ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ນັກທຸລະກິດຈີນ ພວມທົດລອງ ປູກມອນ-ລ້ຽງມ້ອນຢູ່ເມືອງໄຊ, ແຂວງອຸດົມໄຊ

ນັບແຕ່ຕົ້ນປີ2019ເປັນຕົ້ນມາ ບໍລິສັດຊ່ວງໄຊ ພັດທະນາກະສິກໍາອຸດສະຫະກໍາຈໍາກັດຜູ້ດຽວໄດ້ ເລີ່ມການທົດລອງ ປູກມອນ-ລ້ຽງມ້ອນ ຢູ່ເຂດບ້ານກໍ່ ແລະບ້ານກັດເມືອງໄຊແຂວງອຸດົມໄຊ ໂດຍນໍາໃຊ້ ທືນຂອງ ບໍລິສັດຮ້ອຍສ່ວນຮ້ອຍ ກວມເນື້ອທີ່ຫລາຍກວ່າ 30 ເຮັກຕາ,ມາຮອດປັດຈຸບັນ ສາມາດຂະ ຫຍາຍເນື້ອທີ່ໄດ້ ທັງຫມົດ400ເຮັກຕາ.
ທ່ານຈ່າງເອີ້ ປະທານບໍລິສັດຊ່ວງໄຊພັດທະນາກະສິກໍາອຸດສະຫະກໍາຈໍາກັດຜູ້ດຽວໃຫ້ສໍາພາດເມື່ອບໍ່ດົນມານີ້ວ່າ:ການປູກ ມອນລ້ຽງມ້ອນຢູ່ເຂດບ້ານກໍ່ ແລະ ບ້ານກັດເມືອງໄຊແຂວງອຸດົມໄຊເພື່ອປະຕິບັດ ຕາມແນວທາງນະ ໂຍບາຍຂອງພັກ ແລະແຜນພັດ ທະນາເສດຖະກີດສັງຄົມຂອງລັດຖະບານ ເວົ້າລວມເວົ້າສະເພາະ ກໍ່ຄືແຜນພັດທະ ນາເສດຖະກິດສັງຄົມຂອງແຂວງອຸ ດົມໄຊແນໃສ່ ເຮັດປະຊາຊົນທີອາໃສໃນເຂດໃກ້ຄຽງມີລາຍຮັບເພີ່ມ ເຂົ້າສູ່ຄອບຄົວ ສະແດງອອກໃນຫນື່ງປີຜ່ານມາບາງຄອບຄົວມີ ລາຍຮັບເຖິງ 35 ຫາ 40ລ້ານກີບ.
ປະທານບໍລິສັດຊ່ວງໄຊ ພັດທະນາກະສິກໍາອຸດສະຫະກໍາຈໍາກັດຜູ້ດຽວໃຫ້ຮູ້ຕື່ມວ່າ: ການປູກມອນລ້ຽງມ້ອນ ເປັນຮູບແບບອຸດສາຫະກໍາທັນສະໄຫມບໍ່ນໍາໃຊ້ສານເຄມີເປັນມິດກັບສີ່ງແວດລ້ອມພ້ອມທັງສ້າງອາຊີບ ເສີມໃຫ້ປະ ຊາຊົນ ເຊີ່ງການ ປູກໃນຄັ້ງຫນື່ງແມ່ນສາມາດເກັບ ໄດ້ເຖິງ30ປີ ແລະໃນອະນາຄົດອັນໃກ້ນີ້ບໍລິສັດຈະ ສ້າງຕັ້ງໂຮງງານສາວໄຫມ ເພື່ອຜະລິດເປັນແຜ່ນ ແພຊະນິດຕ່າງໆ ກາຍເປັນສີນຄ້າຫລັກ ທີ່ຈໍາຫນ່າຍພາຍໃນແຂວງ ແລະ ສົ່ງອອກຂາຍຕ່າງປະເທດ ທ່ານຍັງສະແດງຄວາມຂອບ ໃຈກໍ່ການນໍາພັກ-ລັດ ແລະ ປະຊາຊົນລາວບັນດາເຜົ່າ ໂດຍສະເພາະອົງການປົກຄອງແຂວງ ກໍ່ຄືປະຊາຊົນຊາວແຂວງອຸດົມໄຊທີ່ ໃຫ້ການຊ່ວຍເຫລືອ ແລະ ສະຫນັບ ສະຫນູນໃນດ້ານຕ່າງໆໃນໄລຍະຜ່ານມາກໍ່ຄືປັດຈຸບັນ.

ພາບ: ສຸກສະຫວັນ
ຂ່າວ: ເດດອາລຸນ ແກ້ວວິໄລ