ໃນລະຫວ່າງວັນທີ 22 -23 ສິງຫາ 2024 ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໄດ້ເດີນທາງເຂົ້າ ຮ່ວມກອງປະຊຸມສຸດຍອດການຂົນສົ່ງສາກົນ 2024 ທີ່ນະ ຄອນຫຼວງມົດສະກູ ສະຫະພັນ ຣັດເຊຍ.
ໃນໂອກາດເດີນທາງເຂົ້າຮ່ວມກອງປະຊຸມໃນຄັ້ງນີ້ ອົງການປົກ ຄອງນະຄອນຫຼວງວຽງຈັນ ສປປ ລາວ ແລະ ອົງການປົກຄອງນະຄອນຫຼວງມົດສະກູ ສະຫະພັນຣັດເຊຍ ໄດ້ລົງນາມຖະແຫຼງ ການຮ່ວມວ່າດ້ວຍການຮ່ວມມືດ້ານການຂົນສົ່ງ ເປັນກຽດລົງ ນາມໂດຍ ທ່ານ ອາດສະພັງທອງ ສີພັນດອນ ເຈົ້າຄອງນະຄອນ ຫຼວງວຽງຈັນ ແລະ ທ່ານ ມັກຊິມ ລິກຊູຕົບ ຮອງເຈົ້າຄອງນະຫຼວງມົດສະກູ ຫົວໜ້າພະແນກຂົນສົ່ງ ແລະ ພັດທະນາພື້ນຖານໂຄງລ່າງ ນະຄອນຫຼວງມົດສະກູ.
ພາຍຫຼັງສຳເລັດການລົງນາມຖະແຫຼງການຮ່ວມວ່າດ້ວຍການ ຮ່ວມມືດ້ານການຂົນສົ່ງ ອົງການປົກຄອງນະຄອນ ຫຼວງວຽງຈັນ ແລະ ອົງການປົກຄອງນະຄອນຫຼວງມົດສະ ກູ ໄດ້ກາຍເປັນຄູ່ຮ່ວມເພື່ອພັດທະນາການຂົນສົ່ງ ແລະ ພື້ນ ຖານໂຄງລ່າງຖະໜົນ ຫົນທາງ ແລະ ປັບປຸງຍົກລະດັບລະ ບົບຂົນສົ່ງ ເຊິ່ງ ສອງຝ່າຍຈະຮ່ວມມືບັນດາຂົງເຂດບູລິມະສິດຄື: ແລກປ່ຽນຂໍ້ມູນຄວາມຄືບ ໜ້າດ້ານການຂົນສົ່ງຢ່າງເປັນປົກກະຕິ ຈັດກອງປະຊຸມທັງແບບເຊິ່ງໜ້າ ແລະ ທາງໄກ ແລະ ກິດຈະກໍາຕ່າງໆ ຮ່ວມກັບບັນດາສະ ມາຊິກຄະນະນັກຄົ້ນຄວ້າ ແລະ ບັນດາຜູ້ຊ່ຽວຊານຈັດຕັ້ງປະຕິ ບັດວຽກງານການຄົ້ນຄວ້າຮ່ວມກັນ ວິເຄາະ ສະພາບການຂົນສົ່ງໃນປະຈຸບັນ ຢູ່ນະຄອນຫຼວງວຽງຈັນ ແລະ ນະຄອນຫຼວງມົດສະກູ ແລະ ກໍານົດແນວທາງການປະຕິບັດທີ່ດີທີ່ສຸດ ເພື່ອປັບປຸງສະ ພາບການຂົນສົ່ງຢູ່ຂັ້ນທ້ອງຖິ່ນກໍານົດຕົວຊີ້ວັດເພື່ອການພັດທະ ນາອຸດສາຫະກໍາການຂົນສົ່ງສ້າງຖານຄວາມຮູ້ ທີ່ເຂົ້າເຖິງໄດ້ງ່າຍ ແລະ ເປີດກວ້າງກ່ຽວກັບການຂົນສົ່ງ ແລະ ສະພາບການຂົນສົ່ງຢູ່ນະຄອນຫຼວງວຽງຈັນ ແລະ ນະຄອນຫຼວງມົດສະກູ.
Cr: ເພັດສະໝອນ
