ນັກກິລາເຕະບານ ຄົນພິການຕາລາວ ເຂົ້າຮ່ວມແຂ່ງຂັນໃນ ລາຍການ ໄທແລນ ໂອເພັນ 2023 ຫລື 2023 Asia & Pacific Invitational Blind Football Tournament 13-19 March ເຊີ່ງເລີ່ມແຂ່ງຂັນແຕ່ວັນທີ13-19 ມີນາ 2023 ໂດຍມີທັງໝົດ 4 ປະເທດເຂົ້າຮ່ວມ ປະກອບມີ: ທີມຊາດໄທ ເຈົ້າພາບ, ທີມຊາດລາວ, ທີມຊາດຄາຊັກສະຖານ ແລະ ທີມຊາດອິນເດຍ. ການແຂ່ງຂັນແມ່ນແຂ່ງພົບກັນໝົດ ຄັດເລືອກເອົາອັນດັບທີ 1-2 ຜ່ານເຂົ້າສູ່ຮອບຊີງຊະນະເລີດ ແລະ ອັນດັບທີ 3-4 ແມ່ນໄປຊີງອັນດັບທີ 3 ຕາມລຳດັບ.
ສຳລັບຄະນະທັບນັກກິລາຄົນພິການລາວ ໄດ້ເດີ່ນທາງແຕ່ວັນທີ 12 ມີນາ 2023 ພັກທີ່ໂຮງແຮມ ທີເຄ ເຂດເມືອງທອງທານີ ນະຄອນຫຼວງບາງກອກ ຊຶ່ງນັດທຳອິດລາວ ພົບກັບ ອິນເດຍ ໃນວັນທີ 15 ມີນາ, ເວລາ 19:30 ໂມງ, ນັດທີ 2 ລາວ ພົບກັບ ຄາຊັກສະຖານ ໃນວັນທີ 16 ມີນາ, ເວລາ 16:00 ໂມງ ແລະ ນັດສຸດທ້າຍ ລາວ ພົບກັບ ໄທ ໃນວັນທີ 17 ມີນາ, ເວລາ 18:00 ໂມງ.
ຂະນະທີ່ ທ່ານ ນາງ ພິຈິຕາ ປະດາວົງ ຫຼື ມາດ້າມ ຮອງປະທານສະຫະພັນບານເຕະຄົນພິການຕາແຫ່ງຊາດລາວ ປະກາດວ່າ: ຖ້ານັກກິລາຄົນບານເຕະຄົນພິການຕາທີມຊາດລາວ ສາມາດຍາດໄດ້ຊະນະເລີດ ຈະ ມອບເງິນ 40 ລ້ານກີບ ເປັນຂວັນກຳລັງໃຈຊຸກຍູ້ໃຫ້ນັກກິລາຄົນພິການທີມຊາດລາວ.