ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ທ່ານ ເຈົ້າແຂວງ ໄຊຍະບູລີ ຕ້ອນຮັບ ລັດຖະມົນຕີກະຊວງ ຮສສ

ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ປອ ຄໍາແພງ ໄຊສົມແພງ ລັດຖະມົນຕີ ກະຊວງ ແຮງງານ ແລະ ສະຫວັດດີການ- ສັງຄົມ  ພ້ອມດ້ວຍຄະນະ ໃນຕອນບ່າຍຂອງວັນທີ 12 ກຸມພາ ປີນີ້. ທີ່ຫ້ອງຮັບແຂກຫ້ອງວ່າການ ແຂວງໄຊຍະບູລີ.

ກ່ອນອື່ນ ທ່ານ ປອ ຄໍາແພງ ໄຊສົມແພງ ລັດຖະມົນຕີ ກະຊວງ ແຮງງານ ແລະ ສະຫວັດດີການ- ສັງຄົມ  ໄດ້ລາຍງານຈຸດປະສົງ ແລະ ເປົ້າໝາຍຂອງທີມງານທີ່ມາເຄື່ອນໄຫວເຮັດວຽກຢູ່ແຂວງໄຊຍະບູລີ, ພ້ອມທັງໄດ້ຮຽກຮ້ອງໃຫ້ການນໍາຂອງແຂວງຊ່ວຍ ຊີ້ນໍາ-ນໍາພາ ໃນການຄຸ້ມຄອງແຮງງານຕ່າງດ້າວທີ່ເຂົ້າມາເຮັດທຸລະກິດຢູ່ແຂວງ ໄຊຍະບູລີ, ເອົາໃຈໃສ່ຊຸກຍູ້ສີໄມ້ລາຍມືຂອງແຮງງານລາວໃຫ້ມີການພັດທະນາຢ່າງບໍ່ຢຸດຢັ້ງ , ຈາກນັ້ນ  ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ກໍ່ໄດ້ສະແດງຄວາມຕ້ອນຮັບ ທ່ານ ລັດຖະມົນຕີ ກະຊວງ ແຮງງານ ແລະ ສະຫວັດດີການ- ສັງຄົມ ພ້ອມດ້ວຍຄະນະທີ່ມາເຮັດວຽກຢູ່ແຂວງ ໄຊຍະບູລີ ຢ່າງອົບອຸ່ນ ແລະ ໄດ້ ລາຍງານການປະຕິບັດນະໂຍບາຍຕ່າງໆຕໍ່ພະນັກງານບໍານານອາວຸໂສ, ລາຍງານສະພາບການຂະຫຍາຍຕົວເສດຖະກິດ-ສັງຄົມຂອງແຂວງ,  ຈາກນັ້ນ ກໍ່ໄດ້ປຶກສາຫາລືກັນກ່ຽວກັບການແກ້ໄຂບັນຫາແຮງທີ່ບໍ່ຖືກຕ້ອງ, ໂດຍສະເພາະແມ່ນແຮງງານຕ່າງປະເທດ ທີ່ເຂົ້າມາເຮັດທຸລະກິດຢູ່ແຂວງ ໄຊຍະບູລີ .

ແຫຼ່ງຂ່າວ: ຫ້ອງວ່າການແຂວງ