ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທ່ານ ສົມດີ ດວງດີ ຮອງນາຍົກລັດຖະມົນຕີພ້ອມຄະນະລົງຢ້ຽມຢາມສູນແຍກປ່ຽວຫຼັກ 27

ຕອນບ່າຍວັນທີ 04 ສິງຫາ 2020 ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ຫົວໜ້າຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ພ້ອມດ້ວຍຄະນະ
ໄດ້ລົງຢ້ຽມຢາມ ແລະ ຕິດຕາມກວດກາຄວາມຄືບໜ້າການເຄື່ອນໄຫວວຽກງານກັກກັນ ແລະ ກວດຫາເຊື້ອພະຍາດໂຄວິດ19 ຢູ່ສູນແຍກປ່ຽວຫຼັກ 27 ນະຄອນຫຼວງວຽງຈັນ.
ດຣ ນາລີ ຂັນທະລັກ ຫົວໜ້າສູນແຍກປ່ຽວ ຫຼັກ 27 ນະຄອນຫຼວງວຽງຈັນ ໄດ້ລາຍງານໃຫ້ຮູ້ກ່ຽວກັບສະພາບການເຄື່ອນໄຫວວຽກງານຂອງສູນພາຍຫຼັງທີ່ລັດຖະບານໄດ້ຕົກລົງໃຫ້ນຳໃຊ້ສູນແຫ່ງນີ້ ເປັນບ່ອນກັກຕົວ ແລະ ແຍກ
ປ່ຽວຈຳນວນ 14 ວັນຂອງຄົນລາວທີ່ກັບມາຈາກຕ່າງປະເທດ,ສ່ວນໃຫຍ່ເປັນແຮງງານລາວທີ່ກັບຈາກຕ່າງປະເທດທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ຫຼ້າສຸດສູນແຫ່ງນີ້ຍັງເຫຼືອຜູ້ກັກກັນ 350 ກວ່າຄົນ
ທີ່ມາຈາກນະຄອນຫຼວງວຽງຈັນ ແລະ ແຂວງຕ່າງໆໃນຂອບເຂດທົ່ວປະເທດ ສ່ວນຜູ້ທີ່ອອກຈາກສູນໄປກ່ອນໜ້ານີ້ມີຈຳນວນ 3,000 ກວ່າຄົນ ບໍ່ພົບຜູ້ຕິດເຊື້ອພະຍາດໂຄວິດ-19 ຈັກຄົນ.
ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ຫົວໜ້າສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້ສະແດງຄວາມຂອບໃຈ ແລະ ຊົມເຊີຍຕໍ່ຄະນະຮັບຜິດ
ຊອບແລະ ເຈົ້າໜ້າທີ່ສູນແຍກປ່ຽວ ຫຼັກ 27 ນະຄອນຫຼວງວຽງຈັນ ທຸກຄົນທີ່ປະກອບສ່ວນ ແລະ ປະຕິບັດໜ້າທີ່ອັນມີກຽດຄັ້ງນີ້ຢ່າງເປັນເຈົ້າການແບບບໍ່ຮູ້ອິດ, ຮູ້ເມື່ອຍ ແລະ ຍອມເສຍສະຫຼະເວລາສ່ວນຕົວເພື່ອສ່ວນລວມ
ເຂົ້າໃນວຽກງານຕ້ານ ແລະ ສະກັດກັນການແຜລະບາດຂອງພະຍາດໂຄວິດ-19 ເຮັດໃຫ້ປະເທດເຮົາສາມາດຄວບຄຸມຈຳນວນຜູ້ຕິດເຊື້ອໄດ້ດີບໍ່ພົບຜູ້ຕິດເຊື້ອເປັນເວລາຫຼາຍວັນຕິດຕໍ່ກັນຈົນເຖິງທຸກມື້ນີ້, ພ້ອມນີ້ຍັງໃຫ້ຄຳໝັ້ນ
ສັນຍາວ່າ ຈະນຳເອົາຄຳສະເໜີຂອງເຈົ້າໜ້າທີ່ສູນ ທີ່ເຫັນວ່າຍັງເປັນຈຸດອ່ອນນຳໄປປັບປຸງ ແລະ ສະເໜີຕໍ່ລັດຖະບານເພື່ອແກ້ໄຂຊ່ວຍເຫຼືອໃນຂັ້ນຕໍ່ໄປ.