ໃນວັນທີ 23 ມິຖຸນາ 2021 ນີ້, ທ່ານ ສະ ເຫຼີມໄຊ ກົມມະສິດ, ລັດຖະມົນຕີກະ ຊວງການຕ່າງປະເທດ ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມລະດັບສູງ ໜຶ່ງແລວ ໜຶ່ງເສັ້ນທາງ ສຳລັບພາກພື້ນອາຊີ-ປາຊີຟິກ ທີ່ຈັດຂຶ້ນໃນຮູບ ແບບທາງໄກ ພາຍໃຕ້ຫົວຂໍ້: “ສົ່ງເສີມການຮ່ວມມືໃນການຕ້ານພະຍາດລະບາດ ເພື່ອການຟື້ນຟູແບບຍືນຍົງ (Promoting Cooperation on Combating the Pandemic for Sustainable Recovery”), ໂດຍການເປັນປະທານຂອງທ່ານ ຫວັງອີ້, ທີ່ປຶກສາແຫ່ງລັດ, ລັດ ຖະມົນຕີຕ່າງປະເທດ ແຫ່ງ ສປ ຈີນ.

ເຂົ້າຮ່ວມກອງປະຊຸມຄັ້ງນີ້ ມີບັນດາຮອງນາຍົກລັດຖະມົນຕີ, ລັດຖະມົນຕີຕ່າງປະເທດຂອງປະເທດຄູ່ຮ່ວມມື ແລະ ຕາງໜ້າອົງການຈັດຕັ້ງສາກົນ ໜຶ່ງແລວ ໜຶ່ງເສັ້ນທາງ ຈາກພາກພື້ນອາຊີ-ປາຊີຟິກ. ກອງປະຊຸມໄດ້ແລກຄຳຄິດເຫັນ ກ່ຽວກັບ ການສະກັດກັ້ນ, ເຝົ້າລະວັງ ແລະ ຄວບ ຄຸມການແຜ່ລະບາດຂອງພະ ຍາດ ໂຄວິດ-19 ລວມທັງ ປຶກສາຫາລືຜົນກະທົບ ແລະ ມາດຕະການແກ້ໄຂສິ່ງທ້າທາຍຕ່າງໆທີ່ເກີດຈາກພະຍາດດັ່ງ ກ່າວ ເປັນຕົ້ນແມ່ນການຮ່ວມມືການສະໜອງວັກແຊັງໃຫ້ພຽງພໍ ແລະ ທົ່ວເຖິງ ລວມໄປເຖິງມາດຕະການຊ່ວຍເຫລືອຂະ ແຫນງເສດ ຖະກິດຂະຫນາດນ້ອຍ ແລະ ຂະຫນາດກາງຕ່າງໆ ທີ່ໄດ້ຮັບຜົນກະທົບຢ່າງຫນັກຫນ່ວງຈາກການແຜ່ລະບາດພະຍາດ ໂຄວິດ-19 ໃນຊຸມປີຜ່ານມາ. ພ້ອມດຽວກັນນີ້, ກອງປະຊຸມຍັງໄດ້ປຶກສາຫາລືທິດທາງການຮ່ວມມືໃນຕໍ່ຫນ້າ ໂດຍເນັ້ນໃສ່ການຮ່ວມມືກັນສ້າງສະພາບແວດລ້ອມທີ່ເອື້ອອຳນວຍ ໃຫ້ແກ່ການຟື້ນຟູເສດຖະ ກິດ- ສັງຄົມ ຢູ່ໃນບັນດາປະເທດຄູ່ຮ່ວມຂອບການຮ່ວມມື ຫນຶ່ງແລວ ຫນຶ່ງເສັ້ນທາງ ກໍ່ຄືພາກພື້ນອື່ນໆ ໃນອານະຄົດ.

ໃນກອງປະຊຸມຄັ້ງນີ້, ທ່ານ ສະເຫຼີມໄຊ ກົມມະສິດ, ລັດຖະ ມົນຕີກະຊວງການຕ່າງປະ ເທດ ໄດ້ຍົກໃຫ້ເຫັນສະພາບການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ແລະ ບັນດາມາດຕະການສໍາຄັນຕ່າງໆທີ່ລັດຖະ ບານໄດ້ວາງອອກ ເພື່ອຮັບມື ແລະ ຕ້ານກັບພະຍາດຮ້າຍແຮງດັ່ງກ່າວໃນແຕ່ລະໄລຍະ. ພ້ອມດຽວກັນນີ້, ທ່ານ ສະເຫຼີມໄຊ ກົມມະສິດ ກໍ່ໄດ້ຖືໂອກາດສຳຄັນນີ້ ສະແດງຄວາມຂອບໃຈ ຕໍ່ການຊ່ວຍເຫຼືອອັນລໍ້າຄ່າຂອງ ສປ ຈີນ ກໍ່ຄືບັນດາປະ ເທດເພື່ອນມິດ, ປະເທດຄູ່ຮ່ວມມື ແລະ ບັນດາອົງການຈັດຕັ້ງສາ ກົນ ໃນການຮັບມື, ສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະ ຍາດດັ່ງກ່າວ ຢູ່ ສປປ ລາວ. ກອງປະຊຸມຄັ້ງນີ້ໄດ້ສະໜັບ ສະໜູນ 2 ຂໍ້ລິເລີ່ມໃໝ່ ຂອງ ສປ ຈີນ ຄື: “ຂໍ້ລິເລີ່ມ ວ່າດ້ວຍການຮ່ວມມືດ້ານວັກ ແຊັງຕ້ານໂຄວິດ-19 ສໍາລັບຄູ່ຮ່ວມມື ໜຶ່ງແລວ ໜຶ່ງເສັ້ນທາງ” ແລະ “ຂໍ້ລິເລີ່ມ ວ່າດ້ວຍການພັດທະນາສີຂຽວ ສຳລັບຄູ່ຮ່ວມມື ໜຶ່ງແລວ ໜຶ່ງເສັ້ນທາງ” ເຊິ່ງເປັນຂໍ້ລິເລີ່ມສຳຄັນທີ່ປະກອບສ່ວນສົ່ງເສີມການພັດທະນາເສດຖະກິດສີຂຽວ, ພະ ລັງງານສະອາດ, ການລົງທຶນທີ່ເປັນມິດຕໍ່ສິ່ງແວດລ້ອມ ແລະ ຂົງເຂດການເງິນທີ່ທັນສະໄໝ ກໍ່ຄືການຈັດຕັ້ງປະຕິບັດ ວາລະ 2030 ເພື່ອການພັດທະນາແບບຍືນຍົງ.

Loading...