ຕອນເຊົ້າຂອງວັນທີ 25 ເມສາ 2021 ນີ້ ທ່ານ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ ແລະ ຊີ້ນໍາວຽກງານຕ້ານ ແລະ ສະກັດກັ້ນພະຍາດໂຄວິດ-19 ຢູ່ເມືອງປາກງື່ມ ໂອກາດນີ້ ທ່ານ ຮອງນາຍົກລັດຖະມົນຕີ ພ້ອມ ຄະນະກໍ່ໄດ້ຮັບຟັງການລາຍງານຈຸດພິເສດ ແລະ ທີຕັ້ງ, ສະພາບການເຄື່ອນໄຫວສະກັດກັ້ນ ແລະ ຕ້ານການແຜ່ລະລະບາດຂອງພະຍາດຂອງພະຍາດໂຄວິດ-19 ແລະ ການເຄື່ອນໄຫວເຮັດໜ້າທີ່ຂອງກໍາລັງປ້ອງກັນຊາດ-ປ້ອງກັນຄວາມສະຫງົບ ຢູ່ເຂດເມືອງປາກງື່ມ ຈາກ ທ່ານ ຄໍາໝູນ ຕຽນທະລາດ ເລຂາພັກເມືອງ ເຈົ້າເມືອງ-ເມືອງປາກງື່ມ ແລະ ນາຍບ້ານ-ບ້ານໝາກນາວເໜຶອ ພາຍຫຼັງໄດ້ຮັບຟັງການລາຍງານ ທ່ານ ພົນເອກ ພົນເອກ ຈັນສະໝອນ ຈັນຍາລາດ ກໍ່ໄດ້ໃຫ້ກຽດໂອ້ລົມ ແລະ ຊີ້ນໍາຕໍ່ອໍານາດການປົກຄອງທຸກຂັ້ນຂອງເມືອງປາກງື່ມ ແລະ ພະນັກງານທີ່ເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ ຈົ່ງສື່ບຕໍ່ ສຶກສາອົບຮົມໂຄສະນາເຜີຍແຜ່ໃຫ້ພໍ່ແມ່ປະຊາຊົນບັນດາເຜົ່າ ພາຍໃນເມືອງກໍ່ຄືແຕ່ລະບ້ານໃຫ້ເຂົາເຈົ້າຮັບຮູ້ແລະເຂົ້າໃຈຢ່າງເລິກເຊິ່ງ ຕໍ່ກັບການແຜ່ລະບາດຂອງພະຍາດໂຄວິດ-19 ໃນແຕ່ລະໄລຍະຈາກຄະນະສະເພາະກິດຂັ້ນສູນກາງ ແລະ ທອ້ງຖິ່ນຂອງຕົນ, ການປ້ອງກັນ, ການປິ່ນປົວຂັ້ນພື້ນຖານ ເອົາໃຈໃສ່ປະຕິບັດບັດດາມາດຕະການຕ້ານ ແລະ ສະກັດກັ້ນພະຍາດໂຄວິດ-19 ຢ່າງເຂັ້ມງວດ. ພ້ອມດຽວກັນນີ້ ທ່ານ ຍັງໄດ້ເໜັ້ນໜັກໃຫ້ພະນັກງານກໍາລັງປ້ອງກັນຊາດ-ປ້ອງກັນຄວາມສະຫງົບທຸກຂັ້ນຂອງເມືອງປາກງືມ ໂດຍສະເພາະແມ່ນພະນັກງານທະຫານຊາຍແດນ ຈົ່ງສື່ບຕໍ່ເຮັດໜ້າທີ່ການເມືອງຂອງກົມກອງຕິດຕາມກວດກາບໍລິເວນຊາຍແດນ ຕາມຂອບເຂດຮັບຜິດຊອບຂອງຕົນຢ່າງໃກ້ຊິດ ເພື່ອສະກັດກັ້ນບໍ່ໃຫ້ກຸ່ມຄົນລັກລອບຂ້າມຕາມບໍລິເວນຊາຍແດນໂດຍບໍ່ໄດ້ຮັບອະນຸຍາດຈາກພາກສ່ວນທີ່ກ່ຽວຂອງຢ່າງເດັດຂາດ ພ້ອມກັນຕັ້ງໜ້າເຮັດສໍາເລັດໜ້າທີ່ ທີ່ ພັກ-ລັດ ແລະ ປະຊາຊົນມອບໝາຍໃຫ້.
ຂ່າວ: ພ.ຕ ຊາຍສົມສັກ
Loading...