ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ນະຄອນຫລວງວຽງຈັນ ໄດ້ຮັບລາງວັນຕົວເມືອງສະອາດອາຊຽນ ເປັນຄັ້ງທີ 2. ພິທີມອບ-ຮັບລາງວັນດັ່ງກ່າວຢ່າງເປັນທາງການຈັດຂຶ້ນໃນໂອກາດງານມະຫະກໍາທ່ອງທ່ຽວອາຊຽນ 2024 ທີ່ ສປປ ລາວ ໄດ້ຮັບກຽດເປັນເຈົ້າພາບຈັດຂຶ້ນລະຫວ່າງ 22-27 ມັງກອນ 2024 ນີ້.
ທ່ານ ນາງ ວິໄລວອນ ຈັນທະລາຕີ, ຫົວໜ້າພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວນະຄອນຫລວງວຽງຈັນ ໃຫ້ສໍາພາດວ່າ: ຄະນະກໍາມະການທີ່ກ່ຽວຂ້ອງໄດ້ປະເມີນ ແລະ ຄັດ ເລືອກຕາມຂັ້ນຕອນຕ່າງໆ ແລະ ເຫັນດີໃຫ້ນະຄອນຫລວງວຽງ ຈັນໄດ້ຮັບລາງວັນຕົວເມືອງສະອາດອາຊຽນ ເປັນຄັ້ງທີ 2 ຊຶ່ງຖືເປັນສິ່ງທີ່ດີ ແລະ ຈະປະກອບສ່ວນສໍາຄັນໃນການດຶງດູດນັກທ່ອງທ່ຽວສາກົນເຂົ້າມາທ່ອງທ່ຽວລາວ ກໍຄື ທ່ອງທ່ຽວນະຄອນ ຫລວງວຽງຈັນ ນັບມື້ເພີ່ມຂຶ້ນ, ພ້ອມນີ້ ທ່ານໄດ້ຮຽກຮ້ອງມາຍັງຊາວນະຄອນຫລວງວຽງຈັນ ຈົ່ງພ້ອມກັນຮັກສານາມມະຍົດເມືອງທ່ອງທ່ຽວສະອາດອາຊຽນໄວ້ໃຫ້ມີຄວາມຍືນຍົງຕະຫລອດໄປ.
ໃນໄລຍະຜ່ານມາ, ນະຄອນຫລວງວຽງຈັນ ເຄີຍໄດ້ຮັບລາງວັນຕົວເມືອງທ່ອງທ່ຽວສະອາດອາຊຽນ ມາແລ້ວ 1 ຄັ້ງ ຊຶ່ງໝົດອາ ຍຸໃນປີ 2023 ຜ່ານມານີ້. ສໍາລັບຂອບເຂດເນື້ອທີ່ທີ່ກໍານົດເປັນຕົວເມືອງທ່ອງທ່ຽວສະອາດອາຊຽນ ກວມເອົາຫລາຍບ້ານພາຍ ໃນ 4 ຕົວເມືອງໃນຂອງນະຄອນຫລວງວຽງຈັນ ຄື: ຈັນທະບູລີ, ສີສັດຕະນາກ, ໄຊເສດຖາ ແລະ ສີໂຄດຕະບອງ, , ສ່ວນມາດຕະ ຖານການປະເມີນ ໂດຍລວມແມ່ນອິງໃສ່ 7 ຕົວຊີ້ວັດ ເປັນຕົ້ນ: ການຄຸ້ມຄອງສິ່ງແວດລ້ອມ, ຄວາມສະອາດ, ພື້ນຖານການທ່ອງທ່ຽວ, ຄວາມປອດໄພ ແລະ ອື່ນໆ.
Cr: ຂ່າວອອນລາຍ, ວສລ
May be an image of 2 people