ທ່ານ ພົນໂທ ແສງນວນ ໄຊຍະລາດ ພ້ອມດ້ວຍຄະນະ ວາງກະຕ່າດອກໄມ້ຕໍ່ໜ້າອະນຸສາວະລີນັກຮົບນິລະນາມ ແລະ ຮູບປັ້ນ ປະທານ ໄກສອນ ພົມວິຫານ
ວັນທີ 8 ກັນຍາ 2022 ສະຫະພັນນັກຮົບເກົ່າ ໄດ້ໄປວາງພວງມາລາໜ້າອະນຸສາວະລີນັກຮົບນິລະນາມ ແລະ ພິທີວາງກະຕ່າດອກໄມ້ຕໍ່ໜ້າຮູບປັ້ນປະທານ ໄກສອນ ພົມວິຫານ, ນໍາພາຄະນະໂດຍ ທ່ານ ພົນໂທ ແສງນວນ ໄຊຍະລາດ ເລຂາຄະນະບໍລິຫານງານພັກ ປະທານ ສະຫະພັນນັກຮົບເກົ່າ ແຫ່ງຊາດລາວ.
ພິທີວາງພວງມາລາ ແລະ ກະຕ່າດອກ ໄມ້ໃນຄັ້ງນີ້: ເພື່ອເປັນການສະເຫຼີມສະຫຼອງວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 20 ປີ (9/9/ 2002-9/9/2022) ແລະ ເພື່ອເປັນການສະແດງຄວາມເຄົາລົບຮັກ ແລະ ຮູ້ບຸນຄຸນອັນໃຫຍ່ຫຼວງຕໍ່ນັກຮົບນິລະນາມ ແລະ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ, ຮູ້ບຸນຄຸນ ແລະ ຈົດຈໍາຈາລຶກຄຸນງາມຄວາມດີ, ຊື່ສຽງຮຽງນາມ, ຜົນງານອັນໃຫຍ່ຫຼວງຂອງ ປະທານ ໄກສອນ ພົມວິຫານ ຊຶ່ງເປັນຜູ້ຈັດຕັ້ງນຳພາ ພາລະກິດປະຕິວັດອັນຍິ່ງໃຫຍ່ຂອງປະເທດເຮົາຈາກໄຊຊະນະນີ້ໄປສູ່ໄຊຊະນະໃໝ່ຍິ່ງໃຫຍ່ກວ່າເກົ່າ ແລະ ສ້າງປັດຖົມປັດໄຈກ້າວຂຶ້ນສູ່ສັງຄົມນິຍົມ ຢ່າງໜັກແໜ້ນ.
ຂ່າວ-ພາບ: ບຸນອູ້ມ
Loading...