ທ່ານ ທອງລຸນ ສີສຸລິດ ຢ້ຽມຢາມ ແລະ ໂອ້ລົມປະຊາຊົນບ້ານບວມອໍ້ເມືອງຊຽງເງີນ ແຂວງ ຫລວງພະບາງ

 

ວັນທີ່ 6 ຕຸລາ 2013 ນີ້ ທ່ານ ທອງລຸນ ສີສຸລິດ ປະທານປະເທດພ້ອມດ້ວຍຄະນະ, ໄດ້ຢ້ຽມຢາມ ແລະພົບປະໂອ້ລົມ ປະຊາຊົນບ້ານບວມອໍ້ ເມືອງຊຽງເງີນ ແຂວງຫຼວງພະບາງ, ໂອກາດນີ້ ໄດ້ຮັບຟັງການລາຍງານສະພາບຂອງບ້ານ
ໂດຍຫຍໍ້ ບ້ານບວມອໍ້ເປັນບ້ານຈັດສັນໃໝ່ ເນື່ອງຈາກບ້ານເກົ່າ ເປັນຈຸດທີ່ຖືກຜົນກະທົບຈາກການກໍ່ສ້າງເສັ້ນທາງລົດໄຟ ລາວ-ຈີນ ມີປະຊາຊົນທີ່ຖືກຜົນກະທົບ ຕ້ອງຍົກຍ້າຍອອກໄປຕັ້ງພູມລຳເນົາໃໝ່ຈຳນວນ 107 ຄອບຄົວ,
ສຳລັບການແກ້ໄຂຜົນກະທົບດ້ານທີ່ພັກອາໄສໃຫ້ແກ່ປະຊາຊົນ ແມ່ນໄດ້ຮັບທືນຊ່ວຍເຫຼືອລ້າຈາກ ສປ ຈີນ ໃນການກໍ່ສ້າງ ຜ່ານການຄົ້ນຄວ້າ-ຄັດເລືອກ ໄດ້ນຳໃຊ້ເນື້ອທີ່ດີນຫຼາຍກວ່າ 23 ເຮັກ ຕ່າ, ກໍ່ສ້າງເຮືອນ 3 ປະເພດຄື: ຂະ
ໜາດໃຫຍ່ 13 ຫຼັງ, ກາງ 68 ຫຼັງ ແລະຂະໜາດນ້ອຍ 26 ຫຼັງ, ນອກນີ້ ໄດ້ກໍ່ສ້າງໂຮງຮຽນປະຖົມ 1 ຫຼັງ, ອະນຸບານ 1 ຫຼັງ, ຫ້ອງ ການບ້ານ 1 ຫຼັງ, ສຸກສາລາ 1 ຫຼັງ ແລະສີ່ງອຳນວຍຄວາມສະດວກ ເປັນຕົ້ນເສັ້ນທາງ, ລະບົບໄຟຟ້າ
ແລະ ນ້ຳລີນ ລວມມູນຄ່າການກໍ່ສ້າງທັງໝົດ 70 ລ້ານກວ່າຢວນ, ເລີ້ມລົງມືກໍ່ສ້າງແຕ່ວັນທີ່ 26 ກໍລະກົດ 2021 ມາຮອດປັດຈຸບັນການກໍ່ສ້າງໄດ້ສຳເລັດ ແລະ ໄດ້ຍົກຍ້າຍປະຊາຊົນເຂົ້າຢູ່ສຳເລັດ ໃນວັນທີ່ 14 ພຶດສະພາ 2022,
ຈາກນັ້ນ ໄດ້ມີພິທີມອບ-ຮັບຢ່າງເປັນທາງການໃນວັນທີ່ 29 ທັນວາ 2022 ເຊີ່ງຄະນະຮັບຜິດຊອບຂອງແຂວງ, ຂອງເມືອງ, ສົມທົບກັບອົງການປົກຄອງບ້ານ ພ້ອມດ້ວຍປະຊາຊົນ ໄດ້ດຳເນີນການຈົກສະຫຼາກ ແລະ ມອບໃຫ້ປະຊາ
ຊົນຜູ້ເປັນເຈົ້າຂອງເຮືອນແຕ່ລະຫຼັງປົກປັກຮັກສາ, ຄູ້ມຄອງ-ນຳໃຊ້ດ້ວຍຄວາມເພີ່ງພໍໃຈ ແລະ ມີຄວາມສະຫງົບເປັນຢ່າງດີ. ຕອນທ້າຍ ທ່ານ ທອງລຸນ ສີສຸລິດ ໄດ້ມີຄຳເຫັນໂອ້ລົມ ເນັ້ນໃຫ້ປະຊາຊົນພ້ອມກັນເສີມຂະຫຍາຍຄວາມ
ສາມັກຄີພາຍໃນບ້ານ, ພ້ອມກັນພັດທະນາເສດະກິດ ຕາມທ່າແຮງ ເປັນຕົ້ນການປູກຝັງ-ລ້ຽງສັດ ແລະ ຜະລິດຫັດຖະກຳ ໃຫ້ເປັນສີນຄ້ານັບມື້ຫຼາຍຂື້ນເພື່ອປະກອບສ່ວນການພັດທະນາເສດຖະກິດ-ສັງຄົມຂອງເມືອງ-ຂອງແຂວງ
ໃຫ້ມີຄວາມເຂັ້ມແຂງ. ໂອກາດການຢ້ຽມຢາມ ແລະ ເຮັດວຽກຢູ່ເມືອງຊຽງເງີນຄັ້ງນີ້ ທ່ານ ທອງລຸນ ສີສຸລິດ ໄດ້ໄປຢ້ຽມຢາມພື້ນຖານໂຄງລ່າງຂອງບ້ານບວມອໍ້ ແລະ ໂອ້ລົມພະນັກງານຫຼັກແຫຼ່ງຂອງເມືອງຊຽງເງີນຕື່ມອີກ.