່າ: “ທຸກຄັ້ງທີ່ຂ້າພະເຈົ້າມີໂອກາດພົບປະກັບທ່ານ ສີຈິ້ນຜິງ, ກໍມີຄວາມປະທັບໃຈອັນເລິກເຊິ່ງຕໍ່ຄວາມເປັນມິດໄມຕີຂອງທ່ານ ສີຈິ້ນຜິງ. ຄວາມເປັນມິດໄມຕີຂອງເພິ່ນບໍ່ສະເພາະແຕ່ໃນເວລາແລກປ່ຽນຄວາມຄິດຄວາມເຫັນ ແລະເວລາທີ່ສົນທະນາກັນເທົ່ານັ້ນ, ແຕ່ວ່າເປັນມິດໄມຕີທີ່ອອກຈາກຈິດໃຈຂອງເພິ່ນຢ່າງແທ້ຈິງ. ເພິ່ນໃຫ້ກຽດ, ໃຫ້ຄວາມອົບອຸ່ນແກ່ຄູ່ສົນທະນາ, ໂດຍສະເພາະຄູ່ສົນທະນາທີ່ມີອຸດົມການດຽວກັນ,ເພິ່ນຕັ້ງໃຫ້ບົດຮຽນ ແລະປະສົມການຢ່າງຈິງໃຈອີກດ້ວຍ.”
ທ່ານທອງລຸນ ສີສຸລິດກ່າວວ່າ: ເພິ່ນຕິດຕາມການເຄື່ອນໄຫວຢູ່ພາຍໃນແລະຕ່າງປະເທດຂອງທ່ານສີຈິ້ນຜິງເລື້ອຍໆ ແລະເຫັນວ່າ: ທ່ານສີຈິ້ນຜິງ ເປັນຄົນທີ່ມີຫຼັກການ, ມີຫຼັກໝັ້ນ, ມີຄວາມເດັດຂາດເດັດດ່ຽວທາງດ້ານທັດສະນະ, ທັງເປັນຜູ້ນຳທີ່ມີຄວາມເຂັ້ມແຂງໜັກແໜ້ນ, ເປັນຜູ້ນຳທີ່ເຕັມໄປດ້ວຍຄວາມຮູ້, ມີວິໄສທັດກວ້າງໄກ ແລະມີຄວາມສາມາດທີ່ໂດດເດັ່ນ.
Loading...