ທ່ານ ຫຼີວ ເຈ້ຍເສິນສະເໜີໃຫ້ມີການສ້າງຕັ້ງເມືອງມິດຕະພາບ

ໃນໂອກາດທ່ານ ຫຼີວ ເຈ້ຍເສິນ ຮອງເລຂາຄະນະພັກ ເຈົ້ານະຄອນຄຸນໝິງ ແຂວງຢຸນໜານ ສປ ຈີນເຂົ້າພົບປະກັບທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ (ນວ)ໃນວັນທີ 30 ສິງຫາ 2024 ທີ່ຫ້ອງວ່າການ ນວ ທ່ານ ຫຼີວ ເຈ້ຍເສິນ ໄດ້ສະເໜີສ້າງຕັ້ງເມືອງມິດຕະພາບລະຫວ່າງ ເມືອງຊີຊານ ນະຄອນຄຸນໝິງກັບເມືອງໃດໜຶ່ງຂອງນະຄອນຫຼວງວຽງຈັນ ເພື່ອສ້າງຕັ້ງສາຍພົວພັນເມືອງມິດຕະພາບ ເພື່ອຊຸກຍູ້ການແລກ ປ່ຽນ ແລະ ຮ່ວມມືດ້ານເສດຖະກິດ-ການຄ້າທ່ອງທ່ຽວ-ວັດທະ ນະທຳ ການສຶກສາ ການກໍ່ສ້າງຕົວເມືອງ ແລະ ຂົງເຂດອື່ນໆລະ ຫວ່າງສອງທ້ອງຖິ່ນໃຫ້ເກີດເປັນຮູບປະທຳ ເພື່ອປະກອບສ່ວນເຂົ້າໃນການພັດທະນາສາຍພົວພັນມິດຕະພາບລະຫວ່າງນະຄອນ ຫຼວງວຽງຈັນ ແລະ ນະຄອນຄຸນໝິງ.

ໂອກາດນີ້ທ່ານ ອາດສະພັງທອງ ສີພັນດອນ ໄດ້ສະແດງຄວາມຍິນດີຕໍ່ຂໍ້ສະເໜີແລະຈະມີການປຶກສາຫາລືຄວາມພ້ອມໃນການສ້າງຕັ້ງເມືອງມິດຕະພາບ, ພ້ອມນັ້ນກໍໄດ້ລາຍງານສະພາບ ການພັດທະນາເສດຖະກິດ-ສັງຄົມຂອງນວ ໃຫ້ຜູ້ແທນນະຄອນຄຸນໝິງຊາບ ພ້ອມທັງປຶກສາຫາລືຫຼາຍບັນຫາເປັນຕົ້ນແມ່ນ ການຮ່ວມມືລະຫວ່າງນະຄອນ ຫຼວງວຽງຈັນ ແລະນະຄອນຄຸນໝິງໃນຕໍ່ໜ້າ ຈັດຕັ້ງຜັນຂະຫຍາຍບັນດາຫົວຂໍ້ທີ່ສອງທ່ານເລຂາຄະນະພັກໄດ້ແລກປ່ຽນຄຳຄິດເຫັນນຳກັນໃນໄລຍະຜ່ານມາໃຫ້ເກີດເປັນຮູບປະທຳ ແລະ ມີໝາກຜົນຕົວຈິງຫຼາຍຍິ່ງຂຶ້ນ.

ຂ່າວ: ວຽງຈັນໃຫມ່