ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນຕອນເຊົ້າວັນທີ 27 ມີນາ 2023 ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ,ປະທານປະທດ ສປປ ລາວ ໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມການນຳແຂວງຈຳປາສັກ,ທີ່ຫ້ອງວ່າການແຂວງ ໂອກາດນິ້ທ່ານ ວິໄລວົງ ບຸດາຄຳ ເຈົ້າແຂວງຈຳປາສັກ,ທ່ານ ສາຍທອງ ໄຊຍະວົງ ປະທານສະພາປະຊາຊົນແຂວງ ພ້ອມດ້ວຍການນຳແຂວງ ໄດ້ໃຫ້ການຕ້ອນຮັບ ຢ່າງອົບອຸ່ນ ແລະ ລາຍງານສະພາບການພາບການະນາເສດຖະກິດ – ສັງຄົມ ໃຫ້ຮັບຊາບ. ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກລາຍງານວ່າ:ການພັດທະນາ ເສດຖະກິດ-ສັງຄົມ, ແຜນງົບປະມານແຫ່ງລັດ ໃນ ປີ 2022 ໂດຍສະເພາະບັນຫາສຳຄັນທີ່ພົ້ນເດັ່ນໃນການພັດທະນາເສດຖະກິດ ເຮັດໃຫ້ ອັດຕາການຂະຫຍາຍຕົວຢ່າງຕໍ່ເນື່ອງ ເຊັ່ນ: ດ້ານເສດຖະກິດມະຫາພາກ; ປີ 2022 ເສດ ຖະກິດຂອງແຂວງ ໂດຍລວມໄດ້ດຳເນີນໄປຕາມຄາດໝາຍ ແລະ ແຜນທີ່ວາງໄວ້, ສາມາດສ້າງມູນຄ່າລວມຍອດຜະລິດຕະພັນພາຍໃນປະຕິບັດໄດ້ 30.362,8 ຕື້ກີບ, ທຽບໃສ່ແຜນປະຕິບັດໄດ້ລື່ນແຜນ 28,3%
ແຜນ 23,670,34 ຕື້ ກີບ), ອັດຕາການຂະຫຍາຍຕົວຢູ່ໃນລະດັບ 5,95% (GDP), ສະເລ່ຍຕໍ່ຫົວຄົນໄດ້ 2.774 ໂດລາ ຕໍ່ຄົນ ຫຼື ເທົ່າກັບ 39,9 ລ້ານກີບຕໍ່ຄົນ (ແຜນ 3.134 ໂດລາສະຫະລັດ), ເຮັດໃຫ້ໂຄງປະກອບເສດຖະກິດ: ຂະແໜງກະສິກຳ-ປ່າໄມ້ ກວມ 32,76%, ຂະແໜງອຸດສາຫະກໍາ ກວມ 24,09% ແລະ ຂະ ແໜງບໍລິການ ກວມ 43,15% ຂອງ GDP. ການລົງງທຶນທັງໝົດເພື່ອການພັດທະນາ. ສາມາດລະດົມຂົນຂວາຍຈາກທຸກແຫຼ່ງ ທຶນ ໄດ້ 10.309,54 ຕື້ກີບ (ແຜນ 7.687,46 ຕື້ກີບ), ທຽບໃສ່ແຜນປີປະຕິບັດໄດ້ລື່ນ ແຜນ 34%, ໃນນັ້ນ; ການລົງທຶນຂອງລັດ 68,85 ຕື້ກີບ ກວມ 0,67%, ທຶນຊ່ວຍເຫຼືອ (ODA) ມູນຄ່າ 356,57 ຕື້ກີບ ກວມ 3,46%; ການລົງທຶນພາຍໃນ-ຕ່າງປະເທດມູນ ຄ່າ 5.444,8 ຕື້ກີບ ກວມ 52,81% ແລະ ສິນເຊື່ອທະນາຄານ 4.438,87 ຕື້ກີບ ກວມ 43,06% ຂອງການລົງທຶນທັງໝົດ.
ການເກັບລາຍຮັບງົບປະມານ: ໄດ້ສຸມໃສ່ຈັດຕັ້ງປະຕິບັດແຜນງົບປະມານແຫ່ງລັດປີ 022 ບົນພື້ນຖານຕົວເລກ ຄາດໝາຍທີ່ສະພາປະຊາຊົນແຂວງຮັບຮອງ ດ້ວຍການເພີ່ມທະວີການນຳພາ ຄຸ້ມຄອງ ແລະ ຕ້ານການຮົ່ວໄຫຼ ຂອງລາຍຮັບງົບປະມານແຫ່ງລັດ.
ຜ່ານ ການຈັດຕັ້ງປະຕິບັດ ເຮັດໃຫ້ການຈັດເກັບລາຍຮັບປີ 2022 ບ້ລຸໄດ້ 1.842,47 ຕື້ ກີບ, ທຽບໃສ່ແຜນດັດແກ້ ເທົ່າກັບ 115,79%, ທຽບໃສ່ໄລຍະດຽວປີກ່ອນ ເພີ່ມຂື້ນ 35,75%, ທຽບໃສ່ແຜນ 5 ປີ ຄັ້ງທີ IX ເພີ່ມຂຶ້ນ 42,35%,
ຈາກຮບຟັງລາຍງານໂອກາດນີ້ ທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ໄດ້ເປັນກຽດໂອ້ລົມ ເພື່ອຊຸກຍູ່ໃຫ້ກຳລັງໃຈຕໍ່ການນຳພາ ຂອງອົງຄະນະພັກແຂວງ ໃນການນຳພາ ຊີ້ນຳ ແລະປະຕິບັດແຜນພັດທະນາເສດຖະກິດສັງຄົມຢູ່ແຂວງຈຳປາສກໃຫ້ສືບຕໍ່ກ້າວຂຶ້ນ,ການເມືອງມີຄວາມເປັນສະຖຽນລະພາບ,ສັງຄົມມີຄວາມສະຫງົບເປັນລະບຽບຮຽບຮ້ອຍ ຈາກພົບປະໂອ້ລົມແລ້ວ ປະະທານປະເທດຍັງໄດ້ລົງພື້ນທີ່ຕິດຕາມຊຸກຍູ້ໂຄງການພັດທະນາແຄມຂອງ ທີ່ຕັ້ງຢູ່ນະຄອນປາກ,ຢ້ຽມຊົມແຫຼ່ງທ່ອງທ່ຽວພູສ່າເຫຼົ້າ ເມືອງໂພນທອງ.
ສ່ວນ ໃນວັນທີ 26 ຜ່ານມາ ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ,ປະທານປະທດ ສປປ ລາວ.ຍັງໄດ້ເດີນທາງຢ້ຽມຢາມ ແລະ ເຮັດວຽກຢູ່ເມືອງໂຂງ ຢ້ຽມຢາມປະຊາຊົນບ້ານນາ,ບ້ານໂພນສະອາດອີກດ້ວຍ.
ທັງນີ້ກໍເພື່ອສະແດງຄວາມເປັນຫ່ວງເປັນໃຍ ຂອງກົມການເມືອງສູນກາງພັກ,ລັດຖະບານຕໍ່ຊີວິກການເປັນຢູ່ ຂອງປະຊາຊົນລາວບັນດາເຜົາ,ເປັນການຊຸກຍູ້ໃຫ້ກຳລັງໃຈແກ່ຄະນະພັກ ອົງການປົກຄອງແຕ່ທ້ອງຖິ່ນ ໃນການຊີ້ນຳ ນຳພາ ປະຕິບັດພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄືຊີວິດການເປັນຢູ່ຂອງຕົນໃຫ້ນັບມື້ມີການຫັນປ່ຽນດີຂື້ນຢ່າງບໍ່ຢຸດຢັ້ງ.
ເກດສະໜາ ແກ້ວສຸວັນນະແສງ