ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ນະຄອນຄຸນມິງແຂວງຢູນນານ ສປ ຈີນ ຊ່ວຍເຫຼືອອຸປະກອນການແພດ ແລະລົດຮັບສົ່ງຄົນເຈັບໃຫ້ແກ່ ນະຄອນຫຼວງວຽງຈັນ ແລະ ແຂວງຫຼວງພະບາງ ສປປ ລາວ

ຫວ່າງບໍ່ດົນມານີ້ ອົງການປົກຄອງນະຄອນຄຸນມິງ ແຂວງຢູນນານ ສປ ຈີນ ໄດ້ໄດ້ມອບອຸປະກອນການແພດ ແລະລົດຮັບສົ່ງຄົນເຈັບ ຊ່ວຍເຫຼືອນະຄອນຫຼວງວຽງຈັນ ແລະແຂວງຫຼວງພະບາງ ສປປ ລາວ ພາຍໃຕ້ຫົວຂໍ້ “ເມືອງແຮກສ່ຽວ ຮ່ວມແຮງຮ່ວມໃຈຕ້ານພະຍາດໂຄ ວິດ-19”. ແຂວງຢູນນານເປັນແຂວງດຽວຂອງ ສປ ຈີນ ທີ່ມີຊາຍແດນເຊື່ອມຈອດກັບ ສປປ ລາວ, ມີນະຄອນຄຸນມິງ ເປັນເມືອງເອກ ທັງເປັນເຂດເຕົ້າໂຮມ ການຮ່ວມມືແລກປ່ຽນໃນຂົງເຂດການຄ້າ, ວັດທະນະທໍາ, ທ່ອງທ່ຽວ, ການສຶກສາ ແລະເຕັກໂນໂລຊີເປັນຕົ້ນ ລະຫວ່າງ ລາວ-ຈີນ. ທ່ານ ຫູປາວກົ້ວ ຮອງເຈົ້ານະຄອນຄຸນມິງໄດ້ເວົ້າວ່າ: ເລີ່ມແຕ່ມີການລະບາດຂອງພະຍາດ ໂຄວິດ-19 ເປັນຕົ້ນມາ, ລັດຖະບານລາວ ກໍ່ຄືອົງການປົກຄອງແຕ່ລະຂັ້ນ ແລະທຸກພາກສ່ວນໃນສັງຄົມລາວ ໄດ້ລະດົມອຸປະກອນການແພດມູນຄ່າ 261,000 ຢວນ ຫຼື ປະມານ 365 ລ້ານກີບ “ເພື່ອຊ່ວຍເຫຼືອນະຄອນຄຸນມິງ, ເຊິ່ງເປັນການ ສະໜັບສະໜຸນອັນລໍ້າຄ່າ ໃຫ້ແກ່ນະຄອນຄຸນມິງໃນການຕ້ານກັບພະຍາດ, ເຊີ່ງມິດຕະພາບທີ່ຮ່ວມ ແບ່ງເບົາໃນຍາມລໍາບາກນີ້ ພວກເຮົາຈະຂໍຈື່ຈໍາ ແລະ ຖະນຸຖະໜອມໄວ້ຕະຫຼອດໄປ”. ພາຍຫຼັງທີ່ໄດ້ຮັບການຊ່ວຍເຫຼືອຈາກນະຄອນຫຼວງວຽງຈັນ, ນະຄອນຄຸນມິງ ກໍ່ຮີບຮ້ອນຈັດ ຕັ້ງຊ່ວຍເຫຼືອອຸປະກອນການແພດຊຸດທີ່ໜຶ່ງ ໃຫ້ແກ່ນະຄອນຫຼວງວຽງຈັນ ແລະແຂວງຫຼວງພະບາງ ເພື່ອແຈກຢາຍໃຫ້ກັບໂຮງໝໍທີ່ກ່ຽວຂ້ອງ ນໍາໃຊ້ເຂົ້າໃນການປັບປຸງ ເງື່ອນໄຂທາງການແພດຂອງທ້ອງຖິ່ນ. ເນື່ອງຈາກຜົນກະທົບການລະບາດຂອງພະຍາດໂຄວິດ-19, ສປປ ລາວ ໄດ້ປະເຊີນໜ້າ ກັບບັນຫາການຂາດເຂີນພື້ນຖານໂຄງລ່າງດ້ານສາທາລະນະສຸກ, ເປັນຕົ້ນ ບຸກຄະລາກອນ ແລະເຄື່ອງມືການແພດ, ໃນຄັ້ງນີ້, ນະຄອນຄຸນມິງໄດ້ສືບຕໍ່ຊ່ວຍເຫຼືອລົດຮັບສົ່ງຄົນເຈັບຈໍານວນ 2 ຄັນ, ເຄື່ອງຊ່ວຍຫາຍໃຈ 4 ເຄື່ອງ ແລະເຄື່ອງແທກອຸນຫະພູມ 200 ໜ່ວຍໃຫ້ແກ່ນະຄອນຫຼວງວຽງຈັນ ແລະແຂວງຫຼວງພະບາງ. ທ່ານ ຄໍາພອນ ວົງສັນຕິ ກົງສຸນໃຫຍ່ ສປປ ລາວ ປະຈໍານະຄອນຄຸນມິງໄດ້ເວົ້າວ່າ: “ການ ຊ່ວຍເຫຼືອໃນຄັ້ງນີ້ ສະແດງໃຫ້ເຫັນວ່າ ແຂວງຢູນນານກໍ່ຄືນະຄອນຄຸນມິງ ບໍ່ວ່າເວລາໃດ ກໍ່ເຫັນ ອົກເຫັນໃຈ ແລະ ຮັກແພງເບິ່ງແຍງກັນ”. ອຸປະກອນການແພດຈໍານວນນີ້ ຈະເປັນການປະກອບ ສ່ວນອັນສໍາຄັນ ເຂົ້າໃນການປ້ອງກັນ ແລະປິ່ນປົວ ຜູູ້ຕິດເຊື້ອພະຍາດ ໂຄວິດ-19 ກໍ່ຄືການເສີມສ້າງລະບົບ ການບໍລິການດ້ານສາທາລະນະສຸກຂອງນະຄອນຫຼວງວຽງຈັນ ແລະ ແຂວງຫຼວງພະບາງ ໃຫ້ມີຄວາມສະດວກ.

ຂ່າວ: ກົງສູນ ສປ ຈີນປະຈຳພາກເໜືອແຂວງຫຼວງພະບາງ