ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກອງປະຊຸມປຶກສາຫາລືກ່ຽວກັບການກວດກາຄວາມພ້ອມ ຮັບໃຊ້ກອງປະຊຸມອາຊຽນ ແລະ ກອງປະຊຸມປິ່ນອ້ອມ ໄດ້ຈັດຂຶ້ນວັນທີ 8 ກໍລະກົດ 2024 ທີ່ຫ້ອງປະຊຸມ ສໍານັກງານ ອົງການປົກຄອງນະຄອນຫຼວງວຽງຈັນ ໂດຍການເປັນປະທານຂອງທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໃນນາມເປັນກຳມະການ ຮັບຜິດຊອບຊີ້ນຳອະນຸກຳມະການວຽກງານປະດັບປະດາຕົວເມືອງວຽງຈັນ ໂຮງແຮມ ຮ້ານອາຫານ ທີ່ພັກ ໄຟຟ້າ ນໍ້າປະປາປະທານຮ່ວມໂດຍ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງ ພະລັງງານ ແລະ ບໍ່ແຮ່ ,ທ່ານ ລິດຕາ ຂັດທິຍະ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງເຂົ້າຮ່ວມ.
ໃນກອງປະຊຸມໄດ້ພ້ອມກັນລົງເລິກທົບທວນຄວາມພ້ອມດ້ານຕ່າງໆ ເພື່ອຮັບມືກັບສະພາບ ປະກົດການຕົວຈິງ, ໂດຍສະເພາະໃນໄລຍະນີ້ແມ່ນສຸມໃສ່ແກ້ໄຂສະພາບໄຟຟ້າຕົກ ການສະໜອງນໍ້າປະປາບໍ່ພຽງພໍ ການເລັ່ງປັບປຸງກໍ່ສ້າງຍົກລະດັບຖະໜົນຫົນທາງ ແລະ ການປະດັບປະດາຕົວເມືອງ ການຈັດສັນການຈະລາຈອນ ການເລັ່ງສ້ອມແປງໄຟອຳນາດ ແລະ ບັນຫາປິ່ນອ້ອມອື່ນໆ. ໃນທີ່ປະຊຸມຍັງໄດ້ຊົມເຊີຍເຈົ້າໜ້າທີ່ຝ່າຍປະຕິບັດການໄຟຟ້າ ເຈົ້າໜ້າທີ່ພະນັກງານກໍ່ສ້າງຕິດຕັ້ງນ້ຳປະປາ ທີ່ໄດ້ເອົາໃຈໃສ່ເຮັດວຽກແກ້ໄຂບັນຫາທີ່ເກີດຂຶ້ນຕົວຈິງໃນໄລຍະຜ່ານມາ ແລະ ໃຫ້ສືບຕໍ່ເປັນກຳລັງແຮງ ແລະ ມີຄວາມພ້ອມຮອບດ້ານ ຮັບມືກັບບັນຫາ ກ່ຽວກັບ ໄຟຟ້າ ນ້ຳປະປະ ໃນໄລຍະລະດູຝົນນີ້ ພ້ອມດຽວກັນກໍຮຽກຮ້ອງ ໃຫ້ ບັນດາສຳນັກງານອົງການ ພ້ອມກັນເຂົ້າຮ່ວມເປັນເຈົ້າການຮ່ວມກັນ ໃນການເປັນເຈົ້າພາບທີ່ດີ ການປ້ອງກັນເວນຍາມຮັກສາຄວາມສະຫງົບປອດໄພ ແລະຄວາມເປັນລະບຽບຮຽບຮ້ອຍ ບໍລິເວນຮັບຜິດຊອບຂອງຕົນ ຮຽກຮ້ອງມາຍັງທົ່ວສັງຄົມ ບັນດາຜູ້ປະກອບການ ພໍ່ແມ່ປະຊາຊົນ ທະຫານຕຳຫຼວດ ນັກຮຽນ ນັກສຶກສາ ຊາວຕ່າງດ້າວ ທີ່ດຳລົງຊີວິດຢູ່ນະຄອນຫຼວງວຽງຈັນ ໃຫ້ເຂົ້າຮ່ວມຂະບວນແຂ່ງຂັນ ຮັກຊາດ ແລະ ພັດທະນາ ຕິດພັນກັບການເປັນເຈົ້າພາບທີ່ດີໃຫ້ກັບການກະກຽມກອງປະຊຸມ ໃນໄລຍະ ປີ 2024 ນີ້ ພ້ອມກັນ ຮັກສາຄວາມສະອາດຈົບງາມຕົວເມືອງ ການປະຕິບັດພັນທະ ປັກປັກຮັກສາ ແລະ ສ້າງສາພັດທະນາ ນະຄອນຫຼວງວຽງຈັນ ຮ່ວມກັນ.
ທີ່ມາ: ວຽງຈັນທຸລະກິດ-ສັງຄົມ
May be an image of 7 people and text