ກອງປະຊຸມໃຫຍ່ສະມາຄົມນັກທຸລະກິດໜຸ່ມແຂວງຫຼວງພະບາງ ຄັ້ງທີ IV ຈັດຂື້ນໃນຕອນບ່າຍວັນທີ16 ຕຸລາ 2020 ຢູ່ໂຮງແຮມຫຼວງພະບາງວີວ, ນະຄອນຫລວງພະບາງ ໂດຍການເຂົ້າຮ່ວມຂອງ ທ່ານ ມອນໄຊ ລາວມົວຊົງ ກຫົວໜ້າຄະນະຈັດຕັ້ງແຂວງຫລວງພະບາງ.

ກອງປະຊຸມໄດ້ຮັບຟັງ ແລະ ຮັບຮອງເອົາຮ່າງບົດລາຍ ງານການເມືອງທັງສອງພາກ ທີ່ສະເໜີໂດຍ ທ່ານ ຄັດຕະພອນ ພົມມະປັນຍາ ປະທານສະມາຄົມນັກທຸລະກິດໜຸ່ມແຂວງຫຼວງພະບາງ ທີ່ໄດ້ຕີລາຄາຄືນຫມາກຜົນຂອງຈັດຕັ້ງຜັນຂະຫຍາຍເນື້ອໃນມະຕິກອງປະຊຸມໃຫຍ່ ສະມາຄົມທຸລະກິດໜຸ່ມແຂວງຫລວງພະບາງ ຄັ້ງທີ III ຜ່ານມາ. ພ້ອມນີ້, ກອງປະຊຸມມໄດ້ເປັນເອກະພາບສູງຮັບຮອງເອົາຄາດໝາຍສູ້ຊົນ ແລະທິດທາງລວມ ຂອງສະມາຄົມນັກທຸລະກິດໜຸ່ມແຂວງ ແຕ່ປີ 2020-2024 ເພື່ອແນໃສ່ສ້າງໃຫ້ການຈັດຕັ້ງສະມາຄົມນັກທຸລະກິດໜຸ່ມແຂວງມີຄວາມເຕີບໃຫ່ຍເຂັ້ມແຂງ, ເປັນທີຍອມຮັບຂອງສັງຄົມ ແລະວົງ ການທຸລະກິດທັງພາຍໃນ ແລະຕ່າງປະເທດ. ສ້າງໃຫ້ທຸກເງື່ອນໄຂໃຫ້ສະມາຊິກ ສະມາຄົມນັກທຸລະກິດໜຸ່ມ ມີໂອ ກາດພັດທະນາຕົນເອງຢ່າງຕໍ່ເນື່ອງຊຸກຍູ້ ແລະອໍານວຍຄວາມສະດວກໃຫ້ແກ່ສະມາຊິກດໍາເນີນທຸລະກິດ ຢ່າງຄ່ອງຕົວ ພາຍໃຕ້ເງື່ອນໄຂເສດຖະກິດຕະຫຼາດ ທີ່ຖືກຕ້ອງຕາມລະບຽບກົດໝາຍ.

ກອງປະຊຸມຄັ້ວນີ້ ຜູ້ແທນສົມບູນໄດ້ໃຊ້ສິດປະຊາທິ ປະໄຕປ່ອນບັດເລືອກຕັ້ງເອົາຄະນະບໍລິຫານງານສະມາ ຄົມນັກທຸລະກິດໜຸ່ມແຂວງ ຊຸດທີ IV ມີຜູ້ສະໝັກເລືອກຕັ້ງທັງໝົດ 17 ທ່ານ ເລືອກເອົາ 15 ທ່ານ.

ກອງປະຊຸມປະຖົມມະລຶກ ໄດ້ເປັນເອກະສັນກັນເລືອກເອົາຄະນະປະຈໍາສະມາຄົມນັກທຸລະກິດໜຸ່ມແຂວງ ຈຳນວນ 7 ທ່ານ ໂດຍເລືອກເອົາ ທ່ານ ອາຄົມ ພົມມະຫານ ເປັນປະທານສະມາຄົມນັກທຸລະກິດຫນຸ່ມແຂວງຫລວງພະບາງຜູ້ໃຫມ່, ທ່ານ ອີນແຫຼງ ວົງສຸວັນ, ທ່ານ ວິລະເດດ ໂຄຕິເສນ, ທ່ານ ພະນົມໄຊ ພະການ ແລະທ່ານ ຄຳສິງ ຈັນ ທະວົງ ເປັນຮອງປະທານ. ພ້ອມນີ້, ໄດ້ເປັນເອກະພາບກັນເລືອກເອົາຜູ້ແທນສົມບູນ ແລະ ສຳຮອງໄປຮ່ວມກອງປະ ຊຸມໃຫຍ່ຂອງສະມາຄົມນັກທຸລະກິດໜຸ່ມທົ່ວປະເທດຕື່ມອີກ.

Cr: ແຫລ້ ສຸລີນພອນ

Loading...