ນາຍົກລັດຖະມົນຕີເຂົ້າຮ່ວມພິທີປູກຕົ້ນໄມ້ ທີ່ມະຫາວິທະຍາໄລແຫ່ງຊາດ
ເພື່ອເປັນການປະຕິບັດຕາມແຜນພັດທະນາ ມະຫາວິທະຍາໄລແຫ່ງຊາດ ກໍ່ຄືການປະຕິບັດຄຳຂວັນ 5 ສ ໂດຍສະເພາະແມ່ນ ສ. ສີຂຽວ, ທັງເປັນການສ້າງຂະບວນ
ການເນື່ອງໃນວັນປູກຕົ້ນໄມ້ແຫ່ງຊາດ ພາຍໃຕ້ຄຳຂວັນ “ ຮ່ວມແຮງຮ່ວມໃຈສ້າງວິທະຍາເຂດດົງໂດກໃຫ້ມີສີຂຽວ, ສະອາດງາມຕາ ”.
ໃນວັນທີ 1 ມິຖຸນາ 2021 ຄະນະສະຖາປັດຕະຍະກໍາສາດ ມະຫາວິທະຍາໄລແຫ່ງຊາດ ໄດ້ຈັດກິດຈະກຳປູກຕົ້ນໄມ້ໃສ່ພື້ນທີ່ດິນທີ່ຍັງເປົ່າວ່າງ, ໂດຍການເຂົ້າຮ່ວມຂອງ
ທ່ານ ພັນຄຳ ວິພາວັນ ນາຍົກ ລັດຖະມົນຕີ,ມີທ່ານຮອງສາດສະດາຈານ ພຸດ ສິມມະລາວົງ ລັດຖະມົນຕີກະຊວງສຶກສາທິການ ແລະ ກິລາ, ອະທິການບໍດີມະຫາວິທະ
ຍາໄລແຫ່ງຊາດ ແລະ ພະນັກງານຄູອາຈານ ຄະນະສະຖາປັດຕະຍະ ກຳສາດ ເຂົ້າຮ່ວມ.
ສຳລັບຕົົ້ນໄມ້ທີ່ນຳມາປູກໃນຄັ້ງປີນີ້ ປະກອບມີຕົົ້ນໄມອຸດສາຫະກຳ ປະເພດໄມ້ດູ່ ຈຳນວນ 90 ຕົົ້ນ ແລະ ຕົົ້ນໄມ້ກິນໝາກອີກຈໍານວນໜຶ່ງ, ກິດຈະກຳໃນຄັ້ງນີ້ ແມ່ນ
ແນໃສ່ສ້າງວິທະຍາເຂດດົງໂດກໃຫ້ເປັນພື້ນທີ່ສີຂຽວ ທີ່ປົກຫຸ້ມດ້ວຍຊີວະນາໆພັນຄືໃນເມື່ອກ່ອນ ແລະ ເພື່ອປູກຈິດສຳນຶກໃຫ້ແກ່ພະນັກງານ ຄູ-ອາຈານ, ນັກສຶກສາ
ໃຫ້ມີຈິດໃຈຮັກສິ່ງແວດລ້ອມ.
ນອກຈາກນັ້ນ, ແຜນພັດທະນາພື້ນທີ່ໃຫ້ຕິດພັນກັບການສຶກສາ ຂອງມະຫາວິທະຍາໄລແຫ່ງຊາດ ແມ່ນໄດ້ຈັດສັນພຶື້ນທີ່ 3,6 ເຮັກຕາ ໃຫ້ແກ່ຄະນະສະຖາປັດຕະຍະກໍາ
ສາດ ເພື່ອສ້າງໃຫ້ເປັນສວນສາທາລະນະ ໂດຍຕິດພັນກັບການຮຽນການສອນ, ການເຝິກຫັດຂອງຄູອາຈານ ແລະ ນັກສຶກສາ ໂດຍຈະປະກອບມີ ເຮືອນຊົນເຜົ່າຕ່າງໆ,
ສວນປູກຕົ້ນໄມ້ ແລະ ດອກໄມ້ຕ່າງໆ, ສາລາໃນຮົ່ມ, ຫໍມູນເຊື້ອ ແລະ ອື່ນໆ.
ສຳລັບກິດຈະກຳການປູກຕົ້ນໄມ້ປີນີ້ມະຫາວິທະຍາໄລແຫ່ງຊາດ ຍັງໄດ້ຈັດສັນພຶ້ນທີ່ຈຳນວນໜຶ່ງໃຫ້ແຕ່ລະວິທະຍາເຂດຂອງມະຫາວິທະຍາໄລແຫ່ງຊາດເພື່ອປູກຕົ້ນໄມ້
ໃຫ້ຕິດພັນກັບການສຶກສາ ແລະ ການຈັດກິດຈະກຳກໍ່ເນັ້ນຄວາມກະທັດຮັດ ເພື່ອປະຕິບັດຕາມມາດຕະການປ້ອງກັນການແຜ່ລະບາດຂອງພະຍາດ ໂຄວິດ 19.

Loading...