ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທ່ານ ລັດຖະມົນຕີກະຊວງປ້ອງກັນປະເທດ ພ້ອມຄະນະເຄື່ອນໄຫວຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີ.

ໃນວັນທີ່ 11 ກັນຍາ 2020 ນີ້, ທ່ານ ພົນເອກ ຈັນສະໝອນ ຈັນຍະລາດ ກຳມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ພ້ອມດ້ວຍຄະນະໄດ້ມາເຄື່ອນໄຫວ, ຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີ ໂອກາດກໍ່ໄດ້ຮັບການຕ້ອນຮັບຈາກ ທ່ານ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງຜົ້ງສາລີ ພ້ອມດ້ວຍຄະນະການນຳຂອງແຂວງ ສອງກຳລັງ ປກສ – ປກຊ ຢູ່ທີ່ສະໜາມບີນຂອງເມືອງບຸນ ເໜືອ.
ຈຸດປະສົງຂອງການມາເຄືອນໄຫວຂອງທ່ານລັດຖະມົນ ຕີກະຊວງປ້ອງກັນປະເທດແມ່ນເພື່ອເປັນການຕິດ ຕາມຊຸກຍູ້ການກະກຽມໃຫ້ແກ່ການດຳເນີນກອງປະຊຸມໃຫຍ່ຄັ້ງທີ່ XI ຂອງອົງຄະນະພັກແຂວງຜົ້ງສາລີ ແລະ ຈະໄດ້ເຂົ້າຮ່ວມເຮັດວຽກກັບກຳມະການປະຈຳພັກແຂວງ, ເຂົ້າຮ່ວມກອງປະຊຸມບັ້ນດຳເນີນຊີວີດການເມືອງພາຍໃນຄະນະບໍລິຫານງານພັກແຂວງສະໄໜທີ X, ພົບປະໂອ້ລົມກຳລັງຫຼັກແຫລ່ງຂອງກອງບັນຊາການ ທະຫານ ແລະ ຕຳຫຼວດ ຢູ່ກອງບັນຊາການທະຫານແຂວງ, ເຂົ້າຮ່ວມກອງປະຊຸມທາບທາມບຸກຄະລະກອນຄະນະບໍລິຫານງານພັກແຂວງສະໄໜທີ່ XI ຮອບ 3, ໄປເບີ່ງໂຄງການກໍ່ສ້າງກອງບັນຊາການທະຫານແຂວງ ແລະ ໂຄງການກໍ່ສ້າງອື່ນໆຢູ່ເທດສະບານແຂວງໃໝ່ ເມືອງບຸນເໜືອ.
ການມາເຄື່ອນໄຫວຂອງທ່ານ ລັດຖະມົນຕີກະຊວງປ້ອງກັນປະເທດ ຄັ້ງນີ້ແມ່ນຈະຮອດວັນທີ່ 15 ກັນຍາ 2020 ຈື່ງຈະສຳເລັດ.

( ພາບ -​ ຂ່າວ: ແສງຄຳ ສາລີວັນ )