ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຫວ່າງມໍ່ໆ ມານີ້, ດ່ານສາກົນບໍ່ເຕ່ນ-ບໍ່ຫານ ໄດ້ເຫັນດີຈະຊຸກຍູ້ການຮ່ວມມືຂອງຂົງເຂດພື້ນຖານໂຄງລ່າງພາໃນເຂດຮ່ວມມື, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິເວນດ່ານ ແລະ ການຮ່ວມມືອຸດສາຫະກໍາການຜະລິດສອງຝ່າຍ, ຊຸກຍູ້ວຽກງານຂອງໂຄງການຕ່າງໆ ໃຫ້ເກີດຜົນເປັນຈິງຢ່າງມີປະສິດທິພາບ, ຍົກສູງລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາຢູ່ໃນພາກພື້ນຊາຍແດນຂອງສອງປະເທດລາວ ແລະ ຈີນ.
ໂຄງການກໍ່ສ້າງສູນກາງທ່າບົກຄຸນໝິງ-ບໍ່ຫານ ຫລື ປະເພດທ່າບົກເຂດຊາຍ ແດນ) ນຳໃຊ້ໂອກາດທີ່ນະຄອນຄຸນໝິງອາໄສເຂດບໍ່ຫານໃນການກໍ່ສ້າງທ່າບົກສາກົນຮ່ວມກັນ, ຍົກສູງຄຸນນະພາບ ແລະ ການຂະຫຍາຍຕົວທີ່ວ່ອງໄວຢ່າງບໍ່ຢຸດຍັ້ງ, ຊຶ່ງເຮັດໃຫ້ການດໍາເນີນທຸລະກິດໄດ້ຮັບການຂະຫຍາຍຕົວຢ່າງຕໍ່ເນື່ອງ ແລະ ໝັ້ນຄົງ, ພ້ອມຍັງເຫັນໄດ້ຄວາມສາມາດໃນການບໍລິການໄດ້ຮັບການປັບປຸງຢ່າງຫຼວງຫຼາຍ. ປັດຈຸບັນ, ໄດ້ກາຍເປັນແລວເສດຖະກິດເຊື່ອມໂຍກພາກພື້ນພາຍໃນປະເທດ ແລະ ຊ່ອງທາງການຫັນໄປສູ່ຂົງເຂດອາຊີໃຕ້ ແລະ ອາຊີຕາເວັນອອກສຽງໃຕ້, ກວມເອົາ 15 ແຂວງ, 112 ຕົວເມືອງ ລວມທັງ 4 ປະເທດສາກົນ ຫລື ຂົງເຂດພາກພື້ນສາກົນ) ທີ່ມີ 15 ຕົວເມືອງສາກົນ, ກາຍເປັນຊ່ອງທາງອັນສຳຄັນ ໃນການນຳໃຊ້ ເພື່ອເຊື່ອມຈອດກັນລະຫວ່າງອາຊີ, ທາງໜ້ານໍ້າ ແລະ ທາງບົກຂອງຕາເວັນຕົກ. ສູນທ່າບົກນະຄອນຄຸນມິງ-ບໍ່ຫານ ກວມເນື້ອທີ່ 7.17 ກິໂລຕາແມັດ ປະກອບດ້ວຍເຂດອັນນິງຂອງນະຄອນຄຸນມິງ ແລະ ເຂດບໍ່ຫານ. ເຂດອັນນິງ ກວມເອົາເນື້ອທີ່ 3.23 ກິໂລຕາແມັດ, ໂດຍຖືກສ້າງເປັນສູນກາງເຕົ້າໂຮມສິນຄ້າວັດ ຖຸສັງລວມສາກົນ ເພື່ອການຂະຫຍາຍໄປສູ່ອາຊິໃຕ້ ແລະ ອາຊີຕາເວັນອອກສຽງໃຕ້, ພ້ອມທັງຂົງເຂດທີ່ປິ່ນອ້ອມມະຫາສະຫມຸດອິນເດຍ. ພື້ນທີ່ເຂດບໍ່ຫານ ກວມເອົາເນື້ອທີ່ 3.94 ກິໂລຕາແມັດ ແລະ ຖືກກຳນົດເປັນທີ່ຕັ້ງສູນກາງປະຕູລູກຄ້າສາກົນທີ່ໃຫ້ການບໍລິການສວນອຸດສາຫະກຳລຽບຕາມຊາຍແດນທີ່ກວມເອົາພາກພື້ນ ລາວ, ໄທ, ມາເລເຊຍ ແລະ ສິງກະໂປ.
ວັນທີ 15 ເມສາຜ່ານມານີ້, ທ່ານ ລິນຈ້ຽນ, ໂຄສົກກະຊວງການຕ່າງປະເທດຈີນ ໄດ້ກ່າວໃນທີ່ກອງປະຊຸມຖະແຫລງຂ່າວວ່າ, ສປ ຈີນ ຫວັງວ່າທາງລົດໄຟຈີນ-ລາວ ຈະສືບຕໍ່ “ຄວາມເລັ່ງລັດ” ໃນການກົດປຸ່ມ “ການກ້າວໜ້າຢ່າງວ່ອງໄວ” ເພື່ອຊຸກຍູ້ຄວາມຈະເລີນຮຸ່ງເຮືອງຂອງພາກພື້ນ ແລະ ຮັດແໜ້ນສາຍພົວພັນ ລະຫວ່າງ ປະຊາຊົນສອງຊາດ. ທາງລົດໄຟຈີນ-ລາວ ເປັນໂຄງການທີ່ມີປະສິດທີພາບ ແລະ ຢູ່ໃນອັນ ດັບຕົ້ນຂອງຈີນ ທີ່ໄດ້ຮ່ວມກັບບັນດາປະເທດອິນດູຈີນໃນການຊຸກຍູ້ການສ້າງສາຂໍ້ລິເລີ່ມໜຶ່ງແລວທາງໜຶ່ງເສັ້ນທາງ ແລະ ເປັນໂຄງການອັນດັບໜ້າໃນການຊຸກຍູ້ການເຊື່ອມໂຍງ-ເຊື່ອມຈອດ. ໃນໄລຍະ 2 ປີຜ່ານມາ ທີ່ໄດ້ເປີດນຳໃຊ້ເສັ້ນທາງລົດໄຟຈີນ-ລາວ, ປະລິມານການຂົນສົ່ງໄດ້ເພີ່ມຂື້ນ, ຫລຸດຜ່ອນ ແລະ ອຳນວຍຄວາມສະດວກສະບາຍໃຫ້ແກ່ປະຊາຊົນຜູ້ເດີນທາງ ຊຶ່ງໄດ້ປະກອບສ່ວນອັນໃຫຍ່ຫລວງໃນການຊຸກຍູ້ການພັດທະນາເສດຖະກິດ ທີ່ມີປະສິດທີຜົນສູງຂອງສອງປະເທດ, ເປັນສິ່ງສຳຄັນໃນການເຊື່ອມໂຍງບັນດາປະເທດໃນເຂດດັ່ງກ່າວ.
ນັບຕັ້ງແຕ່ເປີດນຳໃຊ້ໃນວັນທີ 13 ເມສາ 2023 ເປັນຕົ້ນມາ, ລົດໄຟໂດຍສານສາກົນ ຈີນ-ລາວ ໄດ້ ຂົນສົ່ງຜູ້ໂດຍສານ 700.000 ຄົນ, ໄດ້ດຶງດູດນັກທ່ອງທ່ຽວ 180.000 ກວ່າຄົນ ຈາກ 87 ປະເທດ. ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ກ່າວວ່າ: ເສັ້ນທາງລົດໄຟລາວ-ຈີນ ຖືເປັນປັດໄຈສຳຄັນໃນການຊຸກຍູ້ການເຕີບໂຕທາງດ້ານເສດຖະກິດ ຂອງ ສປປ ລາວ, ອົງການປົກຄອງທີ່ກ່ຽວ ຂ້ອງຄວນສ້າງມາດຕະການຕົວຈິງເພື່ອຊຸກຍູ້ໃຫ້ມີການນຳໃຊ້ເສັ້ນທາງລົດໄຟລາວ-ຈີນຢ່າງມີປະສິດທີຜົນ ແລະ ຮອບດ້ານ. ໃນຂະນະດຽວກັນ, ທາງການລົດໄຟລາວ-ຈີນ ໄດ້ຕົກລົງເປີດເສັ້ນທາງລົດໄຟຖ້ຽວສາກົນ ລະຫວ່າງ ປະເທດ ສອງຖ້ຽວຕື່ມອີກ ຊຶ່ງເລີ່ມຈາກແຂວງສິບສອງພັນນາ, ສປ ຈີນ ຫາ ຫຼວງພະບາງ, ສປປ ລາວ ໂດຍເປີດໃຫ້ບໍລິການເລີ່ມແຕ່ວັນທີ 13 ເມສາ 2024 ເປັນຕົ້ນມາ. ປະຈຸບັນ, ຈຳນວນຜູ້ໂດຍສານທີ່ເດີນທາງດ້ວຍລົດໄຟໂດຍສານລະຫວ່າງປະເທດ ລາວ-ຈີນ ໄດ້ເພີ່ມຂຶ້ນຈາກ 300 ຄົນເປັນ 700 ຄົນຕໍ່ມື້ ແລະ ເວລາການຢຸດພັກຂອງລົດໄຟຢູ່ທ່າບົກໄດ້ຫຼຸດລົງຈາກ 90 ນາທີ ໃນເບື້ອງຕົ້ນ ມາເປັນ 52 ນາທີ.
ວັນທີ 21 ເມສາຜ່ານມານີ້, ເຈົ້າໜ້າທີ່ດ່ານພາສີເມືອງລ້າທີ່ຂຶ້ນກັບດ່ານພາສີນະຄອນຄຸນໝິງໄດ້ກວດຜ່ານ ໝາກຖົ່ວລຽນຈຳນວນໜຶ່ງ, ແລ້ວສືບຕໍ່ຂົນສົ່ງໄປຂາຍຢູ່ຕະຫລາດພາຍໃນ ສປ ຈີນ ດ້ວຍຖ້ຽວລົດໄຟສາກົນ “ແມ່ນ້ຳລ້ານຊ້າງ-ແມ່ນ້ຳຂອງ” ຂອງທາງລົດໄຟຈີນ-ລາວ. ນີ້ແມ່ນການນຳເຂົ້າຖົ່ວລຽນ ໂດຍຜ່ານທາງລົດໄຟຈີນ-ລາວ ຄັ້ງທີ 125 ໃນປີນີ້, ປະລິມານການນຳເຂົ້າເພີ່ມຂຶ້ນຫຼາຍກວ່າ 7 ເທົ່າ ເມື່ອທຽບໃສ່ໄລຍະດຽວກັນຂອງປີກາຍ. ມາຮອດປະຈຸບັນ, ດ່ານພາສີນະຄອນຄຸນໝິງໄດ້ກວດກາການນຳເຂົ້າ ແລະ ສົ່ງອອກສິນຄ້າຂອງທາງລົດໄຟຈີນ-ລາວ 8 ລ້ານກວ່າໂຕນ.
ຕາມຂໍ້ມູນສະແດງໃຫ້ເຫັນວ່າ: ທ່າບົກທາງລົດໄຟ ບໍ່ຫານ ໄດ້ຄອງອັນດັບທ່າບົກທາງລົດໄຟທີ່ໃຫຍ່ທີ່ສຸດຂອງປະເທດຈີນທີ່ເປີດສູ່ອາຊຽນ ເປັນເວລາ 8 ເດືອນຕິດຕໍ່ກັນ.
ກົມການທາງລົດໄຟ ຍັງໄດ້ເປີດການນຳໃຊ້ເສັ້ນທາງລົດໄຟສາຍ “ຊຽງໄຮ-ຢຸນນານ-ລ້ານຊ້າງ-ແມ່ນ້ຳຂອງ”, ເສັ້ນທາງລົດໄຟສາຍ “ທາງລົດໄຟຈີນ-ລາວ + ລົດໄຟຈີນ-ເອີຣົບ” ແລະ ອື່ນໆ ທີ່ເປັນເສັ້ນທາງລົດໄຟສາຍດ່ວນຂອງແມ່ນ້ຳລ້ານຊ້າງ-ແມ່ນ້ຳຂອງ, ໂດຍສະເພາະແມ່ນເສັ້ນທາງລົດໄຟຂົນສົ່ງສາກົນໃໝ່ “ເສັ້ນ ທາງລົດໄຟຈີນ-ລາວ ແລະ ຈີນ-ເອີຣົບ”, ເຮັດໃຫ້ເວລາການຂົນສົ່ງທາງລົດໄຟສາຍກົງຈາກປະເທດລາວ, ປະເທດໄທ ແລະ ປະເທດອື່ນໆ ຫາ ທະວີບເອີລົບ ຫລຸດລົງເຫລືອ 15 ວັນ.
ວັນທີ 23 ເມສາ ຜ່ານມານີ້, ເຂດພັດທະນາເສດຖະກິດນະຄອນຄຸນໝິງ ຫລື ເຂດທົດລອງການຄ້າເສລີນະຄອນຄຸນໝິງ ໄດ້ສຳເລັດການລົງທະບຽນຫຸ້ນສ່ວນຊັບສິນຄັ້ງທຳອິດ ຂອງ ບໍລິສັດ ຫຸ້ນສ່ວນຈຳກັດ, ດ້ວຍຍອດຈຳນວນທຶນຊັບສິນ 2,5 ຕື້ຢວນ ແລະ ເງິນຄ້ຳປະກັນ 2,36 ຕື້ຢວນ. ເຂດພັດທະນາເສດຖະກິດນະຄອນຄຸນໝິງ ຫລື ເຂດການຄ້າເສລີນະຄອນຄຸນໝິງ ໄດ້ນຳສະເໜີນະໂຍບາຍ ແລະ ລະບົບທີ່ກ່ຽວຂ້ອງໃນເວລາທີ່ເໝາະສົມ ເພື່ອໃຫ້ການລົງທະບຽນຫຸ້ນສ່ວນຊັບສິນຂອງ ບໍລິສັດ ຫຸ້ນສ່ວນຈຳກັດ ມີເອກະສານໃນລະບົບ ເພື່ອການອ້າງອີງ. ການລົງທະບຽນສັນຍາຫຸ້ນສ່ວນຊັບສິນຂອງບໍລິສັດ ຫຸ້ນສ່ວນຈຳກັດ ຄັ້ງທຳອິດນີ້ ຈະເປັນແຜ່ຂະຫຍາຍເຂດຂົງການທົດລອງນຳ ແລະ ຈະເປັນການສະໜອງບົດຮຽນໃນການຊຸກຍູ້ເຜີຍແຜ່ ແລະ ຮຽນຕາມໃນທົ່ວແຂວງ ກ່ຽວກັບການລົງທະບຽນຫຸ້ນສ່ວນຊັບສິນ ຂອງ ບໍລິສັດ ຫຸ້ນສ່ວນຈຳກັດ.