ຕອນບ່າຍວັນທີ 20 ສິງຫານີ້, ຢູ່ຫໍສະພາປະຊາຊົນທີ່ນະຄອນ ຫຼວງປັກກິ່ງ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນ ໄດ້ຕ້ອນຮັບການເຂົ້າຢ້ຽມຄຳນັບຂອງຄະນະນັກກິລາທີມຊາດຈີນທັງໝົດ ທີ່ຕາງໜ້າປະ ເທດຊາດເຂົ້າຮ່ວມງານກິລາໂອລິມປິກ ຄັ້ງທີ 33 ຢູ່ນະຄອນຫຼວງປາຣີປະເທດຝຣັ່ງ.
ື ທ່ານ ສີຈິ້ນຜິງ ກ່າວເນັ້ນວ່າ: ໃນງານກິລາໂອລິມປິກປາຣີຄັ້ງນີ້, ພວກສະຫາຍໄດ້ສາມັກຄີເປັນຈິດໜຶ່ງໃຈດຽວກັນ, ສູ້ຊົນຢ່າງມີຄວາມອົດທົນ, ບຸກໜ້າບືນຕົວ ແລະ ສາມາດເຮັດສຳເລັດພາລະໜ້າທີ່ຂອງຕົນໄດ້ຢ່າງຈົບງາມ ໂດຍຍາດໄດ້ຜົນງານດີທີ່ສຸດໃນປະຫວັດສາດຂອງຈີນຈາກການເຂົ້າຮ່ວມງານກິລາໂອລິມປິກລະດູຮ້ອນຢູ່ຕ່າງປະເທດ, ຍາດໄດ້ຜົນງານດີເດັ່ນດ້ານການແຂ່ງ ຂັນກິລາ ແລະ ອະລິຍະທຳດ້ານຈິດໃຈ ເຊິ່ງເປັນການສ້າງກຽດຊື່ສຽງໃຫ້ແກ່ປະເທດຊາດກໍຄືປະຊາຊົນ.
ໃນທ່າມກາງສຽງຕົບມືທີ່ດັງກ້ອງກັງວານ, ທ່ານສີຈິ້ນຜິງໄດ້ກ່າວຄຳປາໄສສຳຄັນ ວ່າ: ຮອບວຽນການເຝິກແອບເພື່ອກະກຽມໃຫ້ແກ່ງານກິລາໂອລິມປິກຮອບໃໝ່ໄດ້ເລີ່ມ ຕົ້ນຂຶ້ນແລ້ວ. ຫວັງວ່າພວກສະຫາຍຈະເວັ້ນຈາກຄວາມອວດອົ່ງທະນົງຕົວ ເວັ້ນຈາກຄວາມຮ້ອນຮົນ, ສືບຕໍ່ທຳຄວາມພະຍາຍາມຢ່າງບໍ່ລົດລະ, ຍົກ ລະດັບການເຝິກແອບ ແລະ ການແຂ່ງຂັນໃຫ້ສູງຂຶ້ນ, ທຳການກຽມຄວາມພ້ອມທຸກຢ່າງໃຫ້ດີທີ່ສຸດ. ກິລາແຂ່ງຂັນກັບກິລາມວນຊົນແມ່ນຊ່ວຍຊູຍູ້ໜູນກັນ, ຫວັງວ່າພວກສະຫາຍຈະຍົກກຳລັງແຮງສັງລວມດ້ານກິລາແຂ່ງຂັນໃຫ້ສູງຂຶ້ນຕື່ມອີກ, ຊຸກຍູ້ແກ່ດຶງການພັດທະນາດ້ານການອອກກຳລັງກາຍຂອງທົ່ວປວງຊົນ ແລະ ກິລາຊາວໜຸ່ມເຍົາວະຊົນຢ່າງຟົດຟື້ນ ເພື່ອສ້າງຄຸນງາມຄວາມດີອັນໃໝ່ເຂົ້າໃນການສ້າງສາປະເທດທີ່ເຂັ້ມແຂງດ້ານການກິລາ.
