ວັນທີ 1 ພະຈິກ 2022 ຢູ່ໂຮງຮຽນສາມັນກິນນອນຊົນເຜົ່າສວນຫຼວງ ເມືອງຊຽງເງີນ ໄດ້ມີພິທີມອບ-ຮັບການສ້ອມແປງ ຫໍພັກນັກຮຽນ ແລະການກໍ່ສ້າງຫ້ອງຮຽນ ມີ ທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ, ສາທຸ ຈັນທະລິນ ຈິນນະທໍາໂມ ຮອງເຈົ້າຄະນະແຂວງ ອົງການພຸດທະສາສະໜາສຳພັນລາວ (ອພສ) ແຂວງຫຼວງພະບາງ, ທ່ານ ນາງ ນາລີ ສີສຸລິດ ຄອບຄົວທ່ານປະທານປະເທດ, ພ້ອມດ້ວຍອົງການທີ່ກ່ຽວຂ້ອງ ຕະຫຼອດຮອດຄູ ແລະນັກຮຽນພາຍໃນໂຮງຮຽນເຂົ້າຮ່ວມ. ພິທີ ອໍານວຍການໂຮງຮຽນສາມັນກິນນອນຊົນເຜົ່າສວນຫຼວງ ໄດ້ຜ່ານບົດສະຫຼຸບວ່າ: ໂຮງຮຽນສາ ມັນກິນນອນຊົນເຜົ່າສວນຫຼວງ ມີຄູສອນທັງໝົດ 51 ທ່ານ, ຍິງ 29 ທ່ານ, ມີນັກ ຮຽນທັງໝົດ 814 ຄົນ, ຍິງ 380 ຄົນ ໃນນັ້ນ ມີນັກຮຽນໃນແຜນ 628 ຄົນ, ຍິງ 283 ຄົນ, ນັກຮຽນນອກແຜນ 186 ຄົນ ຍິງ 97 ຄົນ ເປົ້າໝາຍນັກຮຽນທີ່ເຂົ້າມາຮຽນແມ່ນເດັກກໍ່າພ້າ, ກໍ່າພອຍ, ທຸກຈົນ ດ້ອຍໂອກາດ ຂາດທີ່ເພິ່ງ ໂດຍມີຊັ້ນຮຽນແຕ່ ມ1 ຮອດ ມ7 ໃນໄລຍະຜ່ານມາພາຍໃນໂຮງຮຽນ ມີຫ້ອງຮຽນ ແລະຫໍພັກພຽງພໍ ແຕ່ເປັນຕຶກອາຄານທີ່ເກົ່າແກ່ ຊຸດໂຊມຫຼາຍ, ເພື່ອອຳນວຍຄວາມສະດວກດ້ານການຮຽນ ແລະການດຳລົງຊີວິດຂອງນັກຮຽນ ໃຫ້ນັບມື້ດີຂື້ນ ສາທຸ ຈັນທະລິນ ຈິນນະທໍາໂມ ໄດ້ລະດົມທຶນຊ່ວຍເຫຼືອຈາກຜູ້ໃຈບຸນທັງພາຍໃນ ແລະຕ່າງປະເທດ ເຂົ້າໃນໂຄງການຊ່ວຍ ເຫຼືອສ້ອມແປງຫໍພັກ ເຊິ່ງເລີ່ມສ້ອມແປງໃນວັນທີ່ 18 ພຶດສະພາ 2022 ແລະສໍາເລັດໃນວັນທີ 18 ກໍລະກົດ 2022 ໜ້າວຽກໃນການສ້ອມແປງແມ່ນ ປ່ຽນໂຄງຫຼັງຄາ, ປ່ຽນກະເບື້ອງ, ຕີເພດານໃໝ່, ທາສີໃໝ່ ເປັນອາຄານ ຊັ້ນດຽວລວມ 5 ຫ້ອງນອນ, ຂະໜາດກວ້າງ 8 ແມັດ, ຍາວ 40 ແມັດ ປັດຈຸບັນໄດ້ດໍາເນີນກໍ່ສ້າງໂຮງຮຽນຫຼັງໃໝ່ຕື່ມ ໄລຍະກໍ່ສ້າງແມ່ນເລີ່ມແຕ່ວັນທີ່ 13 ກັນຍາ 2022 ຈະໃຫ້ສໍາເລັດ ວັນທີ 13 ມັງກອນ 2023 ເປັນຕຶກອາຄານຊັ້ນດຽວ ມີ 4 ຫ້ອງຮຽນ, ຂະໜາດກວ້າງ 8 ແມັດ ຍາວ 32 ແມັດ ເພື່ອໃຫ້ພາຍໃນໂຮງຮຽນມີສະຖານທີ່ການການສຶກສາທີ່ດີຂື້ນ.
