ໃນຕອນເຊົ້າ ວັນທີ 13 ທັນວາ 2022, ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມເວທີສົນທະນາການຄ້າ ແລະ ການລົງທຶນ ລະຫວ່າງ ລາວ- ຫວຽດນາມ, ຫວຽດນາມ-ລາວ ຊຶ່ງຈັດຂຶ້ນໂດຍນະຄອນໂຮ່ຈີມິນ ຮ່ວມກັບ ສະ ຖານກົງສູນໃຫຍ່ຂອງ ສປປ ລາວ ປະຈໍາ ນະຄອນໂຮ່ຈີມິນ ໂດຍມີທ່ານ ຫງຽນ ວັນ ເນນ, ເລຂາຄະນະພັກ ນະຄອນໂຮ່ຈີມິນ; ທ່ານ ຟາມ ວັນມາຍ, ປະ ທານຄະນະກຳມະການປະຊາຊົນ ນະຄອນໂຮ່ຈີມິນ ພ້ອມດ້ວຍ ບັນດາທ່ານລັດຖະ ມົນຕີ- ຮອງລັດຖະມົນຕີ ກະຊວງ-ອົງ ການທີ່ກ່ຽວຂ້ອງ ຂອງ ສປປ ລາວ, ການນຳຂອງແຂວງຫົວພັນ, ຄຳມ່ວນ, ສະຫວັນນະເຂດ, ເຊກອງ ແລະ ຈຳປາສັກ ຂອງ ສປປ ລາວ ຕະຫຼອດຮອດ ບັນດານັກທຸລະກິດ ຫວຽດນາມ ແລະ ລາວ ເຂົ້າຮ່ວມ.
ການຈັດກອງປະຊຸມເວທີສົນທະນາຄັ້ງນີ້ ມີຄວາມໝາຍຄວາມສໍາຄັນເປັນພິເສດ ເນື່ອງຈາກ ເປັນໄລຍະເວລາ ທີ່ສອງພັກ, ສອງລັດ ແລະ ປະຊາຊົນສອງຊາດ ກຳລັງສະເຫຼີມສະຫຼອງປີສາມັກຄີມິດຕະພາບ ກໍ່ຄື ສະເຫຼີມ ສະຫຼອງສອງວັນປະຫວັດ ສາດ ລາວ ແລະ ຫວຽດນາມ ຢ່າງເປັນຂະບວນຟົດຟື້ນ ແລະ ມີຄວາມໝາຍເລິກເຊິ່ງ, ເປັນການປະກອບ ສ່ວນ ເຂົ້າໃນການເພີ່ມພູນຄູນສ້າງສາຍພົວພັນມິດ ຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຂອງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ໃຫ້ນັບມື້ເກີດດອກອອກຜົນບໍ່ຢຸດຢັ້ງ. ໃນໂອກາດນີ້, ທ່ານ ຮອງນາຍົກລັດຖະມົນຕີ ແຫ່ງ ສປປ ລາວ ກໍໄດ້ຕີລາຄາສູງຕໍ່ການນຳຂອງນະຄອນໂຮ່ຈີມິນ ກໍຄື ລັດຖະບານ ຫວຽດນາມ ທີ່ໄດ້ສ້າງເງື່ອນໄຂໃຫ້ມີການຈັດກອງປະຊຸມ ແລະ ການພົບປະລະຫວ່າງ ພາກທຸລະ ກິດ ເພື່ອແນໃສ່ເສີມຂະຫຍາຍການຮ່ວມມື ລະຫວ່າງ ພາກທຸລະກິດດ້ວຍກັນໃນຕໍ່ໜ້າ. ພ້ອມນັ້ນ, ຍັງເປັນໂອກາດໃຫ້ຂະແໜງການກ່ຽວຂ້ອງ, ບັນດາແຂວງ ໄດ້ຮັບຟັງການສະເໜີຄວາມຕ້ອງການ ແລະ ຈຸດປະສົງຕ່າງໆ ຂອງພາກທຸລະກິດ ຫວຽດນາມ ບົນພື້ນຖານນັ້ນເພື່ອເປັນບ່ອນອີງໃຫ້ແກ່ພາກລັດ ໄດ້ຄົ້ນຄວ້າ, ສ້າງເງື່ອນໄຂສະພາບແວດລ້ອມທີ່ສະດວກ ໃຫ້ແກ່ການລົງທຶນຂອງພາກເອກະຊົນໃຫ້ນັບມື້ນັບດີຂຶ້ນ. ສິ່ງສໍາຄັນ ການຈັດກອງປະຊຸມເວທີສົນທະນາຄັ້ງນີ້ ຊຶ່ງຖືວ່າເປັນນິດໝາຍອັນດີ ແລະ ມີຄວາມສໍາຄັນເປັນພິເສດ ເນື່ອງຈາກວ່າເປັນໄລຍະເວລາ ທີ່ສອງພັກ, ສອງລັດ ແລະ ປະຊາ ຊົນສອງຊາດ ກຳລັງສະເຫຼີມສະຫຼອງປີສາມັກຄີມິດຕະພາບ ກໍ່ຄື ສະເຫຼີມສະຫຼອງສອງວັນປະຫວັດສາດລາວ ແລະ ຫວຽດນາມ ຢ່າງເປັນຂະບວນຟົດຟື້ນ ແລະ ມີຄວາມໝາຍເລິກເຊິ່ງ ເພື່ອປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະ ພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຂອງສອງພັກ, ສອງລັດ ແລະ ປະ ຊາຊົນສອງຊາດ ລາວ-ຫວຽດນາມ ໃຫ້ນັບມື້ເກີດດອກອອກຜົນບໍ່ຢຸດຢັ້ງ; ພ້ອມດຽວກັນນີ້, ທ່ານຮອງນາຍົກ ລັດຖະ ມົນຕີ ຍັງໄດ້ກ່າວຕື່ມອີກວ່າ: ກອງປະຊຸມຄັ້ງນີ້ ເປັນໂອກາດອັນດີໃຫ້ແກ່ພາກລັດຂອງລາວ ເພື່ອຈະໄດ້ຮັບຟັງຄຳການສະເໜີ ແລະ ເກັບກໍາເອົາບັນດາຄໍາຄິດຄຳເຫັນຖາມຕ່າງໆ ຈາກພາກທຸລະກິດ, ຜູ້ລົງທຶນຈາກ ສສ ຫວຽດ ນາມ ທີ່ຕິດພັນກັບການອໍານວຍຄວາມສະດວກ ໃນການດໍາເນີນທຸລະກິດ ແລະ ການລົງທຶນ ຢູ່ໃນ ສປປ ລາວ ນໍາໄປຄົ້ນຄວ້າ ເພື່ອປັບປຸງສະພາບແວດລ້ອມ ແລະ ການອໍານວຍຄວາມສະດວກ ໃນການດໍາເນີນທຸລະກິດ ແລະ ການລົງທຶນ ຢູ່ໃນ ສປປ ລາວ,, ລວມທັງ ພິຈາລະນາ ເພື່ອຊຸກຍູ້ ຕິດຕາມ ແລະ ຊ່ວຍເຫຼືອ ໃຫ້ບັນດານັກທຸລະກິດ ສາມາດເຂົ້າມາລົງທຶນໃນ ສປປ ລາວ ໄດ້ຢ່າງສະດວກວ່ອງໄວຂຶ້ນ; ພ້ອມທັງ ສະແດງຄວາມເຊື່ອໝັ້ນວ່າ ພາຍຫຼັງກອງປະຊຸມຜ່ານການປຶກສາຫາລືໃນການເຂົ້າຮ່ວມເວທີສົນທະນາຄັ້ງນີ້ ບັນດາບໍລິສັດ ຈະໄປ ຮ່ວມມື ລົງທຶນ ຢູ່ ສປປ ລາວ ຫຼາຍຂຶ້ນ ສົມກັບການຮ່ວມມືດ້ານການເມືອງ ຂອງສອງປະເທດລາວ-ຫວຽດນາມ ທີ່ຢູ່ ໃນລະດັບສູງ ໃນ ຄືໃນປັດຈຸບັນ. ພ້ອມກັນນີ້ອັນສຳຄັນ, ທ່ານຮອງນາຍົກລັດຖະມົນຕີ ໄດ້ມີຄຳເຫັນສະເໜີ ແລະ ແລກປ່ຽນຕໍ່ກອງປະ ຊຸມຕື່ມບາງດ້ານ ເປັນຕົ້ນ ໃນເງື່ອນໄຂປັດຈຸບັນ ສປປ ລາວ ໄດ້ນໍາໃຊ້ທີ່ຕັ້ງ ແລະ ທ່າແຮງຫຼາຍດ້ານ ເພື່ອດຶງດູດການລົງທຶນທັງຈາກຂອງທຸກພາກສ່ວນເສດຖະກິດ ທັງພາຍໃນ ແລະ ຕ່າງປະ ເທດ, ຄຽງຄູ່ກັບການ ໂດຍໄດ້ໃຫ້ຄວາມສຳຄັນຕໍ່ການປັບປຸງຂອດຂັ້ນ, ກົນໄກ ແລະ ບັນດານິຕິກຳ ໃນການດຳເນີນທຸລະ ກິດ ແລະ ການລົງທຶນ ໃຫ້ມີຄວາມຮັດກຸມ, ກະທັດຮັດ, ວ່ອງໄວ ແລະ ໂປ່ງໄສ ລວມທັງ ໄດ້ກໍານົດໄວ້ໃນການຈັດຕັ້ງປະຕິບັດວາລະແຫ່ງຊາດ ເພື່ອແກ້ໄຂບັນຫາຄວາມຫຍຸ້ງຍາກທາງດ້ານເສດຖະ ກິດ-ການເງິນ ແລະ ສັງຄົມ; ໄດ້ມີຄວາມພະຍາຍາມ ໃນການປັບປຸງ ແລະ ພັດທະ ນາພື້ນຖານໂຄງລ່າງ ໃຫ້ດີຂຶ້ນເປັນກ້າວໆ ເປັນຕົ້ນ ລະບົບເສັ້ນທາງ, ທາງດ່ວນ, ທາງ ລົດໄຟ, ສະໜາມບິນ, ການພັດທະ ນາທ່າບົກ, ການພັດທະນາຂົວຂ້າມ ລະ ຫວ່າງ ປະເທດ ແລະ ລະບົບພື້ນຖານໂຄງລ່າງອື່ນໆ ເພື່ອເຮັດໃຫ້ການເຊື່ອມໂຍງ- ເຊື່ອມຈອດ ກັບບັນດາປະເທດ ໃນພາກພື້ນ, ວຽກງານໂລຈິດສະຕິກ, ການຂົນສົ່ງສິນຄ້າ ແລະ ການເດີນທາງຂອງປະຊາຊົນ ລະຫວ່າງ ສປປ ລາວ ແລະ ບັນດາປະ ເທດໃນພາກພື້ນ ມີຄວາມສະດວກ ແລະ ວ່ອງໄວຂຶ້ນ, ສາມາດຮັບໃຊ້ວຽກງານໂລຈິດສະຕິກ, ການຄົມມະນາຄົມຂົນສົ່ງທາງບົກ ໃຫ້ມີຄວາມສະດວກວ່ອງໄວ ເປັນປັດ ໃຈສໍາຄັນໃຫ້ແກ່ການຂັບເຄື່ອນເສດຖະກິດ ແລະ ຊຸກຍູ້ໃຫ້ບັນດາຂະ ແໜງການອື່ນໆການປີ່ນອ້ອມ ເປັນຕົ້ນ ຂະແໜງບໍລິການ, ການຄ້າ, ການລົງທຶນ, ການທ່ອງທ່ຽວ ແລະ ຂົງເຂດອື່ນໆ ຂອງ ສປປ ລາວ ມີການຂະຫຍາຍຕົວຄວາມຟົດຟື້ນ, ສາມາດດຶງດູດເອົາການລົງທຶນໂດຍກົງ ຈາກຕ່າງປະເທດ ເຂົ້າມາລົງທຶນໃນ ສປປ ລາວ ຫຼາຍຂຶ້ນ; ການຈັດຕັ້ງປະຕິບັດແຜນພັດທະນາເສດຖະ ກິດ- ສັງຄົມ 5 ປີ ຄັ້ງທີ IX ໄລຍະ 2021-2025 ເຖິງວ່າສະພາບແວດລ້ອມຫຼາຍດ້ານຈະບໍ່ອໍານວຍຫຼາຍດ້ານ, ແຕ່ໂດຍລວມແລ້ວ ການຈັດຕັ້ງປະຕິບັດກໍ່ມີຫຼາຍດ້ານ ທີ່ມີຄວາມຕັ້ງໜ້າ ແລະ ຜົນສໍາເລັດເປັນຢ່າງດີ ໃນນີ້ ລວມທັງເປົ້າໝາຍການພັດທະ ນາ ຕາມທິດສີຂຽວ ແລະ ຍືນຍົງ, ເຊິ່ງລັດຖະບານ ໄດ້ມີນະໂຍບາຍສົ່ງເສີມການລົງທຶນ ໃນຂະແໜງກະສິກໍາສະອາດ, ອຸດສາຫະກໍາປຸງແຕ່ງ, ການທ່ອງທ່ຽວ ວັດທະນະທໍາ ແລະ -ອະນຸລັກທໍາມະຊາດ, ການພັດທະນາຂະແໜງພະລັງງານສະອາດ (ເປັນຕົ້ນ ພະລັງງານໄຟຟ້ານໍ້າຕົກ, ພະລັງງານລົມ ແລະ ແສງຕາເວັນ) ລວມເຖິງ ການຊຸກຍູ້ຂະແໜງອຸດສາຫະກໍາ ຜະ ລິດພາຫະນະຂົນສົ່ງທີ່ນໍາໃຊ້ພະລັງງານສະອາດ; ສປປ ລາວ ພ້ອມທັງ ໄດ້ພະຍາຍາມສົ່ງເສີມຂະແໜງນະວັດຕະກໍາໃໝ່ ໃຫ້ສອດ ຄ່ອງກັບອຸດສາຫະກໍາ 4.0 ໂດຍການນໍາໃຊ້ເຕັກໂນໂລຊີທີ່ທັນສະໄໝ ເຂົ້າໃນການຜະລິດ, ໂລຈິດສະຕິກ, ຕົວເມືອງ ທັນສະໄໝ (Smart City), ການອໍານວຍຄວາມສະດວກ ດ້ານການຂົນສົ່ງ ແລະ ຂະແໜງ SME.
ໃນໂອກາດດຽວກັນ,ນອກຈາກນີ້, ໃນວາລະດໍາເນີນກອງປະຊຸມ ຍັງໄດ້ມີການສົນທະນາ ແລກປ່ຽນຄຳຄິດເຫັນ ລະ ຫວ່າງ ພາກທຸລະກິດ ຂອງຫວຽດນາມ ແລະ ພາກລັດ ຂອງ ສປປ ລາວ ຕື່ມອີກ.
ໃນໄລຍະເຄື່ອນໄຫວເຮັດວຽກຢູ່ ສສ ຫວຽດນາມ ຄັ້ງນີ້, ທ່ານຮອງນາຍົກລັດ ຖະມົນຕີ ພ້ອມດ້ວຍຄະນະ ຍັງໄດ້ເຄື່ອນ ໄຫວໄປຢ້ຽມຢາມສະພາບການພັດທະ ນາເສດຖະກິດ-ສັງຄົມ ຂອງຕົວເມືອງ ຖູດຶກ ເຊິ່ງໄດ້ຮັບການສ້າງຕັ້ງເປັນຕົວເມືອງ ທີ່ຂຶ້ນກັບສູນກາງ ຕາມມະຕິຕົກລົງຂອງສະພາແຫ່ງຊາດ ສສ ຫວຽດນາມ ໃນທ້າຍປີ 2020.
ຂ່າວ;ພາບ: ກົມປະຊາສຳພັນ ສຳນັກງານນາຍົກລັດຖະມົນຕີ
May be an image of 11 people and people standing
May be an image of 2 people and people standing
May be an image of 1 person, standing, sitting and indoor
Loading...