ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ທໍາລາຍລະເບີດບໍ່ທັນແຕກຕົກຄ້າງຢູ່ເມືອງຕະໂອ້ຍ

ວັນທີ 24 ສິງຫາ 2020 ທີມງານເກັບກູ້ລະເບີດ ໄດ້ຈັດພິທີທໍາລາຍລະເບີດບໍ່ທັນແຕກທີ່ຕົກຄ້າງຢູ່ເຂດທຳການຜະລິດມັນຕົ້ນຂອງປະຊາຊົນບ້ານຕຸງແຕງ ເມືອງຕະໂອ້ຍ ແຂວງສາລະວັນ 1 ຫນ່ວຍ ເຊີ່ງມີກໍາລັງແຮງ 200 ແມັດ.
ເຂົ້າຮ່ວມໃນພິທີໃນຄັ້ງນີ້ ມີທ່ານ ຄຳຕາ ໂຮ່ຊົງເລື່ອງ ກຳມະການພັກແຂວງ ຫົວໜ້າພະແນກແຮງງານ ແລະ ສະຫວັດດິການແຂວງສາລະວັນ, ທ່ານ ເພັດສະໝອນ ຫຼວງລາດ ຮອງເຈົ້າເມືອງ, ຜູ້ຊີ້ນຳວຽກງານວັດທະນະທຳສັງຄົມເມືອງຕະໂອ້ຍ, ພ້ອມດ້ວຍພາກສ່ວນທີ່ກ່ຽວຂ້ອງ.
ໃນໂອກາດນີ້ ພະນັກງານເກັບກູ້ລະເບີດບໍ່ທັນແຕກຍັງໄດ້ລາຍງານກ່ຽວກັບສະພາບຕົວຈິງວ່າ: ໃນປັດຈຸບັນທິມງານເກັບກູ້ລະເບີດບໍ່ທັນແຕກ ມີແຜນງານທີ່ຈະສຳຫຼວດຕື່ມພື້ນທີ່ດັ່ງກ່າວວ່າຍັງມີລະເບີດ ຫຼື ລູກປືນຫຼາຍສຳໃດ
ແລ້ວຈະເກັບກຸ້ອອກໃຫ້ຫມົດ ເພືອເຮັດໃຫ້ການປູກຝັນຂອງປະຊາຊົນສະດວກສະບາຍກ່ວາກົ່າ. ສ່ວນທ່ານ ເພັດສະໝອນ ຫຼວງລາດ ໄດ້ແນະນໍາໃຫ້ທີມງານເກັບກູ້ລະເບີດເອົາໃຈໃສ່ກວດກາ, ວາງແຜນ, ມີການປະສານງານກັບຫ້ອງການທີ່ກ່ຽວ ຂ້ອງຂັ້ນເມືອງ ແລະ ຂັ້ນບ້ານໃຫ້ລະອຽດຂື້ນຕື່ມ ເພື່ອສະດວກໃນການລົງຈັດຕັ້ງປະຕິບັດຕົວຈິງ.
Cr: ດ້ວງ ໄຊຍະບັນດິດ, ນັກຂ່າວເມືອງຕະໂອ້ຍ