ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທ່ານ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ

ວັນທີ 19 ພຶດສະພາ 2020 ນີ້ ທ່ານ ປອ ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມດ້ວຍທີມງານໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ, ໂອກາດນີ້ແມ່ນໄດ້ເຂົ້າພົບປະໂອ້ລົມກັບພະນັກງານຫຼັກແຫຼ່ງຂົງເຂດພະລັງງານແລະ ບໍ່ແຮ່ ແຂວງໂດຍມີທ່ານ ຊາຍແສງ ຈິດດາວົງ ຮອງຫົວໜ້າພະແນກພະລັງງານແລະ ບໍ່ແຮ່ ພ້ອມດ້ວຍຄະນະນຳຈາກລັດວິສາຫະກິດໄຟຟ້າລາວ ພ້ອມດ້ວຍພະນັກງານທັງໝົດເຂົ້າຮ່ວມ.

ໂອກາດທີ່ທ່ານມາຢ້ຽມຢາມ ກໍ່ໄດ້ຮັບຟັງການລາຍງານ ສະພາບການໂດຍລວມຂອງພະແນກພະລັງງານ ແລະ ບໍ່ແຮ່ ແຂວງອຸດົມໄຊ ໂດຍສະເພາະແມ່ນ ດ້ານນຳພາວຽກງານການເມືອງ-ແນວຄິດ, ວຽກງານປ້ອງກັນຄວາມສະຫງົບ, ດ້ານການພັດທະນາພະລັງງານໄຟຟ້າ ມີ 429 ບ້ານໄດ້ມີໄຟຟ້າໃຊ້ ກວມ 90 ສ່ວນຮ້ອຍ ຂອງບ້ານທັງໝົດ 472 ບ້ານໃນທົ່ວແຂວງອຸດົມໄຊ ແລະ ມີ 44 ພັນ ຄົວເຮືອນ ບ້ານທີ່ຊົມໃຊ້ໄຟຟ້າຕາຂ່າຍມີ 402 ບ້ານ ແລະ 43 ພັນກ່ວາຄອບຄົວ,  ບ້ານຊົມໃຊ້ໄຟຟ້ານອກລະບົບ ມີ 27 ບ້ານ ມີ 685 ຄອບຄົວ, ແລະ ອັດຕາການຊົມໃຊ້ໄຟຟ້າຕ່ຳ ມີເມືອງ ປາກແບງ 45 ສ່ວນຮ້ອຍ ແລະ ເມືອງ ຮຸນ 71 ສ່ວນຮ້ອຍ, ການສະໜອງ ໄຟຟ້າເຂົ້າໃຫ້ຄົວເຮືອນ ພາກອຸດສາຫະກຳ ພາກກະສິກຳ ພາກການບໍລິການ ຂົນສົ່ງ ແລະ ອື່ນໆ ແມ່ນ ສຳເລັດ 2 ໂຄງການ ທຽບໃສ່ແຜນພັດທະນາຂອງແຂວງແມ່ນປະຕິບັດໄດ້ຕາມແຜນ ສັງລວມແລ້ວ ໃນທົ່ວແຂວງອຸດົມໄຊມີແຫຼ່ງຜະລິດ ພະລັງງານໄຟຟ້າ ຈຳນວນ 4 ແຫ່ງ ມີກຳລັງຕິດຕັ້ງ ການພັດທະນາລະບົບສາຍສົ່ງ ແລະ ສະຖານີກໍໄດ້ຮັບການພັດທະນາຢ່າງແຂງແຮງ, ການກໍ່ສ້າງລະບົບສາຍສົ່ງມີຄວາມຍາວ 2.309 km ທຽບໃສ່ແຜນ 5 ປີ ເພີ່ມຂຶ້ນ 592 km, ມາຮອດປະຈຸບັນ ທົ່ວແຂວງອຸດົມໄຊ ມີສະຖານີໄຟຟ້າທັງໝົດ 5 ແຫ່ງ, ພ້ອມນີ້ ທ່ານ ປອ ສີນາວາ ສຸພານຸວົງ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ກໍ່ໄດ້ໂອ້ລົມຕໍ່ພະນັກງານຂົງເຂດພະລັງງານບໍ່ແຮ່ຂອງອຸດົມໄຊ ແລະ ຈຸດປະສົງຂອງທ່ານມາຄັ້ງນີ້ກໍ່ເພື່ອມາກວດກາຄວາມປອດໄພ ການດຳເນີນງານ ການຝຶກຊ້ອມຄວາມປອດໄພຂອງເຄື່ອນນ້ຳອຸ 1 ເຖີງນ້ຳອຸ 7 ເຄື່ອນໄຟຟ້ານ້ຳຂອງໄຊຍະບູລີ ເຄື່ອນໄຟຟ້ານ້ຳຂອງຫຼວງພະບາງ ໃຫ້ມີຄວາມພ້ອມຮັບມື ກັບເຫດການທີ່ບໍ່ຄາດຄິດຈະເກີດຂຶ້ນ, ແລະ ບໍ່ໃຫ້ມີເຫດການຊ້ຳຮອຍເຄື່ອນແຕກແບບເຄື່ອນເຊປ່ຽນເຊນ້ຳນ້ອຍອີກ. ແລະ ການມາຢ້ຽມຢາມແຂວງອຸດົມໄຊຄັ້ງນີ້ກໍ່ເພື່ອເປັນການຜູກແໜ້ນຄວາມສາມັກຄີກັບພະນັກງານຂັ້ນຮາກຖານໃຫ້ແໜ້ນແຟ້ນ ຍິ່ງໆຂຶ້ນ .

ຂ່າວ: ແສງອາທິດ