ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທ່ານເຈົ້າແຂວງໄຊຍະບູລີ ລົງຊຸກຍູ້ວຽກງານຮອບດ້ານ ຢູ່ເມືອງເງິນ

ວັນທີ 25 ກັນຍາ 2020 ນີ້ ຢູ່ທີຫ້ອງວ່າການເມືອງເງິນ ແຂວງ ໄຊຍະບູລີ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍທີມງານ ໄດ້ລົງເຄື່ອນໄຫວຊຸກຍູ້ວຽກງານຮອບດ້ານ ຢູ່ເມືອງເງິນ.

ເນື່ອງໃນໂອກາດທີ່ລົງມາເຄື່ອນໄຫວຊຸກຍູ້ວຽກງານໃນຄັ້ງນີ້ ທ່ານ ຍັງໄດ້ ໂອ້ລົມ ຕໍ່ ຄະນະນຳຂອງເມືອງ ເຊິ່ງທ່ານ ໄດ້ເໜັ້ນໜັກບາງບັນຫາທີ່ສໍາຄັນດັ່ງນີ້: ໃຫ້ເອົາໃຈໃສ່ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ ກໍ່ຄື ມະຕີກອງປະຊຸມໃຫຍ່ຄັ້ງທີ V ຂອງອົງຄະນະພັກເມືອງ. ໂດຍຫັນມາເປັນແຜນການ, ແຜນງານ, ໂຄງການ ລະອຽດ ແບ່ງບຸກຄົນຮັບຜິດຊອບ ໃນການຈັດຕັ້ງປະຕິບັດທຸກໆຂົງເຂດວຽກງານ ເປັນຕົ້ນ ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານເສດຖະກິດ, ວຽກງານວັດທະນະທຳ-ສັງຄົມ. ແລະ ໃຫ້ສືບຕໍ່ ລົງເຜີຍແຜ່ ຜົນສຳເລັດກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງໄຊຍະບູລີ ໃຫ້ພໍ່ແມ່ປະຊາຊົນຊາວເມືອງເງິນ ໄດ້ຮັບຮູ້ ຢ່າງກວ້າງຂວາງ ທົ່ວເຖິງ ແລະໃຫ້ສຳເລັດ ຢູ່ໃນເດືອນຕຸລາ 2020 ນີ້.

ຕອນທ້າຍທ່ານ ຍັງໄດ້ເໜັ້ນໜັກ ໃຫ້ ຄະນະພັກ ອົງການປົກຄອງເມືອງ ກໍ່ຄືພາກສ່ວນທີ່ກ່ຽວຂ້ອງ ພ້ອມກັນເອົາໃຈໃສ່ຜັນຂະຫຍາຍ ຄຳສັ່ງແນະນຳຂອງທ່ານເຈົ້າແຂວງ ສະບັບເລກທີ 270 /ຈຂ ຊຍ ລົງວັນທີ 22 ກັນຍາ 2020   ວ່າດ້ວຍການປ້ອງກັນ ແລະ ສະກັດກັ້ນພະຍາດ ອະຫິວາໝູ ອາຟຣິກກາ ທີ່ພວມລະບາດຢູ່ບັນດາ ເມືອງໃກ້ຄຽງໃນປະຈຸບັນນີ້ ເປັນຕົ້ນ ເມືອງຊຽງຮ່ອນ, ເມືອງຄອບ. ໃຫ້ແຕ່ງຕັ້ງຄະນະສະເພາະກິດ ຕ້ານ ແລະ ສະກັດກັ້ນຕໍ່ພະຍາດດັ່ງກ່າວ ໃຫ້ເຂັ້ມງວດ ເພາະເມືອງເງິນ ເຄີຍມີການລະບາດພະຍາດ ອະຫິວາໝູ ອາຟຣິກກາ ມາແລ້ວ 1 ຄັ້ງໃນທ້າຍປີ 2019 ຜ່ານມາ . ເພື່ອເປັນການຮັບປະກັນບໍ່ໃຫ້ມີການລະບາດເກີດຂື້ນອີກຕື່ມ ເມືອງຈະຕ້ອງໄດ້ຕັ້ງຈຸດກວດກາສີດພົ່ນຢາຂ້າເຊື້ອ ລະຫວ່າງເມືອງຕໍ່ເມືອງ, ຫ້າມບໍ່ໃຫ້ມີການນຳເຂົ້າ, ສົ່ງອອກ , ເຄື່ອນຍ້າຍ, ຊື້, ຂາຍ, ບໍລິໂພກ ແລະ  ຜະລິດຕະພັນໝູທຸກຊະນິດ ຢ່າງເດັດຂາດ.

ໂດຍ: ອິນແປງ ແຫວນຄຳ