ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ແຂວງບໍ່ແກ້ວ ຮ່ວມກັບ ກຸ່ມບໍລິສັດດອກງິ້ວຄຳ ເຂດເສດ ຖະກິດພິເສດສາມຫຼ່ຽມຄຳ ຈັດພິທີປະກວດ ນາງສາວດອກງິ້ວບານ ປະຈຳປີ 2024 ໃນວັນທີ 28 ມັງກອນ, ທີ່ເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ມີ ທ່ານ ບົວຄົງ ນາມມະວົງ ເຈົ້າແຂວງບໍ່ແກ້ວ, ທ່ານ ສົມສະຫວາດ ເລັ່ງສະຫວັດ ອາດີດຮອງນາຍົກລັດຖະມົນຕີ, ທ່ານ ຈ້າວເຫວີຍ ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄໍາ,ແຂກຖືກເຊີນ ຕະຫຼອດຮອດປະຊາຊົນຊາວແຂວງບໍ່ແກ້ວເຂົ້າຮ່ວມ
ການປະກວດນາງສາວດອກງິ້ວບານ ຄັ້ງທີ 21 ປະຈໍາປີ 2024 ຍັງເປັນກິດຈະກໍາໜຶ່ງໃນງານເທດສະການດອກງິ້ວບານ. ຜູ້ໄດ້ຕຳແໜງຈະໄດ້ເປັນຕົວແທນໃນການເຜີຍແຜ່ວັດທະນະທຳ, ຮີດ ຄອງປະເພນີ, ວິຖີການດຳລົງຊີວິດ, ສະຖານທີທ່ອງທ່ຽວແຫ່ງຕ່າງໆພາຍໃນ ເມືອງຕົ້ນເຜິ້ງ ໂດຍສະເພາະ ເຂດເສດຖະກິດພິເສດສາມລ່ຽມຄຳ ເພື່ອໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດຫັນມາທ່ອງທ່ຽວພາຍໃນເມືອງຕົ້ນເຜິ້ງນັບມື້ນັບ ຫຼາຍຂື້ນ
ສຳລັບນາງສາວດອກງິ້ວບານ ປະຈຳປີ 2024 ໄດ້ແກ່ mk 4 ນາງ ວິສຸດາ ອຸ່ນແກ້ວ ຈາກເມືອງຕົ້ນເຜິ້ງ ໄດ້ຮັບເງີນສົດ 100 ລ້ານກີບ ພ້ອມດ້ວຍລົດຈັກ 1 ຄັນ, ຮອງອັນດັບໜື່ງໄດ້ແກ່ mk20 ນາງຈິນລະພອນ ວິໄລວັນ ຈາກເມືອງຕົ້ນເຜິ້້ງ ໄດ້ຮັບເງີນສົດ 70 ລ້ານກີບ, ຮອງອັນດັບ2 ໄດ້ແກ່ mk 14 ນາງ ຂັວນຕາ ຜົງສະຫັວດ ຈາກເມືອງປາກທາໄດ້ຮັບເງີນສົດ 50 ລ້ານກີບ ແລະຮອງອັນດັບສາມໄດ້ແກ່ mk 10 ນາງອາລິຍາວູ່ປັນໂຢ ຈາກເມືອງຫວ້ຍຊາຍໄດ້ຮັບເງີນສົດ 30 ລ້ານກີບ.
ຂຽນໂດຍ ດວງສະຫັວນ ຂັນທະວົງສາ
May be an image of 11 people and text