ກອງປະຊຸມອົງການປົກຄອງນະຄອນຫຼວງວຽງຈັນ (ນວ) ຄັ້ງທີ 39 ຈັດຂຶ້ນວັນທີ 4 ກັນຍາ 2024 ຢູ່ສຳນັັກງານປົກຄອງ ນວ ໂດຍເປັນປະທານຂອງ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ.
ກອງປະຊຸມໄດ້ຮັບຟັງການລາຍງານປະກອບຄໍາເຫັນ ແລະ ໃຫ້ທິດຊີ້ນໍາຫຼາຍວຽກ ງານສຳຄັນຂອງ ນວ ເປັນຕົ້ນການ: ເຜີຍແຜ່ ແລະ ຜັນຂະຫຍາມະຕິກອງປະຊຸມສະ ໄໝສາມັນ ເທື່ອທີ 7 ຂອງສະພາປະຊາຊົນ ນວ ຊຸດທີ 2 ແລະ ມະຕິຂອງສະພາປະຊາ ຊົນ ນວ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024 ສະບັບເລກທີ 014/ສປນວ ມະຕິຂອງສະພາປະຊາຊົນ ນວ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024 ມະຕິຂອງສະ ພາປະຊາຊົນ ນວ ກ່ຽວກັບການຈັດຕັ້ງປະຕິບັດບັນດາຄາດໝາຍຂອງວຽກພັດທະ ນາຊົນນະບົດ ແລະ ແກ້ໄຂຄວາມທຸກຍາກໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ຕິດພັນກັບການຈັດຕັ້ງປະຕິບັດມະຕິກອງປະຊຸມສະພາປະຊາຊົນ ນວ ສະບັບເລກທີ 016/ສປນວ.
ນອກຈາກນີ້, ກອງປະຊຸມ ໄດ້ຮັບຟັງການລາຍງານ ແລະ ທິດຊີ້ນຳກ່ຽວກັບສະ ພາບການແກ້ໄຂບັນ ຫານໍ້າຖ້ວມຢູ່ບາງເມືອງຂອງ ນວ ການປັບປຸງລາຄາຫົວໜ່ວຍການກໍ່ສ້າງໃໝ່ໂຄງ ການຟື້ນຟູສ້ອມແປງອາຄານ ປະຕູລະບາຍນໍ້າ ແລະ ຄູປ້ອງກັນນໍ້າຖ້ວມທີ່ຫຍຸບ ຢູ່ເຂດບ້ານລາດຄວາຍ ເມືອງໄຊທານີ ຮັບຟັງການລາຍງານກ່ຽວ ກັບການແກ້ໄຂຮ້ານຊື້-ຂາຍເຫຼັກເສດຢູ່ ນວ ແຜນງົບປະງານຮັບໃຊ້ກອງປະຊຸມເຈົ້າຄອງນະຄອນຫຼວງອາຊຽນ (MGMAC) ກອງປະຊຸມເວທີເຈົ້ານະຄອນອາຊຽນ (AMF) ແລະ ກອງປະຊຸມເຄືອຄ່າຍບັນດານະຄອນອາຊີຕາເວັນອອກສຽງໃຕ້ຂອງສະມາຄົມທີ່ນຳໃຊ້ພາສາຝຣັ່ງ RVASE (AIMF) ທີ່ ນວ ເປັນເຈົ້າພາບ ຮັບຟັງການລາຍງານ ແລະ ໃຫ້ທິດຊີ້ນຳກ່ຽວ ກັບການສະເໜີຜ່ານແບບໂຄງການປັບປຸງ ແລະ ກໍ່ສ້າງສວນປະຕູໄຊ ພາກຂະຫຍາຍໄລຍະທີ 1 ໃນພື້ນທີ່ກະຊວງຍຸຕິທຳຫຼັງເກົ່າ ແລະ ຜ່ານແບບປັບປຸງອາຄານຫ້ອງວ່າ ການປົກຄອງ ນວ ພ້ອມການລາຍງານກ່ຽວກັບການປັບປຸງແບບທັດສະນີຍະພາບ ຖະໜົນລ້ານຊ້າງ ແລະ ຖະໜົນຄູວຽງ ລາຍງານສະເໜີຂໍດັດປັບລາຄານໍ້າປະປາ ປີ 2024-2026 ຂອງລັດວິສາຫະກິດນໍ້ປະປາ ນວ ແຜນການກະ ກຽມບຸນອອກພັນສາປະວໍລະນາ ແລະ ບຸນຊ່ວງເຮືອປະຈຳປີ 2024 ບຸນນະມັດສະ ການພະທາດຫຼວງ ແລະ ງານວາງສະແດງສິນຄ້າ ປະຈຳປີ 2024 ແລະ ແຜນສະຫຼອງປີໃໝ່ສາກົນ 2024 ພ້ອມນີ້ຍັງໄດ້ຮັບຟັງການລາຍງານກ່ຽວກັບສະພາບພົ້ນເດັ່ນປະ ຈຳເດືອນ ສິງຫາ ແລະ ແຜນວຽກຈຸດສຸມປະຈຳເດືອນ ກັນຍາ 2024 ຂອງອົງການປົກຄອງ ນວ.
