ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ນະຄອນຫລວງວຽງຈັນ ເຂົ້າເປັນສະມາຊິກ ອົງການ ສົ່ງເສີມການທ່ອງທ່ຽວບັນດານະຄອນອາຊີ-ປາຊີຟິກ

ວັນທີ 9 ກັນຍາ 2020 ທີ່ຫ້ອງວ່າການນະຄອນຫລວງວຽງຈັນ ໄດ້ຈັດພິທີຖະແຫລງຂ່າວ ນະຄອນຫລວງວຽງ ຈັນ ໄດ້ເຂົ້າເປັນສະມາຊິກອົງການ ສົ່ງເສີມການທ່ອງທ່ຽວບັນດານະຄອນອາຊີ-ປາຊີຟິກ (Tourism Promotion Organizaion for Asia Pacific Cities ) ຢ່າງເປັນທາງ ການ ໃນວັນທີ 9 ກັນຍາ 2020.

ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ໄດ້ກ່າວວ່າ: ອົງການສົ່ງເສີມການທ່ອງທ່ຽວບັນ ດານະຄອນຫລວງ ຫລື (TPO) ແມ່ນເຄືອຂ່າຍລະຫວ່າງຕົວເມືອງ ໂດຍມີບົດບາດສົ່ງເສີມສະມາຊິກເຮັດວຽກຮ່ວມກັນ ເພື່ອສ້າງອຸດສາຫະກຳການທ່ອງທ່ຽວ, ການແລກປ່ຽນຂໍ້ມູນຂ່າວສານດ້ານການຕະຫລາດແຫລ່ງທ່ອງ ທ່ຽວ, ການພັດທະນາຜະລິດຕະພັນໃໝ່ໆ ລວມໄປເຖິງການພັດທະນາຊັບພະຍາກອນມະນຸດໃນພາກການທ່ອງ ທ່ຽວ ແລະ ອື່ນໆ. ປັດຈຸບັນມີສະມາຊິກທັງໝົດ 25 ນະ ຄອນ ຈາກ 13 ປະເທດ. ການເຂົ້າຮ່ວມເປັນສະມາຊິກ ອົງການສົ່ງເສີມການທ່ອງທ່ຽວສໍາລັບບັນດານະຄອນອາ ຊີ-ປາຊີຟິກ ຈະຊ່ວຍເປີດໂອກາດ ໃຫ້ແກ່ນະຄອນຫລວງວຽງຈັນ ມີບົດບາດສຳຄັນໃນເວທີສາກົນຫລາຍຂຶ້ນ ທາງດ້ານການຄ້າ, ການລົງທຶນ, ການທ່ອງທ່ຽວ ແລະ ການແລກປ່ຽນວັດທະນະທໍາ ສ້າງຄວາມເຂັ້ມແຂງໃນການລວມກຸ່ມດ້ານສົ່ງເສີມການທ່ອງທ່ຽວ ເຊັ່ນ: ການສະໜອງທາງດ້ານຂໍ້ມູນຂ່າວສານ, ການເດີນທາງທ່ອງທ່ຽວ ແລະ ມີໂຄງສ້າງພື້ນຖານທີ່ຈຳເປັນເພື່ອສະໜັບສະໜູນການເປີດກວ້າງການທ່ອງ ທ່ຽວທີ່ນຳໄປສູ່ການພັດທະນາ ແລະ ມີທ່າອ່ຽງຂະຫຍາຍຕົວທາງດ້ານການທ່ອງທ່ຽວຂອງອົງກອນ ກໍຄື ນະຄອນຫລວງວຽງຈັນ.

ທ່ານ ສິນລະວົງ ຄຸນໄພທູນ ກ່າວຕື່ມວ່າ: ຫລັງຈາກທີ່ນະຄອນຫລວງວຽງຈັນ ໄດ້ເຂົ້າເປັນສະມາຊິກແລ້ວ ຈະເລັ່ງຊຸກຍູ້ການຈັດຕັ້ງປະຕິບັດນະໂຍບາຍ, ກົດໝາຍ, ລະ ບຽບການຕ່າງໆດ້ານການທ່ອງທ່ຽວຂອງລັດວາງອອກ; ປັບປຸງສະຖານທີ່ທ່ອງທ່ຽວຢູ່ນະຄອນຫລວງວຽງຈັນ ໃຫ້ມີຄວາມສາມາດຮອງຮັບ ນັກທ່ອງທ່ຽວໃນປັດຈຸບັນ ແລະ ອານາຄົດ, ປັບປຸງບັນດາໂຮງແຮມ, ຮ້ານອາຫານໃຫ້ໄດ້ມາດຕະຖານ, ສ້າງພະນັກງານນຳທ່ຽວໃຫ້ພຽງພໍ, ພັດທະ ນາເຂດແຄມຂອງໃຫ້ເປັນເຂດທ່ອງທ່ຽວທີ່ຕິດພັນກັບທຳມະຊາດ ແລະ ວັດທະນະທຳລະດັບຊາດ. ນອກນີ້, ຍັງຈະສືບຕໍ່ພັດທະນາລາຍການທ່ອງທ່ຽວໃໝ່ຕື່ມອີກ ເຊັ່ນ: ທ່ອງທ່ຽວທຳມະຊາດສີຂຽວ, ທ່ອງທ່ຽວລ່ອງນ້ຳງື່ມ-ເວີນແທ່ນ, ປັບປຸງ ແລະ ສ້າງຄອງນ້ຳວຽງຈັນໃຫ້ເປັນແຫລ່ງທ່ອງທ່ຽວສຳຄັນ ແລະ ອື່ນໆ.