ວັນທີ 13 ກໍລະກົດ 2022 ນີ້ ນະຄອນ ຫຼວງພະບາງ ໄດ້ຈັດພິທີປ່ອຍປ່າ ໃນວັນອານຸລັດສັດນໍ້າສັດປ່າແຫ່ງຊາດ ຢູ່ບ້ານດອນແກ້ວ ກຸ່ມວິຊຸມ, ມີ ທ່ານ ສົມດີ ພອນສະຫວັດ ປະທານແນວລາວສ້າງຊາດນະຄອນ, ພ້ອມດ້ວຍຜູ້ຕາງໜ້າໜ້າພະແນກກະສິກໍາ ແລະ ປ່າໄມ້ແຂວງ, ຫົວໜ້າ-ຮອງຫົວພະແນກການອ້ອມຂ້າງແຂວງ, ຫົວໜ້າ-ຮອງຫົວໜ້າຫ້ອງການ, ທະຫານ, ຕໍ່າຫຼວດ, ບໍລິສັດ, ຫ້າງຮ້ານ ແລະອົງການປົກຄອງບ້ານ ໃນເທດສະບານນະຄອນ ເຂົ້າຮ່ວມ. ພິທີ ທ່ານ ສົມດີ ພອນສະຫວັດ ໄດ້ກ່າວຊົນເຊີຍຜົນງານການອານຸລັກຮັກສາ ຊັບພະຍາກອນທໍາມະຊາດ ພາຍໃນນະຄອນ ຫຼວງພະບາງໃຫ້ມີຄວາມອຸດົມສົມບູນ ທຸກພາກສ່ວນໃນສັງຄົມ ໄດ້ເປັຮເຈົ້າການປະຕິບັດແນວທາງ ນະໂຍບາຍການປ່ອຍປາ ແລະອານຸລັກປົກປັກຮັກສາສັດນໍ້າ-ສັດປ່າ ໂດຍສະເພາະໃນວັນທີ່ 13 ກໍລະກົດ ຂອງທຸກປີ ເຊີ່ງລັດຖະບານໄດ້ກຳນົດເປັນວັນປ່ອຍປ່າ ແລະອານຸລັັກສັດນໍ້າ-ສັດປ່າ. ຜ່ານມາອົງການປົກຄອງນະຄອນ ຫລວງພະບາງ ໄດ້ຖືສໍາຄັນການປ່ອຍສັດນໍ້າລົງສູ່ນໍ້າທໍາມະຊາດ ໂດຍສະເພາະເຂດອານຸລັກຊີວະນາໆພັນໃນສາຍນໍ້າຄານ ສະເພາະປີນີ້ ມີຈໍານວນ 30.000 ກວ່າໂຕ ປະກອບມີປາເພ້ຍ, ປາແກງ, ປາມາງ, ປາອິນເດຍ, ປາປາກ ເພື່ອເປັນການຟື້ນຟູບູລະນະຊັບພະຍາກອນທໍາມະຊາດ ແລະອານຸລັກຊີວະນາໆພັນ, ໂອກາດນີ້ ທ່ານໄດ້ຮຽກຮ້ອງໃຫ້ປະຊາຊົນບັນດາເຜົ່າ, ອົງການຈັດຕັ້ງທຸກຂັ້ນທົ່ວນະຄອນ ຫຼວງພະບາງ ຈົ່ງສືບຕໍ່ອານຸລັກຮັກສາສັດນໍໍ້າ-ສັດປ່າ ແລະພ້ອມກັນເປັນເຈົ້າການສະກັດກັ້ນ ພວກຄົນບໍ່ດີທີ່ລ່າສັດແຕ່ລະຊະນິດໂດຍຜິດຕໍ່ລະບຽບ-ກົດໝາຍ. ໂອກາດນີ້ ຜູ້ເຂົ້າຮ່ວມໄດ້ປ່ອຍປາລົງນໍ້າຄານ ແຂດບ້ານດອນແກ້ວຢ່າງມີບັນຍາກາດຟົດຟຶ້ນ.
ພາບ: ສອນເພັດ ທໍາມຸງຄຸນ, ຂ່າວ: ສົມແກ້ວ ຈົ່ວຈູ່ລີ ( ນະຄອນຫຼວງພະບາງ)
