ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທ່ານເຈົ້າແຂວງ ໄຊຍະບູລີ ຕິດຕາມ ແລະ ລົງຊຸກຍູ້ ການປູກພືດເປັນສິນຄ້າ ຢູ່ເມືອງ ແກ່ນທ້າວ

ໃນວັນທີ 31 ກໍລະກົດ 2020 ນີ້ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ, ທ່ານ ພົນຈັດຕະວາ ສີພັນ ພຸດທະວົງ ຫົວໜ້າກົມ ຊາຍແດນ ກະຊວງປ້ອງກັນປະເທດ ພ້ອມດ້ວຍຄະນະໄດ້ລົງຕິດຕາມ ແລະ ຊຸກຍູ້ຂະບວນການປູກພືດອຸດສາຫະກໍາເປັນສິນຄ້າຂອງປະຊາຊົນເຂດບ້ານ ຫ້ວຍເລິກ-ວັງປາ, ເມືອງ ແກ່ນທ້າວ ແຂວງ ໄຊຍະບູລີ, ໃຫ້ການຕ້ອນຮັບ ແລະ ນໍາພາລົງເບິ່ງພື້ນທີ່ທໍາການຜະລິດຂອງປະຊາຊົນມີ ທ່ານ ອໍາຄາ ລັດສະໝີ ເຈົ້າເມືອງ ແກ່ນທ້າວ, ມີນາຍບ້ານແຕ່ລະບ້ານ ແລະ ປະຊາຊົນຊາວກະສິກອນໃນຂອບເຂດບ້ານ ຫ້ວຍເລິກ-ວັງປາ.

ທ່ານ ອໍາຄາ ລັດສະໝີ ເຈົ້າເມືອງ ແກ່ນທ້າວ ໄດ້ໃຫ້ຮູ້ວ່າ: ການຜະລິດລະດູຝົນຂອງປະຊາຊົນເມືອງ ແກ່ນທ້າວ ໃນປີນີ້ແມ່ນເປັນຂະບວນຟົດຟື້ນ ແລະ ປູກສໍາເລັດ 100% ທັນຕາມລະດູການ, ສໍາລັບການປູກພືດອຸດສາຫະກໍາເປັນສິນຄ້າຂອງປະຊາຊົນໃນຂອບເຂດບ້ານ ຫ້ວຍເລິກ-ວັງປາ ແມ່ນມີເນື້ອທີ່ທັງໝົດ 24 ພັນກວ່າເຮັກຕາ, ພືດທີ່ປະຊາຊົນປູກສ່ວນໃຫຍ່ແມ່ນ: ມັນຕົ້ນ, ສາລີ, ໝາກງາ, ຖົ່ວດິນ, ຖົ່ວແດງ ແລະ ອື່ນໆ, ມາຮອດປະຈຸບັນແມ່ນກໍາລັງບົວລະບັດຮັກສາ, ໃສ່ຝຸ່ນ ແລະ ເສຍຫຍ້າ-ຂ້າແມງໄມ້, ໂອກາດດັ່ງກ່າວ ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ກໍ່ໄດ້ຍ້ອງຍໍຊົມເຊີຍຕໍ່ປະຊາຊົນຊາວກະສິກອນທີ່ໄດ້ເອົາໃຈໃສ່ໃນການປູກພືດອຸດສາຫະກໍາເປັນສິນຄ້າເພື່ອສົ່ງອອກ, ພ້ອມທັງໄດ້ຮຽກຮ້ອງໃຫ້ປະຊາຊົນຊາວກະສິກອນຈົ່ງສືບຕໍ່ເອົາໃຈໃສ່ໃນການບົວລະບັດຮັກສາ, ການໃສ່ຝຸ່ນ, ການເສຍຫຍ້າຂ້າຮຸ່ນ, ເຝົ້າລະວັງການລະບາດຂອງສັດຕູພືດ ແລະ ອື່ນໆ ເພື່ອຮັບປະກັນໃຫ້ການຜະລິດດັ່ງກ່າວໄດ້ຮັບຜົນຜະລິດສູງຕາມແຜນການທີ່ວາງໄວ້, ຈາກນັ້ນທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ແລະ ທ່ານ ພົນຈັດຕະວາ ສີພັນ ພຸດທະວົງ ຫົວໜ້າກົມ ຊາຍແດນ ກະຊວງປ້ອງກັນປະເທດ ພ້ອມດ້ວຍທີມງານກໍ່ໄດ້ເຂົ້າຢ້ຽມຢາມອ້າຍນ້ອງທະຫານຊາຍແດນທີ່ເຮັດໜ້າທີ່ປ້ອງກັນຊາຍແດນຢູ່ເມືອງ ທົ່ງມີໄຊ ແລະ ໄດ້ມອບລົດສີ້ງຈໍານວນ 1 ຄັນ ມູນຄ່າ 30 ກວ່າລ້ານກີບ ໃຫ້ກອງຮ້ອງຊາຍແດນ 159 ເພື່ອປະກອບສ່ວນເຂົ້າໃນການປະຕິບັດໜ້າທີ່ຂອງອ້າຍນ້ອງທະຫານຊາຍແດນ.

 

ຂ່າວ-ພາບໂດຍ: ອຸ່ນເຮືອນ ໂພທິລັກ