ວັນທີ 14 ມິຖຸນາ 2021 ນີ້ ທ່ານ ພູວົງ ບຸນຊູ ຮອງເຈົ້າແຂວງໆວຽງຈັນ, ປະທານຄະນະກໍາມະການເພື່ອປ້ອງກັນ, ຕ້ານ ແລະ ສະກັດກັ້ນພະຍາດໂຄວິດ 19 ແລະ ພະຍາດຕິດຕໍ່ ຂອງແຂວງວຽງຈັນ ພ້ອມຄະນະໄດ້ລົງເຄື່ອນໄຫວຊີ້ນໍາວຽກງານຢູ່ເມືອງທຸລະຄົມ ແຂວງວຽງຈັນ , ໂດຍການຕ້ອນຮັບ ຂອງ ທ່ານ ກິຄໍາ ວົງໄຊ ຮອງເຈົ້າເມືອງໆທຸລະຄົມ, ພ້ອມດ້ວຍວິຊາການໜ່ວຍງານກ່ຽວຂ້ອງ.
 
ຈຸດປະສົງຕົ້ນຕໍຂອງການລົງເຮັດວຽກຂອງ ທ່ານ ຮອງເຈົ້າແຂວງໆວຽງຈັນ ໃນຄັ້ງນີ້ ເພື່ອຮັບຟັງການລາຍງານຂໍ້ມູນເພີ່ມເຕີມຈາກໜ່ວຍງານວິຊາສະເພາະ ແລະ ຈາກນັ້ນ ທ່ານຮອງເຈົ້າແຂວງໄດ້ແນະນໍາໃຫ້ຄະນະສະເພາະກິດຂອງເມືອງ ເພີ່ມທະວີການຍົກລະດັບມາດຕະການປ້ອງກັນ, ການເຝົ້າລະວັງພະຍາດໂຄວິດ 19, ໂດຍສະເພາະແມ່ນໃຫ້ເອົາໃຈໃສ່ເປັນພິເສດຕໍ່ຄອບຄົວຂອງຜູ້ຕິດເຊື້ອ, ຄອບຄົວຜູ້ພົວພັນໃກ້ສິດທີ່ມີຄວາມສ່ຽງ, ແລະຕິດເຊື້ອໂຄວິດ 19 ພາຍຫລັງຮູ້ວ່າມີກໍລະນີຕິດເຊື້ອຢູ່ບ້ານນາແພງໃນວັນທີ 13 ມິຖຸນາ 2021 ທາງການຂອງເມືອງທຸລະຄົມ ໄດ້ຮີບຮອ້ນຊີ້ນໍາໃຫ້ປິດການເຂົ້າອອກບ້ານທັນທີ ໂດຍໄດ້ ແນະນໍາ ແລະ ໃຫ້ຄໍາປຶກສາຄອບຄົວດັ່ງກ່າວຢ່າງໄວວາ, ຈໍາກັດຕົນເອງຢູ່ເຮືອນຕິດຕາມອາການ, ກວດສູຂະສຶກສາເບື້ອງຕົ້ນ.
ໂອກາດດຽວກັນ ທ່ານ ພູວົງ ບຸນຊູ ຮອງເຈົ້າແຂວງວຽງຈັນ ຍັງໄດ້ລົງເບິ່ງເນື້ອທີ່ທໍາການຜະລິດນາປີຂອງຊາວກະສິກອນຢູ່ເຂດບ້ານປາກຫາງ, ນາແພງ, ໄຮຢ່ອນ, ໜອງພົງ ໂພນຄໍາ ເຊິ່ງບໍລິເວນບ້ານດັ່ງກ່າວແມ່ນຖືກນໍ້າຖ້ວມໃນເນື້ອທີ່ນາຫລາຍສົມຄວນ, ຍ້ອນມີຝົນຕົກໜັກຫລາຍວັນຕິດຕໍ່ກັນ, ໃນເວລາດຽວກັນ ທ່ານໄດ້ຊີ້ນໍາໃຫ້ການນໍາເມືອງ ແລະ ຂະແໜງການກ່ຽວຂ້ອງ ຂຸ້ນຂ້ຽວຊອກຫາວິທີໃນການລະບາຍນໍ້າໃຫ້ໄຫລໄດ້ດີກວ່າເກົ່າ ແລະ ໃຫ້ເລັ່ງສັງລວມເນື້ອທີ່ການຜະລິດນາປີ, ເນື້ອທີ່ປູກພືດ, ຄັງປູກຫຍ້າ ແລະ ສັດລ້ຽງ ທີ່ຖືກນໍ້າຖ້ວມ ເພື່ອໃຫ້ຮູ້ຈໍານວນຜົນນເສຍຫາຍທີ່ຊັດເຈນ ແລ້ວລາຍງານໃຫ້ພະແນກກະສິກໍາ ແລະ ປ່າໄມ້ແຂວງ ແລະ ພາກສ່ວນກ່ຽວຂ້ອງຮັບຊາບເພື່ອມີທິດຊີ້ນໍາໃນຕໍ່ໜ້າ.
ພາບບຂ່າວ: ຫ້ອງການ ຖວທ ເມືອງທຸະຄົມ
Loading...