ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນວັນອັງຄານຜ່ານມານີ້, ສູນຂ່າວສານສາກົນ ຈີນ ໄດ້ນຳພາສື່ມວນຊົນ ຈາກບັນດາປະເທດອາຊີ-ປາຊີຟິກ ແລະ ອາຝະຣິກກາ ຫລາຍກວ່າ 100 ຄົນທີ່ມາຈາກ 90 ປະເທດ ຢ້ຽມຢາມພົບປະກັບຄະນະກຸ່ມສິນລະປະການສະແດງຕາເວັນອອກຂອງ ຈີນ ທີ່ນະຄອນຫລວງປັກກິ່ງ ສປ ຈີນ.
ການຢ້ຽມຢາມຄັ້ງນີ້, ຜູ້ອຳນວຍການກຸ່ມສິນລະປະການສະແດງຕາເວັນອອກຂອງ ຈີນ ໄດ້ລາຍງານໃຫ້ຮູ້ວ່າ: ກຸ່ມສິນລະປະການສະແດງຕາເວັນອອກຂອງ ຈີນ ຂຶ້ນກັບກະຊວງວັດທະນະທຳ ແລະ ທ່ອງທ່ຽວ ຈີນ ແມ່ນໜຶ່ງໃນຄະນະສິນລະປະລະດັບຊາດ ທີ່ມີຊື່ສຽງທີ່ສຸດ, ໂດຍກຳເນີດມາຈາກຄະນະສິນລະປະການຟອ້ນ, ຮອ້ງເພງ ແລະ ການເຕັ້ນໃນທົ່ວປະເທດຈີນ ເຊິ່ງໄດ້ຮັບການສະໜັບສະໜູນຈາກພັກລັດເປັນຢ່າງດີ.
ກຸ່ມດັ່ງກ່າວນີ້ ໄດ້ເປັນຕົວແທນຂອງການສະແດງດົນຕີ ແລະ ສິນລະປະການເຕັ້ນ ທີ່ມີມາດຕະຖານສູງໃນປະເທດ ຈີນ. ນອກຈາກນີ້ ຍັງໄດ້ເຝິກອົບຮົມສິນລະປິນ ທີ່ມີຊື່ສຽງລະດັບໂລກຢ່າງຫລວງຫລາຍ ຕະຫລອດເຖິງການສ້າງສັນ ແລະສະແດງຜົນງານດ້ານສິນລະປະອັນດີງາມນັບບໍ່ຖ້ວນ ໄດ້ຮັບການຍອ້ງຍໍຊົມເຊີຍຈາກຜູ້ຊົມທັງພາຍໃນ ແລະຕ່າງປະເທດ. ໃນໄລຍະຜ່ານມາ, ກຸ່ມສິນລະປະດັ່ງກ່າວໄດ້ດຳເນີນການສະແດງທົ່ວປະເທດ ຈີນ ແລະ 70 ປະເທດ ແລະພາກພື້ນໃນທົ່ວໂລກ ແລະສະແດງໃນງານສຳຄັນຕ່າງໆຂອງຊາດ ໂດຍມີບົດບາດເປັນທູດວັດທະນະທຳ ທາງດ້ານສິນລະປະການສະແດງຂອງ ຈີນ ອີກດ້ວຍ.