ໃນ ວັນທີ 23 ກໍລະກົດ 2021, ຄະນະຜູ້ແທນທູດ ສປປ ລາວ ແລະ ສສ ຫວຽດນາມ ປະຈຳ ສປ ຈີນທີ່ຈັດຕັ້ງໂດຍກະຊວງການຕ່າງປະເທດຂອງຈີນນັ້ນໄດ້ໄປທັດສະນະຢ້ຽມຊົມຫໍລະນຶກ ຂອງໂຮງຮຽນຫວຽດນາມ ມະຫາວິທະຍາໄລສ້າງຄູກວາງຊີ.
ໂຮງຮຽນ ຢູ້ໄຊ ຫວຽດນາມ ເປັນຊື່ລວມຂອງໂຮງຮຽນທີ່ລັດຖະບານຈີນ ຊ່ວຍເຫຼືອປະເທດຫວຽດນາມກໍ່ຕັ້ງຂຶ້ນຢູ່ທີ່ນະຄອນນານໜິງ ແລະ ນະຄອນກຸ້ຍຫຼິນໃນລະຫວ່າງຊຸມປີ 1950 ເຖິງຊຸມປີ 1970, ໂຮງຮຽນແຫ່ງນີ້ໄດ້ບໍາລຸງກໍ່ສ້າງພະນັກງານລັດ ແລະ ຄູອາຈານປະມານ 4.000 ຄົນ ແລະ ນັກຮຽນ 3.000 ກວ່າຄົນໃຫ້ແກ່ປະເທດຫວຽດນາມ. ຫຼັງຈາກສໍາເລັດການຮຽນຢູ່ເຂດກວາງຊີ ສປ ຈີນ ແລ້ວ,ມີນັກຮຽນຈໍານວນຫຼວງຫຼາຍໄດ້ກາຍເປັນນັກການເມືອງ, ນັກການທູດ, ນັກເສດຖະສາດ, ນັກວິທະຍາສາດ, ນັກພາສາຈີນສາດ, ນັກກະວີ, ນັກດົນຕີທີ່ດີເດັ່ນຂອງປະເທດຫວຽດນາມ, ໃນນັ້ນ,ລວມທັງມີຜູ້ນໍາພັກ-ລັດ ແລະ ການນໍາພາກສ່ວນຕ່າງໆຂອງປະເທດຫວຽດນາມ.
“ບັນດາໝູ່ເພື່ອນລາວກໍ່ມີຄວາມສົນໃຈຫຼາຍຕໍ່ເລື່ອງນີ້, ເພາະວ່າໃນກຸ່ມນັກຮຽນຊຸມປີ 1950 ເຫຼົ່ານີ້, ມີ ນັກສຶກສາລາວປະມານ 10 ກວ່າຄົນ.” ຫຼັງຈາກທ່ານ ຫວງຊີງສີວ(Huang Xingqiu) ຜູ້ອຳນວຍການຫໍລະນຶກໂຮງຮຽນຫວຽດນາມ ແນະນໍາແລ້ວໆ, ທ່ານ ຊູກຸ້ຍຟາ(Su Guifa) ຮອງອະທີ່ການບໍດີຂອງມະຫາວິທະຍາໄລສ້າງຄູກວາງຊີທີ່ຕອນຮັບ ຂອງຄະນະຜູ້ແທນ ທີ່ ຢ້ຽມຢາມໄດ້ມີການແນະນຳເຖິງຜົນສຳເລັດຂອງການແລກປ່ຽນ ແລະ ການຮ່ວມມື ລະຫວ່າງ ໂຮງຮຽນຂອງຕົນ ກັບ ສປປ ລາວໃນຂົງເຂດການສຶກສາ ແລະ ວັດທະນະທຳໃນຊຸມປີມໍ່ໆຜ່ານມານີ້.
ທ່ານ ນາງ ຄໍາເພົາ ເອີນທະວັນ ເອກອັກຄະລັດຖະທູດ ວິສາມັນ ຜູ້ມີອໍານາດເຕັມແຫ່ງ ສປປ ລາວປະຈໍາ ສປ ຈີນ ໄດ້ສະແດງຄວາມຂອບໃຈຕໍ່ໂຮງຮຽນ ຢູ້ໄຊ ແລະ ມະຫາວິທະຍາໄລສ້າງຄູກວາງຊີທີ່ໄດ້ໃຫ້ການຊ່ວຍເຫຼືອໃນການຝຶກອົບຮົມບຸກຄະລາກອນອຂອງລາວໃນໄລຍະເວລາທີ່ແຕກຕ່າງກັນຜ່ານມານີ້. ໃນເມື່ອທີ່ເພິ່ນຂຽນປຶ້ມບັນທຶກຄວາມຂອງຜູ້ເຂົ້າຊົມນັ້ນ, ເພິ່ນໄດ້ຂຽນວ່າ: “ການຢ້ຽມຢາມຄັ້ງນີ້ໄດ້ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ຂະພະເຈົ້າ. ຂ້າພະເຈົ້າໄດ້ເຫັນການຊ່ວຍເຫຼືອອັນເອື້ອເຟື້ອຈາກພັກກອມມູນິດຈີນໃຫ້ແກ່ຫວຽດນາມ ແລະ ລາວ, ໂດຍສະເພາະແມ່ນໄດ້ໃຫ້ການຊ່ວຍເຫຼືອດ້ານການຝຶກອົບຮົມບຸກຄະລາກອນ.ຂໍອວຍພອນໃຫ້ມິດຕະພາບ ລະຫວ່າງ ລາວ-ຫວຽດນາມ-ຈີນ ຈົ່ງໝັ້ນຄົງຂະໜົງແກ່ນຊົ່ວຟ້ານິລັນດອນ! ”
ຂຽນໂດຍ: ນັກຂ່າວສະຖານີວິທະຍຸກະຈາຍສຽງ ແລະ ໂທລະພາບແຂວງກວາງຊີ ລຽງທາຍ (Liang Tai) ແລະ ພານຈືໝິງ (Pan Zhiming)
Loading...