ທ່ານ ຄໍາແພງ ໄຊສົມແພງ ເຈົ້າແຂວງຫົວພັນພ້ອມດ້ວຍຄະນະ ໄດ້ລົງຢ້ຽມຢາມ ແລະພົບປະໂອ້ລົມນາຍ ແລະພົນທະຫານກອງບັນຊາການທະຫານແຂວງ

ໃນໂອກາດນີ້ທ່ານ ຄໍາແພງ ໄຊສົມແພງ ໄດ້ຍົກໃຫ້ເຫັນມູນເຊື້ອການກຳເນີດເຕີບໃຫ່ຍຂະຫຍາຍ ຕົວຂອງກອງທັບປະຊາຊົນລາວ ຕະຫລອດໄລຍະ 75 ປີຜ່ານມາ, ສະພາບການສະພາບຂອງໂລກ ພາກພື້ນ ຍັງມີການຜັນແປຢ່າງສະຫຼັບສັບຊ້ອນຊື່ງມີທັງກາລະໂອກາດເອື້ອອໍານວຍໃນການຮ່ວມມື ແລະ ພັດທະ ນາ, ມີທັງສີ່ງທ້າທາຍທົດສອບຫຼາຍປະການ ສະນັ້ນເພື່ອສືບຕໍ່ປະຕິບັດສອງໜ້າທີ່ຍຸດທະສາດ ຂອງພັກ ຄື: ປົກປັກຮັກສາ ແລະ ພັດທະນາປະເທດຊາດໄປຕາມແນວທາງປ່ຽນແປງໃໝ່ຂອງພັກຢ່າງ ມີຫຼັກການ ທັງເປັນການເສີມຂະຫຍາຍມູນເຊື້ອອັນສະຫງ່າງາມຂອງກອງທັບ ກໍ່ຄືມູນເຊື້ອຂອງກອງບັນ ຊາການທະຫານແຂວງເຂົ້າໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງ ຊົນຮອບດ້ານຂອງພັກຮັບປະກັນໃຫ້ແຂວງຫົວພັນມີຄວາມສະຫົງບ, ສັງຄົມມີຄວາມເປັນລະບຽບ ຮຽບຮ້ອຍ, ເສດຖະກິດໄດ້ຮັບການພັດທະນາດີຂື້ນ.

ທ່ານເຈົ້າແຂວງຫົວພັນຍັງຮຽກຮ້ອງໃຫ້ນາຍ ແລະພົນທະຫານຈົ່ງສືບຕໍ່ເສີມຂະຫຍາຍ 3 ທາດແທ້ 6 ມູນເຊື້ອຂອງກອງທັບ ໂດຍຕິດພັນກັບມູນເຊື້ອຂອງກົມກອງ ທັງຫັນເອົາກໍາລັງລົງກໍ່ສ້າງຮາກຖານການ ເມືອງຕາມ 4 ເນື້ອໃນ 4 ຄາດໝາຍ, ສ້າງທ່າສະຫນາມ ປ້ອງກັນຊາດ-ປ້ອງກັນຄວາມສະຫົງບທົ່ວປວງ ຊົນຮອບດ້ານ, ຕິດພັນກັບວຽກງານ 3 ສ້າງໃຫ້ກາຍເປັນ ຂະບວນການຢ່າງກ້ວາງຂວາງເຮັດໃຫ້ແຂວງ ຫົວພັນມີຄວາມສະຫງົບໂດຍຟື້ນຖານ ເພີ່ມທະວີຄວາມສາມັກຄີເປັນເອກະພາບພາຍໃນຄະນະ ພັກ – ຄະນະບັນຊາ, ພະນັກ ງານ-ນັກຮົບໃຫ້ເປັນປຶກແຜ່ນແໜ້ນໜາ ເຮັດວຽກງານກໍ່ສ້າງພັກ- ພະນັກງານໃຫ້ມີ ຄວາມເຂັ້ມແຂງໜັກແໜ້ນທາງດ້ານຄຸນທາດການເມືອງ, ມີຄຸນສົມບັດ, ສິນທໍາປະຕິວັດ, ມີສະຕິຕໍ່ການ ຈັດຕັ້ງ, ມີລະບຽບວິໄນ ສ້າງພະນັກງານສືບຖອດປ່ຽນແທນ ໃຫ້ຖືກຕ້ອງເໝາະສົມ, ເພີ່ມທະວີວຽກ ງານອົບຮົມຫັດແອບ, ຍົກລະດັບສິລະປະຍຸດ-ຍຸດທະວິທີໃຫ້ມີຄວາມສໍານິສໍານານ, ສຸມໃສ່ສ້າງ ໜ່ວຍພັກປອດໃສ, ເຂັ້ມແຂງ, ໜັກແໜ້ນຕິດພັນກັບຂະບວນການສ້າງກົມກອງ 3 ປອດ; ປອດໃສ ປອດໄພ, ປອດຄະດີສ້າງນັກຮົບ – ກອງວັດທະນະທໍາ ແນໃສ່ຕ້ານ ແລະ ສະກັດກັ້ນບໍ່ໃຫ້ເກີດມີປະກົດ ການຫຍໍ້ທໍ້ຂື້ນໃນກົມກອງ, ເຊີດຊູນໍ້າໃຈເພີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍ ຕົນເອງ, ຍົກສູງນໍ້າໃຈ ປະຫຍັດມັດທະຍັດ, ສູມໃສ່ຂຸດຄົ້ນທ່າແຮງບົ່ມຊ້ອນຂອງກົມກອງເຂົ້າໃນການ ຜະລິດ ເພື່ອແກ້ໄຂຊີວິດການເປັນຢູ່ພະນັກງານ-ນັກຮົບນັບມື້ດີຂື້ນ ແລະ ກໍາແໜ້ນແນວທາງການຕ່າງ ປະ ເທດຂອງພັກ ເປັນຕົ້ມແມ່ນຫວຽດນາມ, ຈີນ, ຣັດເຊຍ ແລະ ປະເທດສັງຄົມນິຍົມອ້າຍນ້ອງໃຫ້ນັບ ມື້ເຂົ້າສູ່ລວງເລິກ ແລະ ແໜ້ນແຟ້ນກ່ວາເກົ່າ.