ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 26 ມັງກອນ 2024, ທ່ານ ນາງ ສວນສະຫັວນ ວິຍະເກດ ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ໄດ້ນໍາພາຄະນະຜູ້ແທນຂັ້ນສູງດ້ານການທ່ອງ ທ່ຽວອາຊຽນ ເຂົ້າຢ້ຽມຄໍ່ານັບ ທ່ານ ສອນໄຊ ສີພັນດອນ, ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດທີ່ໄດ້ເດີນ ທາງມາຮ່ວມງານມະຫະກຳທ່ອງທ່ຽວອາຊຽນຄັ້ງທີ 27 ທີ່ນະຄອນຫຼວງວຽງຈັນ.
ໃນໂອກາດດັ່ງກ່າວ ທ່ານ ນາຍົກລັດຖະມົນ ແຫ່ງ ສປປ ລາວ ກໍໄດ້ແຕງຄວາມຕ້ອນຮັບອັນອົບອຸ່ນມາຍັງບັນດາທ່ານຜູ້ແທນລັດຖະມົນຕີທ່ອງທ່ຽວອາຊຽນ, ປະເທດຄູ່ຮ່ວມພັດທະນາ, ອົງການຈັດຕັ້ງສາ ກົນ, ເລຂາທິການໃຫຍ່ອາຊຽນ ໂດຍທ່ານໄດ້ຕີລາຄາສູງທີ່ໄດ້ເດີນທາງມາຮ່ວມກອງປະຊຸມລັດຖະ ມົນຕີທ່ອງທ່ຽວອາຊຽນ, ກອງປະຊຸມທີ່ກ່ຽວຂ້ອງ ແລະງານວາງສະແດງການທ່ອງທ່ຽວອາຊຽນ 2024 ທີ່ນະຄອນຫຼວງວຽງຈັນ ສປປ ລາວ ໃນຄັ້ງນີ້ ຕໍ່ຜົນສຳເລັດຂອງກອງປະຊຸມດັ່ງກ່າວເປັນຂີດ ໝາຍສໍາຄັນໃຫ້ແກ່ການເພີ່ມທະວີການຮ່ວມມື, ການຈັດຕັ້ງປະຕິບັດແຜນຍຸດທະສາດການທ່ອງທ່ຽວອາຊຽນ ອາຊຽນຈະກາຍເປັນຈຸດໝາຍປາຍທາງການທ່ອງທ່ຽວທີ່ມີຄຸນນະພາບ,ມີຄວາມຫຼາກຫຼາຍ, ມີຄວາມຮັບຜິດຊອບປີ 2021-2025 ມີເອກະລັກສະເພາະ ແລະ ປະກອບສ່ວນເຂົ້າໃນການປັບປຸງຄຸນນະພາບການດຳລົງຊີວິດຂອງປະຊາຊົນອາຊຽນ” ໃຫ້ນັບມື້ນັບດີຂຶ້ນ,
ໃນໂອກາດເຂົ້າຢ້ຽມຂໍ່ານັບທ່ານນາຍົກລັດມົນຕີ, ທ່ານ ນາງ ສວນສະຫວັນ ວິຍະເກດ, ລັດຖະມົນຕີ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ລາຍງານວ່າ: ງານມະຫະກຳທ່ອງທ່ຽວຄັ້ງນີ້ ປະກອບມີ 4 ກິດຈະກໍາສໍາຄັນຄື: 1) ກອງປະຊຸມລັດຖະມົນຕີທ່ອງ ທ່ຽວອາຊຽນ ແລະ ກອງປະຊຸມປິ່ນອ້ອມ; 2) ງານວາງສະແດງການທ່ອງທ່ຽວອາຊຽນ;3) ກອງປະຊຸມສຳມະນາ ທຸລະກິດທ່ອງທ່ຽວ ແລະ, 4) ການທັດສະນະສຶກສາຢ້ຽມ ຢາມສະຖານທີ່ທ່ອງທ່ຽວ. ສໍາລັບ ກອງປະຊຸມລັດຖະມົນຕີທ່ອງທ່ຽວອາຊຽນຄັ້ງທີ 27 ໄດ້ພິຈາ ລະນາຮັບຮອງເອົາບັນດາເອກະສານສໍາຄັນຈໍານວນໜຶ່ງ. ໃນນີ້, ຍັງມີພິທີມອບ-ຮັບລາງວັນມາດຕະຖານການທ່ອງທ່ຽວອາຊຽນ ແລະ ພິທີປີດງານມະຫະກຳການ ທ່ອງທ່ຽວອາຊຽນເຊິ່ງຈະໄດ້ຈັດຂຶ້ນໃນຕອນຄ່ໍາຂອງວັນທີ 26 ມັງກອນນີ້ ໂດຍການມອບຮັບລາງວັນຄັ້ງນີ້ ປະກອບມີ 4 ປະເພດລາງວັນຄື: ລາງວັນມາດຕະຖານໂຮງແຮມຂຽວອາຊຽນ, ລາງວັນມາດຕະ ຖານເມືອງທ່ອງທ່ຽວສະອາດອາຊຽນ,ລາງວັນມາດຕະຖານສະຖານທີ່ຈັດງານອາຊຽນ ແລະ ລາງວັນການທ່ອງທ່ຽວແບບຍືນຍົງອາຊຽນ. ພິທີຮັບລາງວັນດັ່ງກ່າວ ມີຜູ້ເດີນທາງມາຮ່ວມຮັບລາງວັນຈາກປະເທດສະມາຊິກອາຊຽນຈໍານວນ 300 ກວ່າຄົນ.
May be an image of 14 people and dais