ການແຂ່ງຂັນກີລາດອກປີກໄກ່ ໃນງານມະຫະກຳກີລາແຫ່ງຊາດ ຄັ້ງທີ 11 (ຊຽງຂວາງ ເກມ 2020) ປິດສາກຢ່າງຈົບງາມວັນທີ 21 ທັນວາ 2022 ໂດຍນະຄອນຫຼວງວຽງ ຈັນ ຍາດໄດ້ 3 ຫຼຽນຄຳ 3 ຫຼຽນເງິນ 1 ຫຼຽນທອງ ເປັນອັນດັບ 1.
ການແຂ່ງຂັນກີລາດັ່ງກ່າວ ຈັດຂຶ້ວັນທີ 16-21 ທັນວາ 2022 ຢູ່ສະໂມສອນກີລາໃນຮົ່ມໄຊຊະນະ ເມືອງ ແປກ ແຂວງຊຽງຂວາງ ໂດຍມີນັກກີຈາກນະຄອນຫຼວງວຽງຈັນ ແຂວງຄຳມ່ວນ ແຂວງສະຫວັນນະເຂດ ກະ ຊວງຊວງພະລັງງານ ແລະ ບໍ່ແຮ່ ແຂວງວຽງຈັນ ແຂວງໄຊຍະບູລີ ແລະ ແຂວງຊຽງຂວາງ (ເຈົ້າພາບ) ມີການຊີງໄຊ 7 ຫຼຽນຄຳ 7 ຫຼຽນເງິນ 12 ຫຼຽນທອງ.
ຜ່ານການແຂ່ງຂັນ ນະຄອນຫຼວງວຽງຈັນ ຍາດມາໄດ້ 3 ຫຼຽນຄຳ 3 ຫຼຽນເງິນ 1 ຫຼຽນທອງ ເຊິ່ງຫຼຽນຄຳ ໄດ້ຈາກປະເພດຄູ່ຊາຍ ພັນທະລັງ ອຸໄທທານີ ແລະ ນາມບຸນ ຫຼວງອາມາດ ປະເພດຄູ່ຍິງ ທິດາຈັນ ສີປະເສີດ ແລະ ພຸດສະຫວັນ ດາວປະສິດ ແລະ ປະເພດຄູ່ປະສົມ ທ້າວ ພັນທະລັງ ອຸໄທທານີ ແລະ ນາງ ທິດາຈັນ ສີປະເສີດ ສ່ວນຫຼຽນເງິນ ໄດ້ຈາກຄູ່ປະສົມ ທີມຊາຍ ແລະ ທີມຍິງ ຫຼຽນທອງ ໄດ້ຈາກດ່ຽວຍິງ ສະຫຼຸບການແຂ່ງຂັນ ນະຄອນຫຼວງວຽງຈັນ ເປັນອັນດັບ 1 ອັນດັບ 2 ກະຊວງພະລັງງານ ແລະ ບໍ່ແຮ່ 2 ຫຼຽນຄຳ 2 ຫຼຽນເງິນ 4 ຫຼຽນທອງ ອັນດັບ 3 ແຂວງຄຳມ່ວນ 2 ຫຼຽນຄຳ 1 ຫຼຽນເງິນ 2 ຫຼຽນທອງ ອັນດັບ 4 ແຂວງສະຫວັນນະເຂດ 1 ຫຼຽນເງິນ ອັນດັບ 5 ແຂວງວຽງຈັນ 3 ຫຼຽນທອງ ອັນດັບ 6 ຮ່ວມ ແຂວງຊຽງຂວາງ ແລະ ແຂວງໄຊຍະບູລີ ຍາດໄດ້ແຂວງລະ 1 ຫຼຽນທອງ.
