ໃນລະຫວ່າງວັນທີ 16-18 ສິງຫາ 2024 ທີ່ນະຄອນຫລວງບາງກອກ ປະເທດໄທ, ໂດຍມີນັກກິລາ 1000 ກວ່າຄົນ ຈາກ 14 ປະເທດເຂົ້າຮ່ວມຄື: ສປປ ລາວ, ບຣູໄນ, ກຳປູເຈຍ, ຮົງກົງ (ຈີນ), ອິນເດຍ, ອິນໂດເນເຊຍ, ຄາຊັກສະຖານ, ກີກິສຖານ, ມາເລເຊຍ, ມົງໂກລີ, ມຽນມາ, ຟີລິບປິນ, ຫວຽດນາມ ແລະ ໄທ ເຈົ້າພາບ.
ໂດຍທ້າວ ສຸກພະໄຊ ພັນທະຈັກ ຫລື ວິນເນີ, ນາງ ວິພະດາ ພັນທະຈັກ ຫລື ວິນນີ, ນາງMackenzie Gaolou ແລະ ນາງ Charlie Gaosheng ເປັນຕົວແທນຈາກ ໂຮງຮຽນນາໆຊາດ ຮິດຟິວ (HIS) ນະຄອນຫລວງວຽງຈັນ.
ສະເພາະ ນາງ ວິພະດາ ພັນທະຈັກ ຫລື ນ້ອງ ວິນນີ້ ອາຍຸ 8 ປີ ໄດ້ມາທັງໝົດ 9 ຫລຽນ 2 ຫລຽນຄໍາ 6 ຫລຽນເງິນ 1ຫລຽນທອງແດງ ; 2 ຫລຽນຄໍາ ໄດ້ຈາກທ່າຟຮີສະຕາຍ 100 ແມັດ ແລະ ທ່າ ແບັກສະໂຕກ,ຫລຽນເງິນ ໄດ້ຈາກລອຍທ່າ ຟຣີສະຕາຍ 25 ແມັດ, ຟຣີສະຕາຍທົ່ວໄປ 50 ແມັດ, ແບັກສະໂຕກ 50 ແມັດ, ແບັກສະໂຕກ 25 ແມັດ, ບັດເຕີຟາຍ 25 ແມັດ, ບັດເຕີຟາຍ 50 ແມັດ, ບັດເຕີຟາຍ 100ແມັດ ແລະ ຫລຽນທອງ ຈາກລອຍທ່າລອຍຫງາຍຫລັງ 100 ແມັດ.
ນີ້ເປັນຄັ້ງທີ່ສອງ ວິນເນີ້ ແລະ ວິນນີ້, ເຄນຊີ້, ຊາລີ້ ໄດ້ເຂົ້າ ຮ່ວມແຂ່ງຂັນລະດັບນາໆຊາດ, ທ່ານ ນາງ ERI HASEGAWA (ເອລິ) ຄູຝຶກລອຍນໍ້າຂອງໂຮງຮຽນ ນານາຊາດຮິດຟິວ ໃຫ້ຮູ້ວ່າ: ນັກກິລາລອຍນ້ໍາທັງສີ່ຄົນເປັນນັກກິລາທີ່ມີພອນສະຫວັນ ແລະ ພອນສະແຫວງ ເຫັນໄດ້ຈາກການຝຶກຊ້ອມ ມີສະຖິຕິທີ່ດີ ສາມາດຍາດແຍ່ງຫລຽນລາງວັນໄດ້ໃນລະດັບນາໆຊາດ ທາງໂຮງ ຮຽນ ກໍຄືຜູ້ປົກຄອງ ແລະ ຄູຝຶກ ຈຶ່ງຕັດສິນໃຈສົ່ງນ້ອງທັງສອງໄປທົດສອບຄວາມສາມາດ ຫາປະສົບການ.
ພ້ອມນັ້ນ ວິນນີ້ຍັງໄດ້ ອັນດັບສາມ ໃນການແຂ່ງຂັນທີ່ເຮັດເວລາດີ ແລະໄດ້ລາງວັນຫລາຍໃນອາຍຸ 7 ຫາ 8 ປີ ຕື່ມອີກ.
