ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ນະຄອນຄຸນໝິງມອບເຄື່ອງຊ່ວຍເຫຼືອໃຫ້ນະຄອນຫຼວງວຽງຈັນ

ວັນທີ 16 ກັນຍາ 2020 ອົງການປົກຄອງນະຄອນຫຼວງວຽງຈັນ ໄດ້ຮັບເຄື່ອງຊ່ວຍເຫຼືອທາງການແພດ ຈາກນະຄອນຄຸນໝິງ ຫຼືເມືອງຄຸນໝິງ ແຂວງຢຸນໜານ ສປ ຈີນ ຕາງໜ້າມອບໂດຍທ່ານ ຈ່ຽງ ຈ້າຍຕຸ່ງ ເອກອັກຄະລັດຖະ ທູດ ສປ ຈີນ ປະຈໍາ ສປປ ລາວ ແລະ ຮັບໂດຍ ທ່ານ ສິນລະວົງ ຄຸດໄພທູນ ເຈົ້າຄອງນະຄອນ ຫຼວງວຽງຈັນ ພ້ອມດ້ວຍສອງພາກສ່ວນທີ່ກ່ຽວຂ້ອງເຂົ້າຮ່ວມ.

ເຄື່ອງຊ່ວຍເຫຼືອດັ່ງກ່າວປະກອບມີ ລົດກູ້ໄພ 1 ຄັນ ເຄື່ອງຊ່ວຍຫາຍໃຈ 2 ເຄື່ອງ ເຄື່ອງວັດແທກອຸນຫະພູມ 200 ອັນ ຜ້າອັດປາກທາງການແພດ 20.000 ອັນ ແລະຜ້າອັດປາກຮຸ້ນ N95 ຈໍານວນ 500 ອັນ. ໂອກາດດັ່ງກ່າວທ່ານ ສິນລະວົງ ຄຸດໄພທູນ ໄດ້ສະແດງຄວາມຂອບໃຈຢ່າງສູງມາຍັງລັດຖະບານຈີນ ທີ່ໃຫ້ການສືບຕໍ່ເຫຼືອລັດຖະບານລາວ ກໍ່ຄືການປະກອບສ່ວນຂອງນະຄອນຄຸນໝິງທີ່ໃຫ້ຊ່ວຍເຫຼືອນະຄອນຫຼວງວຽງຈັນ (ນວ) ໃນຄັ້ງນີ້.

ທ່ານ ນາງ ໄຊພອນ ນັນທະພອນ ຫົວໜ້າພະແນກສາທາລະນະສຸກ ນວ ໃຫ້ຮູວ່າ: ລົດກູ້ໄພ ແລະເຄື່ອງຊ່ວຍ ເຫຼືອດັ່ງກ່າວ ມີມູນຄ່າລວມທັງໝົດເປັນເງິນ 95.000 ໂດລາສະຫະລັດ. ລົດກູ້ໄພຄັນດັ່ງກ່າວແມ່ນໄດ້ຕິດຕັ້ງເຄື່ອງອຸປະກອນການແພດພື້ນ ຖານຄົບຊຸດ ເຊິ່ງລົດ ແລະເຄື່ອງຊ່ວຍເຫຼືອເຫຼົ່ານັ້ນແມ່ນຈະນໍາໃຊ້ເຂົ້າໃນວຽກ ງານສາທາລະນະສຸກ ພາຍໃນນະຄອນຫຼວງວຽງຈັນ ເພື່ອປ້ອງ ກັນ ແລະຄວບຄຸມການແຜ່ລະບາດຂອງພະຍາດ COVID-19 ແລະວຽກງານທີ່ຈໍາເປັນອື່ນໆ ເພື່ອໃຫ້ເກີດປະໂຫຍດສູງສຸດ.

Cr: CRI-FM93