ຕອນບ່າຍວັນທີ 14 ກັນຍາປີ 2022 ນີ້ ຕາມເວລາທ້ອງຖິ່ນ, ທ່ານສີຈິ້ນຜິງ ປະທານປະເທດຈີນໄດ້ຮັບຫຼຽນ ໄຊ “ອິນຊີຄຳ”ທີ່ມອບໂດຍ ທ່ານ ຄາຊິມ ໂຈມາດ ໂທຄາເຢັຟ, ປະທານາທິບໍດີກາຊັກສະຖານຢູ່ທຳນຽບປະທານາທິບໍ ດີກາຊັກສະຖານທີ່ຕັ້ງຢູ່ນະຄອນຫຼວງເນີຊຸດຕານ.
ທ່ານ ຄາຊິມ ໂຈມາດ ໂທຄາເຢັຟ ໄດ້ກ່າວປາໄສ ໂດຍສະແດງຄວາມຍ້ອງຍໍຊົມເຊີຍໃນລະດັບສູງຕໍ່ ທ່ານ ສີຈິ້ນຜິງ ປະທານປະເທດຈີນ ທີ່ໄດ້ເສີມຂະຫຍາຍບົດບາດທີ່ມີລັກສະນະປະຫວັດສາດ ແລະປະກອບສ່ວນຢ່າງໃຫຍ່ຫຼວງເຂົ້າໃນການປັບປຸງມິດຕະພາບລະຫວ່າງປະຊາ ຊົນສອງຊາດໃຫ້ໝັ້ນຄົງຂະໜົງແກ່ນ ແລະຊຸກຍູ້ການພົວ ພັນລະຫວ່າງກາຊັກສະຖານ-ຈີນໃຫ້ມີການຂະຫຍາຍຕົວ.
ທ່ານກ່າວວ່າ: ການຢ້ຽມຢາມຂອງ ທ່ານ ສີຈິ້ນຜິງໃນຄັ້ງນີ້ຈະຖືກບັນທຶກເຂົ້າໃນປື້ມປະຫວັດສາດການພົວພັນກາຊັກ ສະຖານ-ຈີນ. ຝ່າຍກາຊັກສະຖານຍິນດີພະຍາຍາມຮ່ວມ ກັນກັບຝ່າຍຈີນ, ເກາະແຂນກັນກ້າວໄປສູ່ອະນາຄົດທີ່ດີງາມກວ່າເກົ່າ.
ໃນໂອກາດນີ້, ທ່ານ ສີຈິ້ນຜິງ ໄດ້ກ່າວຊີ້ໃຫ້ເຫັນວ່າ: ທ່ານປະທານາທິບໍດີໂທຄາເຢັຟມອບຫຼຽນໄຊ“ອິນຊີຄຳ”ໃຫ້ແກ່ຂ້າພະເຈົ້າ, ໄດ້ສະແດງໃຫ້ເຫັນເຖິງຄວາມເອົາໃຈໃສ່ໃນລະດັບສູງຂອງກາຊັກສະຖານທີ່ມີຕໍ່ການພົວພັນລະຫວ່າງຈີນ-ກາຊັກສະຖານ ພ້ອມທັງຄວາມຮັກແພງແລະໄມຕີຈິດມິດຕະພາບທີ່ເລິກເຊິ່ງຂອງປະຊາຊົນກາຊັກສະຖານທີ່ມີຕໍ່ປະຊາຊົນຈີນ. ຂ້າພະເຈົ້າທະນຸຖະໜອມທີ່ສຸດຕໍ່ຫຼຽນໄຊໜ່ວຍນີ້ທີ່ເປັນສັນຍາລັກແຫ່ງມິດຕະພາບລະຫວ່າງປະ ຊາຊົນສອງປະເທດ. ພ້ອມນີ້ທ່ານສະແດງຄວາມເຊື່ອໝັ້ນວ່າ, ພາຍໃຕ້ຄວາມພະຍາຍາມຮ່ວມກັນຂອງສອງຝ່າຍ, ການພົວພັນລະຫວ່າງຈີນ-ກາຊັກສະຖານຈະພືປີກບິນໄປສູ່ບ່ອນທີ່ສູງກວ່າເກົ່າແລະໄກກວ່າເກົ່າເໝືອນດັ່ງອິນຊີຄຳ, ສ້າງຄວາມຜາສຸກໃຫ້ແກ່ປະຊາຊົນສອງຊາດຫຼາຍກວ່າເກົ່າ.
ຫຼຽນໄຊ“ອິນຊີຄຳ”ແມ່ນຫຼຽນກຽດຕິຍົດສູງສຸດຂອງກາຊັກສະຖານ ເຊິ່ງມີຈຸດປະສົງເພື່ອຍ້ອງຍໍບຸກຄົນທີ່ໄດ້ປະກອບສ່ວນອັນສຳຄັນເຂົ້າໃນການສ້າງສາປະເທດ ແລະການສ້າງການພົວພັນໄມຕີຈິດມິດຕະພາບກັບຕ່າງປະເທດຂອງກາຊັກສະຖານ.
Source: Xinhua
