ຍ້ອນເຫັນຄວາມສຳຄັນໃນການພັດທະນາຊັບພະຍາ ກອນມະນຸດໃຫ້ມີຄຸນະພາບ ໄດ້ມາດຖານຕາມສັງຄົມຍຸກໃໝ່ ແລະ ມີຄວາມທັນສະໄໝ, ບໍລິສັດ ເຊີນຈືເຕີ ພັດທະ ນາ ແລະ ບໍລິການ ຈຳກັດ ໄດ້ກໍ່ສ້າງໂຮງຮຽນລາວ-ຈີນ ເຊີນຈືເຕີ. ພິທີວາງສີລາລຶກການກໍ່ສ້າງຢ່າງເປັນທາງການຈັດຂຶ້ນໃນວັນທີ 30 ເມສາ 2023 ຢູ່ບ້ານນໍ້າແກ້ວຫຼວງ, ເມືອງສີງ ແຂວງຫຼວງນໍ້າທາ ໂດຍມີ ທ່ານ ຈັນພິພັກ ກອງຈໍາປາ, ເຈົ້າເມືອງໆ ສີງ, ທ່ານ ວົງມະນີ ເພື່ອປະຊາ, ຫົວໜ້າພະແນກແຜນການ ແລະ ການລົງທືນ ແຂວງຫຼວງນໍ້າທາ, ທ່ານ ຄໍາເຫຼັກ ເຊີນຈືເຕີ, ປະທານບໍລິສັດ ເຊີນຈືເຕີ ພັດທະນາ ແລະ ບໍລິການ ຈໍາກັດ, ພ້ອມດ້ວຍບັນດາການນໍາຂອງເມືອງ ແລະ ພາກສ່ວນກ່ຽວ ຂ້ອງເຂົ້າຮ່ວມ.
ທ່ານ ຄໍາເຫຼັກ ເຊີນຈືເຕີ, ປະທານບໍລິສັດ ເຊີນຈືເຕີ ພັດ ທະນາ ແລະ ບໍລິການ ຈໍາກັດ ໄດ້ລາຍງານກ່ຽວກັບໂຄງ ການກໍ່ສ້າງໂຮງຮຽນອະນຸບານ, ປະຖົມ ແລະ ມັດທະຍົມລາວ-ຈີນ ເຊີນຈືເຕີ ເມືອງສິງ ເຊີ່ງມີຫຼັກສູດການຮຽນການສອນ 3 ພາສາ ຄື: ພາສາລາວ, ພາສາຈີນ ແລະ ພາສາອັງ ກິດ, ມີເນື້ອທີ່ທັງໝົດ 3 ເຮັກຕາກ່ວາ, ການກໍ່ສ້າງໂຮງຮຽນແມ່ນແບ່ງອອກເປັນ 2ໄລຍະ ຄື: ໄລຍະທີ 1 ແມ່ນກໍ່ສ້າງໂຮງຮຽນລ້ຽງເດັກ-ອານຸບານ 1 ຫຼັງ 6 ຫ້ອງ, ໂຮງຮຽນປະ ຖົມ 10 ຫ້ອງ, ຫໍພັກຄູອາຈານ 6 ຫ້ອງ, ໂຮງອາຫານ 1 ຫຼັງ, ສະຖານທີ່ຫຼີ້ນຂອງເດັກ 1 ຫຼັງ, ເດີ່ນບານເຕະຟຸດຊໍ 1 ເດີ່ນ, ເດີ່ນບານບ້ວງ 2 ເດີ່ນ.
ສ່ວນໄລຍະທີ 2 ຈະກໍ່ສ້າງເພີ່ມຕື່ມໂຮງຮຽນລ້ຽງເດັກ -ອະນຸບານ 4 ຫ້ອງ, ໂຮງ ຮຽນປະຖົມ 5 ຫ້ອງ,ໂຮງຮຽນມັດທະຍົມ 10 ຫ້ອງ, ຫ້ອງພີມຄອມພີວເຕີ 6 ຫ້ອງ, ຫໍສະໝຸດ 1 ຫ້ອງ, ຫໍພັກຄູອາຈານ 10 ຫ້ອງ, ຫ້ອງພັກນັກ ຮຽນ 10 ຫ້ອງ, ໂຮງອາຫານ 1 ຫຼັງ, ສະຖານທີ່ຫຼີ້ນຂອງເດັກ 1 ຫຼັງ ໂດຍນໍາໃຊ້ທືນການກໍ່ສ້າງທັງໝົດ 13.123.500.000 ກີບ, ໄລຍະການກໍ່ສ້າງແມ່ນ 16 ເດືອນໃຫ້ສໍາເລັດ, ຄາດວ່າຈະເປີດໃຊ້ບໍລິການໃນເດືອນກັນຍາ 2024.
ໃນໂອກາດນີ້ ຄະນະປະທານພິທີ, ພ້ອມດ້ວຍປະທານບໍລິສັດ ແລະ ແຂກທຸກພາກ ສ່ວນໄດ້ພ້ອມກັນຕັດແຖບຜ້າເປີດການກໍ່ສ້າງໂຮງຮຽນອະນຸບານປະຖົມ ແລະ ມັດ ທະ ຍົມລາວ-ຈີນ ເຊີນຈືເຕີ. ທັ້ງນີ້ ກໍເພື່ອເປັນການສົ່ງເສີມການຮຽນ-ການສອນທີ່ມີມາດຕະຖານລະດັບສາກົນ ແລະ ມີຫຼາຍພາສາໃຫ້ລູກຫຼານຊາວເມືອງສີງ ໄດ້ຮຽນຮູ້ເພື່ອສະ ດວກໃນການສື່ສານກັບສາກົນ ແລະ ນໍາໃຊ້ເຂົ້າໃນການແລກປ່ຽນສີນຄ້າຕ່າງໆ ໃຫ້ໄດ້ຮັບຜົນດີຂື້ນໄປເລື້ອຍໆ.
